ເປີດງານວັນລາວ ສົ່ງເສີມ ປີທ່ອງທ່ຽວລາວ ທີ່ຊຽງໃໝ່

0
444

ຂປລ: ບັນຍາກາດງານວັນລາວເພື່ອໂຄສະນາການທ່ອງທ່ຽວໃນສປປ.ລາວ

ທີ່ຊຽງໃໝ່ ປະເທດໄທ 23 ມັງກອນ 2018.

ທ່ານ ລັດຖະມົນຕີກະຊວງຖະແຫຼງຂ່າວ ວັດທະນະທຳ ແລະ ທ່ອງທ່ຽວ ບໍ່ແສງຄຳ ວົງດາຣາ ໄດ້ຂຶ້ນກ່າວໃນງານ ທີ່ມີການເຂົ້າຮ່ວມຂອງບັນດາລັດຖະມົນຕີທ່ອງທ່ຽວຈາກປະເທດສະມາຊິກອາຊຽນ ເຊິ່ງທ່ານໄດ້ກ່າວວ່າ ສປປລາວ ໄດ້ຖືເອົາວຽກງານທ່ອງທ່ຽວເປັນໜຶ່ງໃນຂະແໜງບູລິມະສິດຍຸດທະສາດໃນການພັດທະນາເສດຖະກິດ-ສັງຄົມ ໂດຍໄດ້ກຳນົດເອົານະໂຍບາຍການທ່ອງທ່ຽວດ້ານວັດທະນະທຳ, ທຳມະຊາດ ແລະ ປະຫວັດສາດເປັນທ່າແຮງດຶງດູດນັກທ່ອງທ່ຽວສາກົນໃຫ້ມາທ່ຽວເມືອງລາວ.

ລັດຖະບານລາວ ໄດ້ປະກາດ ປີ 2018 ເປັນປີທ່ອງທ່ຽວລາວ ແລະ ໄດ້ສ້າງບັນດາກິດຈະກຳທ່ອງທ່ຽວ, ສິ່ງຮອບຮັບ, ໂຄງລ່າງພື້ນຖານເພື່ອຮອງຮັບໃຫ້ແກ່ນັກທ່ອງທ່ຽວ.