ສະຫຼົດ! ລົດໃຫຍ່ ຕໍາກັບລົດຈັກ ເສຍຊີວິດຄາທີ່ 2 ຄົນ ທີ່ ໂພນມ່ວງ

0
3688

ລາຍງານຈາກ ກູ້ໄພ 1624 ໃຫ້ຮູ່ວ່າ ເວລາປະມານ 20:00 ວັນທີ 24/5/2018 ເກີດເຫດລົດໃຫຍ່ຕໍາກັບລົດຈັກ ທີ່ທາງ 13 ເໜືອ ເຂດບ້ານໂພນມ່ວງ ເມືອງນາຊາຍທອງ ນະຄອນຫຼວງວຽງຈັນ

ທີ່ເກດເຫດພົບເຫັນ ຜູ່ເສຍຊີວິດຄາທີ່ 2 ຄົນ ຍິງທັງສອງ, ລົດຈັກ 1 ຄັນ ສະພາບ ມຸ່ນເສຍຫາຍ ແລະ ລົດເກງເກຍ ທະບຽນ ກໍາແພງນະຄອນ ກຕ 5233 ທີ່ດ້ານໜ້າເບື້ອງຊ້າຍຖືກຕໍາເສຍຫາຍ.

ກູ້ໄພໄດ້ສົມທົບກັບເຈົ້າໜ້າທີ່ ຈາລະຈອນ ກວດສອບ ແລະ ບັນທຶກຂໍ້ມູນ ກ່ອນນໍາສົບຜູ່ເສຍຊີວິດສົ່ງໃຫ້ຍາດພີ່ນ້ອງ. ສະແດງຄວາມເສຍໃຈມານະໂອກາດນີ້ດ້ວຍ!

ເຕືອນໄພທຸກຄົນ ຈົ່ງລະມັດລະວັງ ໃນການໃຊ້ລົດໃຊ້ຖະໜົນ ຂໍໃຫ້ມີສະຕິ ແລະ ໃຫ້ກຽດຄົນເດີນທາງໄປມາ. ເມົາບໍ່ຂັບ, ບໍ່ຂັບລົດໄວເກີນຄວນ ແລະ ຢ່າປະໝາດ.

ພາບແລະຂ່າວ: 1624

ຄລິບລາຍງານສົດຈາກທີ່ເກີດເຫດ

https://www.facebook.com/sin.manu/videos/1552238618232487/