ລົດຈັກຖືກຕໍາ ເສຍຊີວິດຄາທີ່ 1 ຄົນ, ເຈົ້າໜ້າທີ່ເລັ່ງກວດຫາຄູ່ກໍລະນີ

0
591

ນະຄອນຫຼວງວຽງຈັນ: ໃນວັນທີ 06 ມິຖຸນາ 2018 ເວລາ 23:35 ໂມງ ໜ່ວຍກູ້ໄພມູນນິທິຊ່ວຍເຫຼືອຄົນທຸກຍາກແຫ່ງ ສປປ ລາວໄດ້ຮັບແຈ້ງເຫດຈາກປະຊາຊົນວ່າມີເຫດລົດຕຳກັນ ຈຸດເກີດເຫດແມ່ນຢູ່ບໍລິເວນເອັມພ້ອຍຫົວຂົວ ເມືອງໄຊເສດຖາ ແຂວງນະຄອນຫຼວງວຽງຈັນ

ເມື່ອໜ່ວຍກູ້ໄພໄປຮອດຈຸດເກີດເຫດພົບວ່າມີຄົນເຈັບ ເປັນເພດຍິງ ອາຍຸ 33 ປີ ບ້ານໂນນສະຫວ່າງ ເມືອງໄຊເສດຖາ ແຂວງນະຄອນຫຼວງວຽງຈັນ ສັນຊາດລາວ.

ອາການເບື້ອງຕົ້ນແມ່ນກະທົບຫົວ,ເລືອດອອກປາກ,ມີບາດເປີດໃຫຍ່ຢູ່ຂາເບື້ອງຂວາ ບໍ່ມີສະຕິ. ດັ່ງນັ້ນໜ່ວຍກູ້ໄພມູນນິທິຈຶ່ງໄດ້ທຳການ CPR (ປໍ້າຫົວໃຈ)ແລ້ວກໍເສຍຊີວິດໃນເວລາຕໍ່ມາ. ສ່ວນສົບຂອງຜູ້ກ່ຽວແມ່ນໄດ້ນຳສົ່ງໄປທີ່ວັດຈີນດົງປ່າແຫລບ.

ໃນບໍລິເວນໃກ້ກັບຜູ່ເສຍຊີວິດ ມຮລົດຈັກ 1 ຄັນທີ່ລົ້ມຢູ່, ສ່ວນລົດທີ່ຕໍາ ບໍ່ທັນຮູ້ປະເພດ ແລະ ຍີ່ຫໍ້, ທາງເຈົ້າໜ້າທີ່ຈະກວດສອບຕໍ່ໄປ.

ພວກເຮົາຕ້ອງຂໍສະແດງຄວາມເສຍໃຈນຳພີ່ນ້ອງຂອງຜູ້ເສຍຊີວິດແລະກໍຂໍໃຫ້ດວງວິນຍານໄປສູ່ສຸຂະຕິດ້ວຍ

ລາຍງານໂດຍ: 1623