ເມືອງມະຫາໄຊ ເຜີຍແຜ່ເອກະສານສະພາບການລາວ- ກຳປູເຈຍ

0
724

 

ເມື່ອ​ບໍ່​ດົນ​ມາ​ນີ້, ​ເມືອງ​ມະຫາ​ໄຊ ​ແຂວງ​ຄຳ​ມ່ວນ  ​ໄດ້​ຈັດ​ຕັ້ງ​ເຜີຍ​ແຜ່​ເອກະສານ​ສະພາບ​ການ​ລາວ -ກຳປູ​ເຈຍ ​ໂດຍ​ການ​ເຜີຍ​ແຜ່​ຂອງ ທ່ານ ບົວພັນ ແສງຈັນ ເຈົ້າເມືອງໆ ມະຫາໄຊ, ທັງ​ນີ້ ກໍເພື່ອໃຫ້ ພະນັກງານສະມາຊິກພັກ,  ທະຫານ, ຕຳຫລວດ ແລະ ປະຊາຊົນບັນດາເຜົ່າ  ໃຫ້ມີຄວາມຮັບຮູ້, ເຂົ້າໃຈສະພາບການ  ແລະ ສາເຫດທີ່ເກີດຂຶ້ນທີ່ພົວພັນ ເຖິງຊາຍແດນລະຫວ່າງ ລາວ-ກໍາປູເຈຍ ຢ່າງຖືກ ຕ້ອງເລິກເຊິ່ງ ແລະ ກວ້າງຂວາງທົ່ວເຖິງທຸກເປົ້າໝາຍ.

ທ່ານ ບົວພັນ ແສງຈັນ ໄດ້ຂຶ້ນຜ່ານ ແຈ້ງການແນະນຳກ່ຽວກັບ ການຈັດຕັ້ງໂຄສະນາເຜີຍແຜ່ເອກະສານສະພາບການ  ລາວ-ກຳປູເຈຍ ເພື່ອສ້າງຄວາມເຂົ້າອົກເຂົ້າໃຈ  ແລະ ຄວາມໄວ້ເນື້ອເຊື່ອໃຈກັນ ໃນຖານະທີ່ລາວ  ແລະ  ກຳປູເຈຍ ເຄີຍເປັນຫົວເມືອງຂຶ້ນຂອງຝຮັ່ງ  ແລະ ໄດ້ຮັບມໍລະດົກຕົກທອດເສັ້ນຊາຍແດນ ທາງປະຫວັດສາດມາເຖິງປັດຈຸບັນ,  ສະນັ້ນ  ບັນດາຜູ້ນຳລາວ ແລະ ກຳປູເຈຍ ໃນຍຸກ​ໃໝ່ ຈຶ່ງເຫັນຄວາມຈຳ ເປັນທີ່ ຕ້ອງກຳນົດເສັ້ນຊາຍແດນຮ່ວມກັນ  ໃຫ້ຖືກຕ້ອງ ແລະ ສອດຄ່ອງກັບຄວາມເປັນຈິງ  ເພື່ອຜົນປະໂຫຍດແຫ່ງຊາດ, ແນ​ໃສ່ເພື່ອເສີມສ້າງສັນຕິພາບ,  ສະຖຽນລະພາບ ແລະ ການຮວມມື ລະຫວ່າງສອງປະເທດ ກໍຄື ການຮ່ວມມື ພັດທະນາໃນພາກພື້ນ.

ຂ່າວ: ອໍລະດີ ແກ້ວບໍລະກົດ ( ຂປລ)