ພິທີປະກາດການຈັດຕັ້ງການນຳຂອງເມືອງວຽງຄຳແຂວງ ຫຼວງພະບາງ

0
230

 

ພິທີມອບຮັບໜ້າທີ່ ເລຂາພັກເມືອງ ເຈົ້າເມືອງວຽງຄຳ ຜູ້ເກົ່າ ແລະ ຜູ້ໃໝ່ ຂອງເມືອງ ວຽງຄຳ ແຂວງຫຼວງພະບາງ ໄດ້ຈັດຂຶ້ນໃນຕອນເຊົ້າຂອງວັນທີ 11 ມິຖຸນານີ້ ໂດຍໄດ້ປະກາດແຕ່ງຕັ້ງ ທ່ານ ຊາຍພອນ ຈັນທຸມມາ ຮອງເລຂາພັກເມືອງ ຮອງເຈົ້າເມືອງ ຂື້ນເປັນຮັກສາການເລຂາພັກເມືອງ ເຈົ້າເມືອງວຽງຄຳ. ສ່ວນທ່ານ ອ່ອນຕາ ວັນນະຈັກ ເລຂາພັກເມືອງ ເຈົ້າເມືອງວຽງຄຳ ຜູ້ເກົ່າ ໄດ້ຖືກຊັບຊ້ອນ ຍົກຍ້າຍໄປຮັບໜ້າທີ່ໃໝ່ ຢູ່ແຂວງຫຼວງພະບາງ.

ພິທີດັ່ງກ່າວໄດ້ຈັດຂຶ້ນ ທີ່ຫ້ອງປະຊຸມໃຫຍ່ຂອງເມືອງ ວຽງຄຳ ໂດຍມີທ່ານ ຄຳຂັນ ຈັນທະວີສຸກ ເຈົ້າແຂວງ ຫຼວງພະບາງ, ທ່ານ ມອນໄຊ ລາວມົ່ວຊົ່ງ ຫົວໜ້າຄະນະຈັດຕັ້ງແຂວງ, ມີຄະນະນຳຈາກແຂວງ, ການນຳຂອງເມືອງ, ພະນັກງານອາວຸໂສບຳນານ, ຫົວໜ້າຫ້ອງການ, ອົງການຈັດຕັ້ງບ້ານ ຕະຫຼອດຮອດພະນັກງານພາຍໃນຫ້ອງວ່າການປົກຄອງເມືອງເຂົ້າຮ່ວມ.

ທີ່ມາ: ຂ່າວສານຫຼວງພະບາງ