ສສຊ ສະເໜີໃຫ້ລັດຖະບານ ຫາຕະຫຼາດຮອງຮັບຜົນຜະລິດ ຂອງປະຊາຊົນ

0
337

 

ສສຊ ສະເໜີໃຫ້ລັດຖະ ບານລົງທຶນພັດທະນາແຫຼ່ງ ທ່ອງທ່ຽວໃຫ້ຫຼາຍຂຶ້ນ ເນື່ອງ ຈາກວ່າລາຍຮັບຈາກການ ທ່ອງທ່ຽວເປັນລາຍຮັບທີ່ໝັ້ນ ຄົງ ແລະ ເປັນລາຍຮັບທີ່ກະ ຈາຍສູ່ຊຸມຊົນ. ນອກຈາກນີ້ ຍັງສະເໜີໃຫ້ລັດຖະບານຊອກ ຫາຕະຫຼາດທີ່ແນ່ນອນ ເພື່ອ ຮອງຮັບຜະລິດຕະພັນກະສິກຳ ຫຼັງລັດຖະບານສົ່ງເສີມໃຫ້ປະ ຊາຊົນຜະລິດເປັນສິນຄ້າ. ກອງປະຊຸມສະໄໝສາ ມັນເທື່ອທີ 5 ຂອງສະພາແຫ່ງ ຊາດ ຊຸດທີ VIII ໃນວັນທີ 6 ມິ ຖຸນາ ນີ້ ພາຍໃຕ້ການເປັນປະ ທານຂອງທ່ານ ນາງ ປານີ ຢາທໍ່ຕູ້ ປະທານສະພາແຫ່ງ ຊາດ, ບັນດາສະມາຊິກສະພາ ແຫ່ງຊາດ (ສສຊ) ໄດ້ສຸມໃສ່ ປະກອບຄຳຄິດເຫັນໃສ່ບົດລາຍ ງານການພັດທະນາເສດຖະ ກິດ-ສັງຄົມຂອງລັດຖະບານ.

ທ່ານ ສາຍທອງ ແກ້ວ ດວງດີ ປະທານກຳມາທິການ ກົດໝາຍ ສະພາແຫ່ງຊາດ ສສຊ ເຂດ 1 ນະຄອນຫຼວງ ວຽງຈັນ ໄດ້ສະແດງຄວາມຍ້ອງ ຍໍຊົມເຊີຍ ຕໍ່ຜົນງານຂອງລັດ ຖະບານ ໂດຍສະເພາະແມ່ນ ນະໂຍບາຍ 3 ເປີດ ຂອງລັດ ຖະບານ ເຮັດໃຫ້ນັກທຸລະກິດ ທັງພາຍໃນ ແລະ ຕ່າງປະເທດ ສະເໜີຂໍຈົດທະບຽນລົງທຶນຢູ່ ປະເທດເຮົາກວ່າ 4 ພັນຫົວ ໜ່ວຍ ແຕ່ຢາກສະເໜີເມື່ອເປີດ ໃຫ້ບັນດານັກທຸລະກິດເຂົ້າມາ ແລ້ວ ຄວນເຮັດແນວໃດ ບໍ່ໃຫ້ ຍ້າຍຖານການຜະລິດໄປລົງ ທຶນຢູ່ປະເທດອື່ນ.

