ຄະນະຜູ້ແທນພັກ ປປ ລາວ ຢ້ຽມຢາມ ສ ອາເມລິກາ

    0
    440

    ຕອບສະໜອງຄໍາເຊີນ ຂອງສະ​ຖາ​ບັນ​ການເມືອງຂອງພັກຣີພັບ​ບິ​ກັ ນ​ ແລະ ​ດີ​​ໂມ​ແຄຣດ ສ ອາເມລິກາ, ຄະນະຜູ້ແທນພັກ ປປ ລາວ ນໍາໂດຍ ສະຫາຍ ສົມດີ ບຸນຄຸ້ມ  ຮອງຫົວໜ້າຄະນະພົວພັນ ຕ່າງປະເທດ ສູນກາງພັກ  ໄດ້ຢ້ຽມຢາມສະຫະລັດອາເມລິກາ  ແຕ່ວັນທີ 28 ພຶດສະພາ ເຖິງ 1 ມິຖຸນາ 2018.  ໃນໄລຍະຢ້ຽມຢາມດັ່ງກ່າວ, ຄະນະຜູ້ແທນພັກ ປປ ລາວ  ໄດ້ພົບປະກັບຄະນະນໍາຂອງສະຖາບັນຣີພັບບິກັນສາກົນ  ແລະ ສະຖາ ບັນດີໂມແຄຣດ ແຫ່ງຊາດ,  ພົບກັບຄະນະກໍາມາທິການຣີພັບ​ບິກັນແຫ່ງຊາດ,  ຄະນະກໍາມາທິການດີໂມແຄຣດແຫ່ງຊາດ,  ອົງການທີ່ບໍ່ຂຶ້ນກັບລັດຖະບານ, ຢ້ຽມ ຢາມສານປະຊາຊົນສູງສຸດ  ແລະ ສະຖານທີ່ປະຫວັດສາດ ຈໍານວນໜຶ່ງ  ໃນນະຄອນຫລວງວໍຊິງຕັນ ດີຊີ.

    ການພົບປະກັບພາກສ່ວນຕ່າງໆຂອງອາເມລິກາ,  ທ່ານ ຫົວໜ້າຄະນະຜູ້ແທນພັກ ປປ ລາວ ໄດ້ແຈ້ງສະພາບການພົ້ນເດັ່ນ ຂອງ ສປປ ລາວ, ຕີລາຄາກ່ຽວກັບການພົວພັນຮ່ວມມື ຂອງສອງປະເທດໃນໄລຍະຜ່ານມາ ແລະ ປັດຈຸບັນ, ທັງໄດ້ປຶກສາຫາລືກ່ຽວກັບ ທິດທາງການຮ່ວມມືໃນຕໍ່ໜ້າ, ພ້ອມນີ້ກໍໄດ້ສະແດງຄວາມຂອບໃຈ ຢ່າງຈິງໃຈຕໍ່ການຮ່ວມມືຂອງລັດຖະບານອາເມລິກາ  ໃນບັນດາໂຄງການຕ່າງໆ  ໂດຍສະເພາະແມ່ນໂຄງ ການ ເກັບ ກູ້ລະເບີດບໍ່ທັນແຕກ (UXO)  ທີ່ຕົກຄ້າງແຕ່ສະໄໝສົງຄາມ,  ຢືນຢັນຄືນນະໂຍບາຍມະນຸດສະທໍາຂອງລັດຖະບານລາວ  ໃນການຊອກຄົ້ນຫາສິ່ງເສດເຫລືອ ຂອງທະຫານອາເມລິກາທີ່ຫາຍສາບສູນໃນປາງສົງຄາມ (MIA) ​ແລະ ​ການຮ່ວມມືໃນຂົງເຂດອື່ນໆ.  ນອກ​ນັ້ນ, ຄະນະ​ຜູ້​ແທນຍັງ​ໄດ້​ຮັບຟັງ  ແລະ ແລກປ່ຽນ​ຄໍາ​ຄິດ​ເຫັນ​ກ່ຽວ​ກັບ​ລະ​ບົບການ​ເມືອງ  ​ແລະ ການ​ເລືອກ​ຕັ້ງ​ຢູ່ ສ ອາ​ເມລິ​ກາ,  ບົດບາດ​ຂອງ​ປະທານ​າທິບໍດີ ​ແລະ ບົດບາດ​ຂອງ​ລັດຖະສະພາ ອາ​ເມ​ລິ​ກາ  ​ໃນ​ການ​ຕັດສິນ​ບັນຫາ​ສໍາຄັນໆ​ຂອງຊາດ  ​ແລະ ​ໃນ​ການ​ພົ​ວພັນ​ລະຫ​ວ່າງ​ອາ​ເມ​ລິ​ກາ ກັບ​ສາກົນ ​ຕື່ມ​ອີກ.

    ການຢ້ຽມຢາມຂອງຄະນະຜູ້ແທນພັກ ປປ ລາວ  ໃນຄັ້ງນີ້ ແມ່ນເປັນຄັ້ງທໍາອິດ ໃນການປະຕິບັດແຜນແລກປ່ຽນຄະນະຜູ້ແທນສາຍພັກ  ລະຫວ່າງ ສອງປະເທດ ລາວ-ອາເມລິກາ,  ພາຍຫລັງທີ່ຄະນະຜູ້ແທນ ສະຖາບັນ ຣີພັບບິກັນສາກົນ  ແລະ ສະຖາບັນດີໂມແຄຣດແຫ່ງຊາດ  ສ ອາເມລິກາ ໄດ້ຢ້ຽມຢາມ ສປປ ລາວ  ເມື່ອເດືອນກໍລະກົດ 2017 ຜ່ານມາ  ແລະ ທັງເປັນການສືບຕໍ່ຜັນຂະຫຍາຍຖະແຫລງການຮ່ວມ  ສປປ ລາວ ກັບ ສ ອາເມ ລິກາ  ວ່າດ້ວຍ ການເປັນຄູ່ຮ່ວມມືແບບກວມລວມ  ທີ່ໄດ້ລົງນາມຮ່ວມກັນໂດຍປະມຸກລັດ ຂອງສອງປະເທດໃນເດືອນກັນຍາ 2016.

     

    ທີ່ມາ: ຂປລ