ຈະສ້າງອານຸສອນສະຖານ ທ່ານ ຄຳໄຕ ສີພັນດອນ ຢູ່ເຂດທີ່ໝັ້ນການປະຕິວັດລາວໃຕ້ແຂວງອັດຕະປື

0
633

ທ່ານ ຄຳຜາ ພິມມະ ສອນ ຮອງຫົວໜ້າຫ້ອງວ່າ ການສູນກາງພັກ ໄດ້ໃຫ້ຮູ້ໃນ ໂອກາດລົງສຳຫລວດສະ ຖານທີ່ຈະກໍ່ສ້າງອານຸສອນ ສະຖານທ່ານ ຄໍາໄຕ ສີພັນ ດອນ ຢູ່ເຂດທີ່ໝັ້ນການປະ ຕິວັດລາວໃຕ້ແຂວງອັດຕະປື ເມື່ອບໍ່ດົນນີ້ວ່າ: ການສ້າງ ອະນຸສອນສະຖານດັ່ງກ່າວ, ແມ່ນເພື່ອສະແດງຄວາມເຄົາລົບ, ຮູ້ບຸນຄຸນ ກໍຄືຈາລຶກ ເຖິງ ຄຸນງາມຄວາມດີ ແລະ ຜົນ ງານອັນໃຫຍ່ຫລວງ ຂອງ ທ່ານ ຄໍາໄຕ ສີພັນດອນ ອາ ດີດປະທານພັກ- ປະທານ ປະເທດໃນຫລາຍປີຜ່ານມາ

ທັງເປັນການໂຄສະນາເຜີຍ ແຜ່ໃຫ້ພະນັກງານນັກຮົບກໍ ຄືປວງຊົນລາວ, ນັກທ່ອງ ທ່ຽວທັງພາຍໃນ ແລະ ຕ່າງ ປະເທດ ໄດ້ຮັບຮູ້ປະຫວັດ ຄວາມເປັນມາຂອງສະຖານທີ່ທາງປະຫວັດສາດສຳ ຄັນ ດັ່ງກ່າວ, ເຊິ່ງການສຳ ຫລວດລວມມີຈຸດຕີນພູ, ຜາ ລານຫີນຕະບອງຈໍ ແລະ ຈຸດ ຖໍ້າເສືອ, ເຊິ່ງຢູ່ຫ່າງຈາກເທ ສະບານແຂວງ ອັດຕະປືປະ ມານ 20 ກິໂລແມັດ, ເຊິ່ງ ເຄີຍເປັນສູນບັນຊາການ ເຄື່ອນໄຫວຊີ້ນຳບັນຊາ ການຕໍ່ສູ້ຕ້ານສັດຕູໃນສະ ໄໝແຕ່ປີ 1948 ຢູ່ສາຍພູ ຫລວງ ແລະ ການພັດທະ ນາ ແລະ ກໍ່ສ້າງອະນຸສອນ ດັ່ງກ່າວ ຈະໄດ້ປັບປຸງເສັ້ນ ທາງຂຶ້ນພູໃຫ້ມີຄວາມສະ ດວກສະບາຍ ແລະ ປັບປຸງ ປະດັບປະດາໃຫ້ມີສີສັນ ສວຍງາມ, ໂດຍຈະໃຫ້ ສຳເລັດການກໍ່ສ້າງໃນປີ 2019.

ທີ່ມາ: ນສພ ລາວພັດທະນາ