ເຄື່ອງກິລາ ສາຍພັນລາວ Twentysix vs EVO ແລະ AI Sport

0
476

ຈຸດເລີ່ມຕົ້ນຂອງແບຣນລາວ ໃນການພັດທະນາກິລາລາວ

ການແຂ່ງຂັນບານເຕະລາວພຣີເມຍລີກ

ເກມວັນອາທິດທີ່ຜ່ານມາ ລະຫວ່າງ ຫຼວງພຣບາງຢູໄນເຕັດ ເປີດບ້ານຕ້ອນຮັບການມາຢາມຂອງ ສະຫວັນຢູໄນເຕັດ

ການແຂ່ງຂັນທີມຈາກສອງນະຄອນ ປາກົດວ່າ ທີມຈາກແດນເໜືອເອົາຊະນະໄດ້ 1-0 ທ່າມກາງແຟນບານກວ່າ ສີ່ພັນຄົນທີ່ເຂົ້າມາຊົມໃນສະໜາມກາງເມືອງມໍລະດົກໂລກ.

ຈາກເກມການແຂ່ງຂັນດັ່ງກ່າວ ຍັງມີປະເດັນໜຶ່ງທີ່ນ່າສົນໃຈ ຄືແບຣນເຄື່ອງກິລາລາວ ທັງ Twentysix ແລະ EVO ເຊິ່ງທັງສອງກຳລັງພັດທະນາ ແລະ ສ້າງແບຣນສາຍເລືອດລາວ 100% ໄດ້ເຂົ້າມາຊຸກຍູ້ສະໜັບສະໜູນ ສະໂມສອນຈາກແຂວງໃຫຍ່ທັງສອງທີມ

ໂດຍສະໂມສອນຫຼວງພຣະບາງຢູໄນເຕັດ ຄື Twentysix ແລະ ສະຫວັນຢູໄນເຕັດຄື EVO ເປັນເຫດການປະຫວັດສາດ ໜ້າໃໝ່ຄັ້ງທຳອິດ ທີ່ສະໂມສອນລາວ ທັງ2ທີມ ໃຊ້ແບຣນລາວ ລົງແຂ່ງຂັນ ໃນແມັດດຽວກັນ…

ໃນຂະນະດຽວກັນ ຜູ້ຮັກສາປະຕູ ຈາກຫຼວງພຣະບາງ ກໍ່ຍັງໃຊ້ຜະລິດຕະພັນ ຖົງມື AI Sport ເຊິ່ງເປັນແບຣນຖົງມື ແບຣນດຽວໃນລາວ ທີ່ພັດທະນາອອກແບບ ເປັນເຈົ້າຂອງໂດຍ ຄົນລາວ ເຊັ່ນກັນ.

Twentysix ເປັນແບຣນທີ່ເຄີຍສະໜັບສະໜູນທັງທີມ ໄຟຟ້າລາວ, ກະຊວງປ້ອງກັນຄວາມສະຫງົບ ໃນເມື່ອກ່ອນ ປະຈຸບັນແມ່ນສືບຕໍ່ ສະຫນັບສະໜູນສະໂມສອນ ຫຼວງພຣະບາງ ຢູໄນເຕັດ ແລະ ມາສເຕີເຊເວັນ ໃນລີກສູງສຸດຂອງປະເທດ ເຊັ່ນດຽວກັນ EVO ທີ່ໄດ້ສຸມພັດທະນາຜະລິດຕະພັນ ໂດຍອອກແບບ ແລະ ຜະລິດເອງທີ່ ສປປລາວ ກໍ່ເລີ່ມເປີດໂຕແບຣນກັບ ສະໂມສອນສະຫວັນຢູໄນເຕັດ ແລະ ສະໂມສອນກອງທັບ ໃນປີນີ້ເຊັ່ນກັນ.

ຫຼື ນີ້ຄືຈຸດເລີ່ມຕົ້ນແບຣນລາວ ໃນການສົ່ງເສີມກີລາ ແລະ ສັງຄົມລາວ…

ດັ່ງປະໂຫຍກທີ່ວ່າ ລາວເຮັດ ລາວໃຊ້ ລາວໄດ້ ລາວຈະເລີນ