ລາວ-ຫວຽດນາມ ຕີລາຄາຄືນການຮ່ວມມືວຽກງານຊາຍແດນ

0
312

ໂດຍປະຕິບັດຕາມເນື້ອໃນບົດບັນທຶກກອງປະຊຸມສາມັນ  ປະຈຳປີຄັ້ງທີ 27  ຂອງຄະນະຜູ້ແທນຊາຍແດນລາວຫວຽດນາມ  ສະບັບວັນທີ 09 ທັນວາ 2017,  ທີ່ນະຄອນຫລວງຮ່າໂນ້ຍ, ສາທາລະນະລັດ  ສັງຄົມນິຍົມຫວຽດນາມ, ໃນວັນທີ 24 ມິຖຸນາ 2018  ຄະນະວິຊາການປະສົມຊາຍແດນລາວຫວຽດນາມ  ໄດ້ຈັດກອງປະຊຸມປຶກສາຫາ  ກ່ຽວກັບການຈັດຕັ້ງປະຕິບັດເນື້ອໃນບົດບັນທຶກກອງປະຊຸມດັ່ງກ່າວ  ຮ່ວມກັນຂຶ້ນທີ່ເມືອງອາເລື່ອຍ  ແຂວງເທື່ອທຽນເຫ້ວສສຫວຽດນາມ,  ຊຶ່ງຝ່າຍລາວນໍາໂດຍທ່ານແສງເພັດ  ຮຸ່ງບຸນຍວງຮອງລັດຖະມົນຕີກະຊວງການຕ່າງປະເທດ  ແຫ່ງສາທາລະນະລັດປະຊາທິປະໄຕປະຊາຊົນລາວ  ແລະຝ່າຍຫວຽດນາມນໍາໂດຍທ່ານເລຮວາຍຈຸງກໍາມະການສູງກາງພັກ,  ຮອງລັດຖະມົນຕີການຊວງການຕ່າງປະເທດແຫ່ງສາທາລະນະລັດສັງຄົມນິຍົມຫວຽດນາມ.

ກອງປະຊູມຄັ້ງນີ້, ສອງຝ່າຍໄດ້ພ້ອມກັນສັງເກດຕີລາຄາຄືນຜົນຂອງການຈັດຕັ້ງປະຕິບັດສັນຍາ  ວ່າດ້ວຍລະບຽບການຄຸ້ມຄອງຊາຍແດນ  ແລະດ່ານຊາຍແດນປະເທດລາວຫວຽດນາມ  ແລະອະນຸສັນຍາວ່າດ້ວຍເສັ້ນຊາຍແດນແລະຫລັກໝາຍຊາຍແດນ  ປະເທດລາວຫວຽດນາມສະບັບລົງວັນທີ 16 ມີນາ  2016; ການຈັດຕັ້ງປະຕິບັດການທົດລອງການກວດກາ  ປະຕູດຽວ, ຄັ້ງດຽວຢູ່ຄູ່ດ່ານແດນສະຫວັນ  (ແຂວງສະຫວັນນະເຂດ) –ລາວບາວ  (ແຂວງກວາງຈິ) ໃນໄລຍະ 3 ປີຜ່ານມາ;  ສະຫລຸບຕີລາຄາຄືນຜົນການລົງສຳຫລວດດ່ານຊາຍແດນລາວຫວຽດນາມໃນ 03 ໄລຍະທີ່ຜ່ານມາ  ເພື່ອກະກຽມໃຫ້ແກ່ການສ້າງແຜນແມ່ບົດ  ພັນທະນາລະບົບດ່ານຊາຍແດນ  ແຕ່ນີ້ຮອດປີ 2025 ແລະວິໄສທັດຮອດປີ 2035  ແລະການຈັດຕັ້ງປະຕິບັດຂໍ້ຕົກລົງລັດຖະບານ  ແຫ່ງສາທາລະນະລັດປະຊາທິປະໄຕປະຊາຊົນລາວ  ແລະລັດຖະບານແຫ່ງສາທາລະນະລັດສັງຄົມນິຍົມຫວຽດນາມ  ວ່າດ້ວຍການແກ້ໄຂບັນຫາຜູ້ຍົກຍ້າຍ  ຕັ້ງພູມລຳເນົາຕາມລຳພັງໃຈ  ແລະສ້າງຄອບຄົວບໍ່ຖືກລະບຽບ  ຢູ່ຕາມບໍລິເວນຊາຍແດນຂອງສອງປະເທດ.

ກອງປະຊຸມຄັ້ງນີ້, ໄດ້ດຳເນີນໄປດ້ວຍບັນຍາກາດຄວາມເຂົ້າອົກເຂົ້າໃຈຢ່າງມີໄມຕີຈິດມິດຕະພາບບົນພື້ນຖານຄວາມສາມັກຄີແບບພິເສດແລະການຮ່ວມມືຮອບດ້ານ  ລະຫວ່າງສອງພັກ, ສອງລັດແລະປະຊາຊົນສອງຊາດ  ລາວຫວຽດນາມແລະເປັນການປະກອບສ່ວນອັນສຳຄັນໃນການພັດທະນາບໍລິເວນຊາຍແດນ  ຂອງສອງປະເທດໃຫ້ກາຍເປັນຊາຍແດນແຫ່ງສັນຕິພາບ,  ມິດຕະພາບແລະການຮ່ວມມືຍາວນານ.

ທີ່ມາ: ຂປລ