ລະມາມ ສ້າງຂະບວນການອະນາໄມເພື່ອວັນສິ່ງແວດລ້ອມໂລກ

    0
    508

     

    ແຂວງເຊກອງ: ໃນຕອນເຊົ້າຂອງວັນທີ 7 ມິຖຸນາ ນີ້,ເມືອງລະມາມໄດ້ສ້າງຂະບວນການອະນາໄມເພື່ອຕ້ອນຮັບວັນສິ່ງແວດລ້ອມໂລກ ເຊິ່ງນຳພາໂດຍຄະນະກຳມະການຈັດງານສະເຫຼີມສະຫຼອງວັນສິ່ງແວດລ້ອມໂລກຂັ້ນເມືອງ, ມີບັນດາຄະນະພັກ-ອຳນາດການປົກຄອງບ້ານ,ນັກຮຽນ ພ້ອມດ້ວຍພໍ່ແມ່ປະຊາຊົນ 6 ບ້ານເທສະບານເຂົ້າຮ່ວມ.


    ທ່ານ ບຸນທອນ ຊະນະນິຄົມ ກຳມະການພັກເມືອງ, ຫົວໜ້າຫ້ອງການຊັບພະຍາກອນທໍາມະຊາດ ແລະ ສິ່ງແວດລ້ອມລາຍງານວ່າ: ຈຸດປະສົງການສ້າງຂະບວນການອະນາໄມຄັ້ງນີ້,ເວົ້າລວມກໍ່ແມ່ນເພື່ອຕອນຮັບວັນສິ່ງແວດລ້ອມໂລກ ສຳລັບເມືອງລະມາມປີນີ້ແມ່ນໄດ້ກຳນົດເອົາ 2 ວັນຄື:ວັນທີ 7 – 8 ມິຖຸນາ 2018,ການສ້າງຂະບວນການອະນາໄມແມ່ນມອບໃຫ້ບ້ານພາຍໃນເທດສະບານຮ່ວມກັບໂຮງຮຽນເຊັ່ນ: ບ້ານເພຍໃໝ່ຮ່ວມກັບໂຮງຮຽນມໍປາຍແຂວງ ເລີ່ມແຕ່ຫ້ອງການບ້ານເພຍໃໝ່ໄປຫາທ່າບັກອອກໃສ່ຫ້ອງວ່າການແຂວງແລ້ວລ້ຽວຊ້າຍລົງໄປໃສ່ເສັ້ນທາງເລກທີ16ເບ ໄປຫາພະແນກສຶກສາລົງໄປຫາຫ້ອງການບ້ານ, ບ້ານໂນນມີໄຊ ຮ່ວມກັບໂຮງຮຽນ ມໍສໍ ຊົນເຜົ່າ ເລີ່ມແຕ່ໜ້າໂຮງຮຽນຊົນເຜົ່າອອກໄປຫາຂ້າງສະໜາມກິລາ ແລະ ກອງບັນຊາການທະຫານແຂວງ ລ້ຽວຊ້າຍຂຶ້ນໄປຫາຮ້ານຂາຍເຄື່ອງນາງສອນ ປັນຍາຄູນ ແລ້ວລ້ຽວຕໍ່ເຂົ້າຊອຍໂຮງໝໍທະຫານ ແລະອອກໄປຫາເດີ່ນກິລາໂປ້ຍຊຽນລົງໄປຮອດໂຮງຮຽນຄືນ, ບ້ານວັດຫລວງ ແລະທ່າຫລວງ ຮ່ວມກັບໂຮງຮຽນ ມໍສໍ ລາວ-ຫວຽດ ເລີ່ມແຕ່ໜ້າວັດຫລວງ ອອກໃສ່ເສັ້ນທາງຂ້າງທະນາຄານພົງສະຫວັນ ຫາ ເສັ້ນທາງພະແນກການເງິນ ອອກໄປຫາເສັ້ນທາງເລກທີ16ເບ ແລ້ວເຂົ້າໄປຮອດແຍກໂຮງແຮມຫົງຄໍາ, ບ້ານໂພນຄຳ ແມ່ນຮ່ວມກັບໂຮງຮຽນ ມໍຕົ້ນ ໂພນຄຳ ໃຫ້ເລີ່ມແຕ່ໜ້າໂຮງຮຽນ ມໍຕົ້ນໂພນຄຳ ອອກໄປຫາທາງ16ເບ ລ້ຽວຂວາໄປຫາຂົວນໍ້າເຊກອງແລ້ວໃຫ້ລ້ຽວຂວາໄປຕາມທາງຮອມຈົນຮອດຫົວຂົວຫ້ວຍປາດຸກໃຫຍ່ບ້ານໂພນຄຳ, ສ່ວນບ້ານໃໝ່ຫົວເມືອງແມ່ນຈັດຮ່ວມກັບໂຮງຮຽນ ມໍຕົ້ນ ອົງແກ້ວ ເລີ່ມແຕ່ໜ້າໂຮງຮຽນມໍຕົ້ນອົງແກ້ວ ໄປຫາເສັ້ນທາງເລກທີ16ເບ ຂຶ້ນໄປຫາສວນຫຼັກເມືອງ ລົງໄປຮອດພະແນກແຮງງານສະຫວັດດີການ ແລະສັງຄົມ ອອກໄປທາງສີ່ແຍກປໍ້ານໍ້າມັນໄພເຕິ ແລ້ວຂ້າມໄປຫາໜ້າໂຮງຮຽນປະຖົມບ້ານໃໝ່ຫົວເມືອງໄປຮອດສາມແຍກຮ້ານຫວຽດຕ໋ຽນ ແລ້ວລ້ຽວຊ້າຍອອກໄປຫາສີ່ແຍກເຮືອນ ນາງ ສຸກມະນີ ໄຊຍະວົງຄຳດີ ແລ້ວລ້ຽວຊ້າຍໄປຫາໂຮງຮຽນ ມໍຕົ້ນອົງແກ້ວຄືນ.


    ການອະນາໄມຄັ້ງນີ້ມີຜູ້ເຂົ້າຮ່ວມທັງໝົດ 100 ກວ່າຄົນ,ຍິງ60 ກວ່າຄົນ ການອອກແຮງໃນແຕ່ລະຈຸດແມ່ນສຳເລັດ100 %.

    ຂ່າວ:ດາວສະຫວັນ ໄຊລາສອນ (ຂ່າວແຊກອງ)