ທ່ານ ເຈົ້າແຂວງໄຊຍະບູລີ ຕ້ອນຮັບທ່ານຮອງລັດຖະມົນຕີກະຊວງປ້ອງກັນຄວາມສະຫງົບ

0
304

ທ່ານ ພົງສະຫວັນ ສິດທະວົງ ເຈົ້າແຂວງໄຊຍະບູລີ ປະທານປ້ອງກັນຊາດ – ປ້ອງກັນຄວາມສະຫງົບ ໄດ້ຕ້ອນຮັບການເຂົ້າຢ້ຽມຂໍ່ານັບຂອງ ພົຕ ປອ ສົມຫວັງ ທຳມະສິດ ຮອງລັດຖະມົນຕີກະຊວງປ້ອງກັນຄວາມສະຫງົບພ້ອມດ້ວຍຄະນະ ໃນຕອນບ່າຍຂອງວັນທີ 26 ມີຖຸນາ 2018 ນີ້, ທີ່ຫ້ອງຮັບແຂກຫ້ອງວ່າການປົກຄອງ ແຂວງ ໄຊຍະບຸລີ


ກ່ອນອື່ນທ່ານ ພົງສະຫວັນ ສິດທະວົງ ເຈົ້າແຂວງໄຊຍະບູລີ ປະທານປ້ອງກັນຊາດ – ປ້ອງກັນຄວາມສະຫງົບໄດ້ສະແດງຄວາມຍ້ອງຍໍຊົມເຊີຍຕໍ່ທ່ານຮອງລັດຖະມົນຕີທີ່ໄດ້ນໍາເອົາຄວາມເປັນຫ່ວງເປັນໄຍມາສູ່ກໍາລັງປ້ອງກັນຄວາມສະຫງົບກົມກອງທ້ອງຖິ່ນ; ພ້ອມທັງລາຍງານໂດຍຫຍໍ້ກ່ຽວກັບສະພາບຈຸດພິເສດ, ທີ່ຕັ້ງຂອງແຂວງແລະບາງສະພາບການອັນພົ້ນເດັ່ນທີ່ພົວພັນເຖິງຂົງເຂດວຽກງານປ້ອງກັນຊາດປ້ອງກັນຄວາມສະຫງົບ.

ຈາກນັ້ນ, ທ່ານຮອງລັດຖະມົນຕີກະຊວງປ້ອງກັນຄວາມສະຫງົບໄດ້ສະແດງຄວາມຂອບໃຈຕໍ່ການນຳຂອງແຂວງທີ່ໃຫ້ການຕ້ອນຮັບທີມງານຢ່າງອົບອຸ່ນ, ພ້ອມທັງສະແດງຄວາມຊົມເຊີຍແລະຕີລາຄາສູງຕໍ່ການນໍາຂອງແຂວງທີ່ໄດ້ເອົາໃຈໃສ່ໃນການຊີ້ນໍານໍາພາພັດທະນາເສດຖະກິດສັງຄົມໃຫ້ມີທ່ວງທ່າຂະຫຍາຍຕົວໄປໃນທາງທີ່ຕັ້ງໜ້າ, ພ້ອມນີ້ການນໍາຂອງແຂວງຍັງໄດ້ເອົາໃຈໃສ່ສຶກສາອົບຮົມ, ຊຸກຍູ້ຊ່ວຍເຫຼື່ອ, ເບີ່ງແຍ່ງກໍາລັງປ້ອງກັນຊາດປ້ອງກັນຄວາມສະຫງົບໃນການເຄື່ອນໄຫວເຮັດສໍາເລັດໜ້າທີ່ໄລຍະຜ່ານມາ, ສາມາດຮັກສາໄດ້ສະຖຽນລະພາບທາງດ້ານການເມືອງຢ່າງໜັກແໜ້ນ, ສັງຄົມມີຄວາມສະຫງົບແລະມີຄວາມເປັນລະບຽບຮຽບຮ້ອຍດີຂື້ນກວ່າເກົ່າ, ສ້າງເງື່ອນໄຂອໍານວຍຄວາມສະດວກໃຫ້ການຈັດຕັ້ງປະຕິບັດແຜນພັດທະນາເສດຖະກິດສັງຄົມຂອງແຂວງປະສົບຜົນສໍາເລັດເປັນກ້າວໆ.ພາບ ແລະ ຂ່າວ: ຂ່າວແຂວງໄຊຍະບູລີ