ລົດເຄນປໍ້າປູນຫັກ ທັບກຳມະກອນ ເສຍຊີວິດ 1 ຄົນທີ່ ບ້ານດົງບັງ

0
910

ນະຄອນຫຼວງວຽງຈັນ: ລາຍງານຈາກ 1623​ ໃຫ້ຮູ້ວ່າ ໃນວັນທີ່ 15/06/2018 ເວລາ 10:00ໂມງ ຫນ່ວຍກູ້ໄພມູນນິທິຊ່ວຍເຫລືອຄົນທຸກຍາກແຫ່ງ ສປປ ລາວ ໄດ້ຮັບແຈ້ງເຫດ ຈາກປະຊາຊົນ ວ່າ ເຄນລົດປຳ້ປູນ ຫັກທັບຄົນເສຍຊີວິດ ຢູ່ບ້ານດົງບັງ ເມືອງ ໄຊທານີ ນະຄອນຫລວງວຽງຈັນ

ໜ່ວຍກູ້ໄພ 1623

ພໍຫນ່ວຍກູ້ໄພມູນນິທິ ອອກກວດສອບ ພົບ ເຫັນມີຜູ້ເສຍຊີວິດຄາທີ 1 ຄົນ ເປັນເພດຊາຍ ອາຍຸ 34ປີ ອາຊີບ ກຳມະກອນ ກວດສອບເບື້ອງຕົ້ນ ຫົວມຸ້ນ ຄໍຫັກ ແລະ ກະທົບຕາມຮ່າງກາຍຢ່າງຮຸນແຮງ. ດັ່ງນັ້ນຫນ່ວຍກູ້ໄພມູນນິທິ ຈຶ່ງນຳຮ່າງຂອງຜູ້ເສຍຊີວິດຝາກໄວ້ໂຮງເຢັນມູນນິທິຈີນ ເພື່ອໃຫ້ພີ່ນ້ອງນຳຮ່າງໄປເຮັດພິທີທາງສາສະຫນາ ພວກເຮົາຕ້ອງຂໍສະແດງຄວາມເສຍໃຈກັບເຫດການຄັ້ງນີ້ດ້ວຍ

ໜ່ວຍກູ້ໄພ 1623

ສ່ວນການສືບສວນ ລະອຽດ ທາງເຈົ້າໜ້າທີ່ກ່ຽວຂ້ອງຈະດຳເນີນການຕາມກົດໝາຍຕໍ່ໄປ. ຮຽກຮ້ອງ ໃຫ້ທຸກບໍລິສັດ ກໍ່ສ້າງ ຕ້ອງໄດ້ເອົາໃຈໃສ່ ເລື່ອງຄວາມປອດໄພ ແລະ ຕ້ອງໄດ້ກວດສອບ ອຸປະກອນ ພາຫະນະ ຮັບໃຊ້ວຽກງານກໍ່ສ້າງ ເປັນປະຈຳ ເພື່ອປ້ອງກັນ ບັນຫາແບບນີ້

ໜ່ວຍກູ້ໄພ 1623