ກອງປະຊຸມສະຫຼຸບວຽກງານຈັດຕັ້ງ,ກໍ່ສ້າງພັກ-ພະນັກງານປະຈໍາປີ 2017 ແຂວງຫຼວງພະບາງ

0
372

ກອງປະຊຸມສະຫຼຸບວຽກງານຈັດຕັ້ງ,ກໍ່ສ້າງພັກ-ພະນັກງານປະຈໍາປີ 2017 ແຂວງຫຼວງພະບາງ ໄດ້ຈັດຂື້ນ ໃນວັນທີ່ 13 ມິຖຸນາ 2018 ນີ້ ທີ່ຫໍປະຊຸມໃຫຍ່ຫ້ອງວ່າການປົກຄອງແຂວງຫຼວງພະບາງ ໂດຍການເປັນປະທານ ຂອງທ່ານ ມອນໄຊ ລາວມົ່ວຊົ່ງ ຄະນະປະຈໍາພັກແຂວງ,ຫົວໜ້າຄະນະຈັດຕັ້ງແຂວງຫຼວງພະບາງ,ໃຫ້ກຽດເຂົ້າຮ່ວມຂອງທ່ານ ຄໍາຂັນ ຈັນທະວີສຸກ ກໍາມະການສູນກາງພັກ,ເລຂາພັກແຂວງ,ເຈົ້າແຂວງຫຼວງພະບາງ,ມີການມະການພັກແຂວງ,ເຈົ້າເມືອງ,ພະແນກການອ້ອມຂ້າງແຂວງ,ອົງການຈັດຕັ້ງມະຫາຊົນ ແລະ ເຖົ້າແກ່ອາວຸໂສບໍານານ ພ້ອມດ້ວຍພະນັກງາານເຂົ້າຮ່ວມ.


ທ່ານ ມອນໄຊ ລາວມົ່ວຊົ່ງ ຫົວໜ້າຄະນະຈັດຕັ້ງແຂວງຫຼວງພະບາງ ໄດ້ຂື້ນກ່າວເປີດກອງປະຊຸມ ເຊິ່ງມີບາງຕອນວ່າ: ກອງປະຊຸມຄັ້ງນີ້ ຈະໄດ້ທົບທວນຄືນກ່ຽວກັບ ການຈັດຕັ້ງປະຕິບັດແນວທາງຂອງພັກ ເປັນຕົ້ນແມ່ນບັນດາມະຕິຄໍາສັ່ງ,ຂໍ້ກໍານົດຕ່າງໆ ຂອງວຽກງາານຈັດຕັ້ງໃນ 1 ປີຜ່ານມາ ເພື່ອຊອກໃຫ້ເຫັນບັນຫາຢ່າງສັດຈະວິພາກ,ຮອບດ້ານ ແລະ ຄົບຖ້ວນ,ນັບທັງດ້ານຕັ້ງໜ້າ ແລະ ສິ່ງຫຍໍ້ທໍ້ຕ່າງໆ ລວມໄປເຖິງຄວາມຮັບຜິດຊອບຂອງຄະນະພັກ,ຄະນະຈັດຕັ້ງແຕ່ລະຂັ້ນ ຕະຫຼອດຮອດສະມາຊິກພັກ,ພະນັກງານ,ພ້ອມກັນນັ້ນກໍ່ຊອກໃຫ້ເຫັນບັນດາສາເຫດທີ່ຕັ້ງໜ້າ ແລະ ປັດໃຈໃໝ່ ເພື່ອເສີມຂະຫຍາຍອັນດີ ແລະ ແກ້ໄຂຈຸດອ່ອນທີ່ຄົງຄ້າງ ພ້ອມກັນຫາວິທາງແກ້ໄຂຢ່າງເລິກເຊິ່ງ ແລະ ທັນການ.

