ລັດຖະບານລາຍງານແຜນແມ່ບົດຈັດສັນທີ່ດິນແຫ່ງຊາດ

0
357

 

ໃນວາລະດຳເນີນກອງປະຊຸມ ສະໄໝສາມັນເທື່ອທີ 5 ຂອງສະພາແຫ່ງຊາດຊຸດທີ 8 ວັນທີ 11 ມິຖຸນາ 2018 ພາຍໃຕ້ການເປັນປະທານຂອງ ທ່ານ ບຸນປອນ ບຸດຕະນະວົງ ຮອງປະທານສະພາແຫ່ງຊາດ, ທ່ານ ສົມມາດ ພົນເສນາ ລັດຖະມົນຕີ ກະຊວງຊັບພະຍາກອນທຳມະຊາດ ແລະ ສິ່ງແວດ ລ້ອມໄດ້ລາຍງານກ່ຽວກັບແຜນແມ່ບົດຈັດສັນທີ່ດິນແຫ່ງຊາດ.

ໃນກອງປະຊຸມ ພາຍຫລັງ ທີ່ປະທານກອງປະຊຸມມີຄຳເຫັນເຈາະຈີ້ມ ເພື່ອເປັນທິດນຳໃນການປະກອບຄຳຄິດຄຳເຫັນ  ແລ້ວ ບັນດາສະມາຊິກສະພາແຫ່ງຊາດ  ໄດ້ພ້ອມກັນປະກອບຄຳຄິດຄຳເຫັນ, ເຊິ່ງສ່ວນຫລາຍ ແມ່ນເຫັນດີເປັນເອກະພາບ ຕໍ່ແຜ່ນແມ່ບົດດັ່ງກ່າວ, ແຕ່ເພື່ອເຮັດໃຫ້ແຜນແມ່ບົດ ສະບັບນີ້ມີຄວາມຈະແຈ້ງ, ຄົບຖ້ວນ, ຮັດກຸມ ແລະ ສາມາດນຳໄປຈັດຕັ້ງປະຕິບັດ ຢ່າງມີປະສິດທິຜົນນັ້ນ, ບັນດາ ສສຊ ໄດ້ປະກອບຄຳຄິດຄຳເຫັນເພີ່ມເຕີມ ເປັນຕົ້ນ ຄວນມີການກຳນົດ, ຈັດສັນທີ່ດິນ ແຕ່ລະປະເພດຢູ່ແຕ່ລະທ້ອງຖິ່ນຢ່າງລະອຽດ  ເພື່ອຫລີກເວັ້ນບັນຫາ ການອອກ ໃບຕາດິນຊ້ຳຊ້ອນ,  ວິທີການແກ້ໄຂບັນຫາການອອກໃບຕາດິນຊ້ຳຊ້ອນ,  ໂດຍໃຫ້ຫລາຍພາກສ່ວນກ່ຽວຂ້ອງ ເຂົ້າມາມີສ່ວນຮ່ວມ ໂດຍຖືສຳຄັນໂຄສະນາສຶກສາອົບຮົມໃຫ້ປະຊາຊົນ  ເຂົ້າໃຈຕໍ່ບັນ ຫາການ ອອກໃບຕາດິນ,  ການຮັກສາເນື້ອທີ່ປ່າສະຫງວນ, ປ່າປ້ອງກັນ ບໍ່ຄວນຫັນໄປເຮັດແນວອື່ນ, ບັນຫາການບຸກລຸກທີ່ດິນຂອງລັດ ໄປເປັນຂອງບຸກຄົນ, ການກວດກາຄືນບັນດາຂໍ້ກຳນົດ ໃນການຈັດສັນ ທີ່ດິນ ປະເພດຕ່າງໆ ແລະ ບັນຫາສຳຄັນອື່ນໆ.

ຂ່າວ:​ ຈັນທະ​ລອນ (ຂປລ)