ລົດເມປີ້ນທີ່ປາກຊັນ ມີພຽງແຕ່ຜູ່ບາດເຈັບ! ປອດໄພທຸກຄົນ

0
1467

ບໍລິຄຳໄຊ: ຈາກເຫດການລົດເມປີ້ນທີ່ທາງ 13 ໃຕ້ ຕອນເຊົ້າ ວັນທີ 23 ພຶດສະພາ 2018. ຂໍ້ມູນເພີ່ມເຕີມ ໃຫ້ຮູ້ວ່າ ລົດດັ່ງກ່າວໄດ້ເກີດອຸບັດຕິເຫດ ເຂດບ້ານໜອງເກີນ ເມືອງປາກຊັນ ແຂວງບໍລິຄຳໄຊ

ລົດທີ່ເກີດເຫດເປັນລົດເມທົວຂອງຫວຽດນາມ ທີ່ບັນທຸກຜູ່ໂດຍສານຈຳນວນຫຼາຍ ສ່ວນໃຫຍ່ເປັນຜູ່ສູງອາຍຸ ທີ່ເປັນນັກທ່ອງທ່ຽວ.  ໂຊກດີທີ່ບໍ່ມີຜູ່ເສຍຊີວິດຈາກເຫດການນີ້.

ບັນຫາລົດເມເກີດອຸບັດຕິເຫດ ທາງສາຍໃຕ້ ຖືເປັນບັນຫາທີ່ຕ້ອງໄດ້ຫາທາງປ້ອງກັນ ເພາະໄລຍະຫຼັງມານີ້ເກີດຂຶນຫຼາຍຄັ້ງ. ໂດຍສະເພາະເກີດຈາກ ການຂີ່ລົດໄວເກີນຂອບເຂດ,​ ບວກກັບການປະໝາດ ແລະ ບໍ່ຮັບປະກັນຄວາມປອດໄພ ຂອງຜູ່ຂັບຂີ່

ປະຊາຊົນຮຽກຮ້ອງ ໃຫ້ໜ່ວຍງານຄຸ້ມຄອງ ແລະ ຈັດສັນລົດເມ ຈົ່ງໄດ້ມີການກວດສອບ ຢ່າງເຄັ່ງຄັດ ໂດຍສະເພາະ ກັບໂຊເຟີ ວ່າມີສຸຂະພາບແຂງແຮງ, ບໍ່ຫຍຸ້ງກ່ຽວກັບຢາເສບຕິດ, ແລະ ຕ້ອງມີຄວາມພ້ອມທຸກຄັ້ງກ່ອນການຂັບລົດ. ເພາະຊີວິດຂອງຜູ່ໂດຍສານແມ່ນຝາກໄວ້ກັບໂຊເຟີ.

ລາຍງານຈາກປະຊາຊົນໃຫ້ຮູ້ວ່າ ຕອນເຊົ້າ ວັນທີ່ 23/5/2018 ເກີດອຸບັດຕິເຫດ ລົດເມປີ້ນຕົກຂ້າງທາງ 13 ໃຕ້, ເຂດ ປາກຊັນ. ລາຍລະອຽດຈະແຈ້ງໃຫ້ຊາບອີກເດີ! ອົດໃຈລໍ