ພ້ອມກັນຄົ້ນຄ້ວາ,ປຶກສາຫາລື ແລະ ປະກອບຄວາມຄິດເຫັນ ຢ່າງກົງໄປກົງມາ ແລະ ເປັນເອກະພາບຕໍ່ທິດທາງແຜນການທີ່ຈະໄດ້ສຸມໃສ່ປະຕິບັດໃນປີຕໍ່ໄປ ແລະ ພ້ອມກັນຄົ້ນຄ້ວາປະກອບຄວາມຄິດເຫັນ ໃສ່ຮ່າງເອກະສານຈໍານວນໜຶ່ງ ກ່ຽວກັບວຽກງານກໍ່ສ້າງພັກ-ພະນັກງານ ແລະ ວຽກງານປັບປຸງກົງຈັກການຈັດຕັ້ງ.ຈາກນັ້ນທ່ານ ຄໍາຂັນ ຈັນທະວີສຸກ ເລຂາພັກແຂວງ,ເຈົ້າແຂວງຫຼວງພະບາງ ກໍ່ໄດ້ໃຫ້ທິດຊີ້ນໍາ ເຊິ່ງທ່ານເນັ້ນໃຫ້ຜູ້ເຂົ້າຮ່ວມຈົ່ງປະກອບຄວາມຄິດເຫັນເຈາະຈີ້ມໃສ່ ແລະ ລົງເລິກບັນຫາຕ່າງໆ ເປັນຕົ້ນແມ່ນລົງເລິກວຽກງານຂະຫຍາຍຜົນການດໍາເນີນຊີວິດການເມືອງຂອງປີ 2017 ທີ່ສັງຄົມໄດ້ສ່ອງແສງຕໍ່ອັນລວມຂອງແຂວງ ພ້ອມກັນຕັ້ງໜ້າແກ້ໄຂໃຫ້ມີຜົນສໍາເລັດແລະ ມີການຫັນປ່ຽນແນວໃດ ລວມທັງອັນດີອັນສະເພາະ,ໂດຍເອົາໃຈໃສ່ວຽກງານກໍ່ສ້າງພັກທາງດ້ານແນວຄິດການເມືອງ ຢູ່ພາຍໃນສະມາຊິກພັກ-ພະນັກງານ,ໃນນີ້ຄວນສຶກສາອົບຮົມດ້ານແນວຄິດການເມືອງ,ຄຸນສົມບັດສິນທໍາປະຕິວັດ.

ລົງເລິກວຽກງານກໍ່ສ້າງພັກດ້ານການຈັດຕັ້ງພະນັກງານ ໃນການເຄື່ອນໄຫວປະຕິບັດບົດບາດການນໍາພາຂອງພັກ,ໃນນີ້ຍັງບັນຫາໃດທີ່ຄວນເອົາໃຈໃສ່ປັບປຸງ ແລະ ຂະຫຍາຍພັກໃຫ້ສອດຄ່ອງ ເພື່ອເຮັດໃຫ້ວຽກງານກໍ່ສ້າງພັກ-ພະນັກງານມີຄຸນນະພາບ ໂດຍບໍ່ແລ່ນນໍາປະລິມານ,ລົງເລິກວຽກງານກໍ່ສ້າງໜ່ວຍພັກແຂງຮູ້ນໍາພາຮອບດ້ານ,ການຮ່ວມພັກເປັນປະຈໍາ ໂດຍເອົາບັນຫາຕົວຈິງ ມາປຶກສາຫາລືກັນ ເພື່ອຊອກທາງແກ້ໄຂ ແລະ ມີການຕໍານິສົ່ງຂ່າວເຊິ່ງກັນ ແລະ ກັນໂດຍບໍ່ມີການຈົ່ງຈຽມ ແລະ ເສຍໃຈໃຫ້ກັນ,ລົງເລິກວຽກງານກໍ່ສ້າງພັກ ແບບມີແບບແຜນ ເປັນຕົ້ນແມ່ນມີການນໍາພາຕົວຈິງ,ການນໍາແທດກັບຕົວຈິງ,ມີການປະເມີນຕີລາຄາຢ່າງສົມເຫດສົມຜົນ ພ້ອມທັງກວດກາ ແລະ ປັບປຸງໃຫ້ດີຂື້ນ,ລົງເລິກວຽກງານການກໍານົດພະນັກງານ ໃນນັ້ນຕ້ອງມີມາດຕະການແນວໃດໃຫ້ສອດຄ່ອງ ຕໍ່ມະຕິກອງປະຊຸມໃຫຍ່ຂອງພັກ,ມີການຂື້ນແຜນເພື່ອບໍາລຸງພະນັກງານ,ບໍາລຸງສ້າງສະມາຊິກພັກ,ການບໍາລຸງຕ້ອງຕິດພັນກັບແຜນກໍານົດໃນເປົ້າໝາຍຕົວຈິງ,ການຊັບຊ້ອນພະນັກງານໃຫ້ຖຶກຕ້ອງຕາມວິຊາສະເພາະຂອງພະນັງງານ,ວຽກງານປະຕິບັດນະໂຍບາຍຕໍ່ສະມາຊິກພັກ-ພະນັກງານ,ການປັບປຸງກົງຈັກການຈັດຕັ້ງ ແລະ ອື່ນໆ.ທ່ານຍັງກ່າວຕື່ມວ່ານອກຈາກນີ້ການປະກອບຄວາມຄິດຄວາມເຫັນຕ້ອງກໍານົດໃສ່ຫົວຂໍ້ຢ່າງຈະແຈ້ງ ເພື່ອໃຫ້ໄດ້ຄວາມໝາຍໜັກແໜ້ນ,ເລິກເຊິ່ງ ແທດກັບຕົວຈິງ,ເພື່ອແກ້ໄຂຮ່ວມກັນ ແລະ ໄດ້ຮັບຜົນສໍາເລັດ.ກອງປະຊຸມດໍາເນີນເປັນເວລາ 2 ວັນຈິ່ງສໍາເລັດ.


ຂ່າວ: ເພັດສາຄອນ ສິມມະວົງ (Media Laos)