ທ່ານກ່າວອີກວ່າ: ໃນໄລ ຍະຜ່ານມາ ລັດຖະບານໄດ້ສົ່ງ ເສີມທຸລະກິດ SME ໂດຍທະ ນາຄານໄດ້ປ່ອຍກູ້ໄປແລ້ວ 9 ພັນຕື້ກວ່າ ແຕ່ໃນການປ່ອຍກູ້ ນັ້ນສ່ວນຫຼາຍແມ່ນທຸລະກິດ ການບໍລິການ, ສ່ວນທຸລະກິດ ດ້ານກະສິກຳຍັງມີໜ້ອຍ, ສສຊ ເຂດ 1 ຍັງສະເໜີໃຫ້ລັດຖະ ບານສາມາດເອົາວິສາຫະກິດ ຫຼື ທຸລະກິດດ້ານກະສິກຳ ໄປ ພົວພັນກັບການພັດທະນາຊົນ ນະບົດໄດ້ ຫຼື ບໍ່? ຖ້າຮ່ວມກັນ ໄດ້ຈະເປັນການດີ ເພາະວ່ານັກ ທຸລະກິດທີ່ລົງທຶນໄປໄດ້ທັງ ດ້ານກະສິກຳ ແລະ ພັດທະນາ ຊົນນະບົດໄປພ້ອມໆກັນ. ທ່ານ ສາຍທອງ ແກ້ວ ດວງດີ ຍັງສະເໜີໃຫ້ລັດຖະ ບານ ລົງທຶນໃສ່ການທ່ອງທ່ຽວ ເພີ່ມຂຶ້ນ ເນື່ອງຈາກວ່າຂະ ແໜງທ່ອງທ່ຽວຈະກາຍເປັນ ເສົາຄ້ຳເສດຖະກິດໃນອະນາ ຄົດ ຊຶ່ງປັດຈຸບັນນີ້ ເສົາຄ້ຳເສດ ຖະກິດຂອງປະເທດເຮົາແມ່ນ ຂະແໜງພະລັງງານໄຟຟ້າ ແລະ ບໍ່ແຮ່ ແຕ່ອະນາຄົດອາດ ຈະບໍ່ແນ່ນອນດ້ານລາຄາຕໍ່ຫົວ ໜ່ວຍ, ສ່ວນຕະຫຼາດແຮ່ທາດ ຍິ່ງບໍ່ແນ່ນອນ.

ດັ່ງນັ້ນ, ມີແຕ່ ຕະຫຼາດທ່ອງທ່ຽວນັ້ນ ທີ່ຈະ ເປັນຕະຫຼາດໝັ້ນຄົງຕາມແນວ ທາງຂອງພັກເຮົາໄດ້ວາງໄວ້ ດັ່ງນັ້ນ ຈຶ່ງສະເໜີລົງທຶນໃສ່ ການທ່ອງທ່ຽວເພີ່ມຂຶ້ນ. ທ່ານ ທອງດີ ຈັນທະວົງ ສສຊ ເຂດ 14 ແຂວງສາລະວັນ ສະເໜີໃຫ້ລັດຖະບານມີມາດ ຕະການປ້ອງກັນການນຳເຂົ້າ ສິນຄ້າ ໂດຍສະເພາະແມ່ນສິນ ຄ້າບໍ່ມີຄຸນນະພາບ ແລະ ສິນ ຄ້າລອກຮຽນແບບຜິດກົດ ໝາຍ, ສ່ວນມາດຕະການກະ ຕຸ້ນເສດຖະກິດ ສະເໜີໃຫ້ລັດ ຖະບານລົງທຶນໃສ່ພາກກະສິ ກຳຫຼາຍຂຶ້ນ ໂດຍສົ່ງເສີມໃຫ້ ພາກລັດ ແລະ ເອກະຊົນລົງ ທຶນ ສ້າງຕັ້ງໂຮງງານປຸງແຕ່ງ ຜະລິດຕະພັນກະສິກຳ ເພື່ອ ເປັນຕະຫຼາດຮອງຮັບຜົນຜະ ລິດຂອງຊາວກະສິກອນ.

ໃນ ຂະນະທີ່ທ່ານ ນາງ ບົວພັນ ລີ ໄກຢາ ສະເໜີໃຫ້ລັດຖະບານ ລົງທຶນໃສ່ໂຄງລ່າງພື້ນຖານ, ສາທາລະນຸປະໂພກ ໃນເຂດ ຊົນນະບົດ ລວມທັງລົງທຶນໃສ່ ການສ້າງຕັ້ງໂຮງງານປຸງແຕ່ງ ກະສິກຳ ເພື່ອເປັນຕະຫຼາດ ຮອງຮັບຜົນຜະລິດຂອງປະຊາ ຊົນເນື່ອງຈາກວ່າຜ່ານມາ ຕະ ຫຼາດຈຳໜ່າຍຜະລິດຕະພັນ ກະສິກຳຂອງປະຊາຊົນຍັງບໍ່ມີ ຕະຫຼາດທີ່ແນ່ນອນ. ຂ່າວ: ຄຳເຮືອງ, ພາບ: ພູວຽງຄຳ