ສູນກາງຊາວໜຸ່ມ ອວຍພອນ ກປທ ໃນໂອກາດ ວັນທີ 20 ມັງກອນ ຄົບຮອບ 69 ປີ

0
381

ທະຫານເປັນຮົ້ວຂອງປະເທດຊາດ,ປະຕິບັດພາລະກິດເພື່ອປະເທດຊາດເນື່ອງໃນໂອກາດວັນສ້າງຕັ້ງກອງທັບປະຊາຊົນລາວວັນທີ 20 ມັງກອນ 1949

ວັນທີ 20 ມັງກອນ 2018 ຄົບຮອບ 69 ປີ, ໃນຕອນບ່າຍຂອງວັນທີ 18 ມັງກອນ 2018 ນີ້, ທີ່ຫ້ອງຮັບແຂກກະຊວງປ້ອງກັນປະເທດສະຫາຍນາງ ວິລະວອນ ພັນທະວົງ ຮອງເລຂາຄະນະບໍລິຫານງານສູນກາງຊາວໜຸ່ມປະຊາຊົນປະຕິວັດລາວພ້ອມດ້ວຍຫົວໜ້າກົມ, ຮອງກົມ, ພະນັກງານວິຊານການໄດ້ນຳເອົາກະຕ່າໝາກໄມ້, ກະຕ່າດອກໄມ້ ແລະ ຄຳອວຍພອນໄຊ ອັນປະເສີດມາອວຍພອນແດ່ນາຍ ແລະ ພົນທະຫານກະຊວງປ້ອງກັນປະເທດ,

ໃຫ້ກຽດຕ້ອນຮັບໂດຍສະຫາຍພົນຕີ ອ່ອນສີ ແສນສຸກ ຮອງລັດຖະມົນຕີກະຊວງປ້ອງກັນປະເທດພ້ອມດ້ວຍຄະນະ. ຈຸດປະສົງກໍ່ເພື່ອອວຍພອນວັນສ້າງຕັ້ງກອງທັບຄົບຮອບ 69 ປີ.

ການມາອວຍພອນໃນຄັ້ງນີ້ສະຫາຍນາງ ວິລະວອນ ພັນທະວົງ ໄດ້ເອົາຄວາມຢື້ຢາມຖາມຂ່າວອັນອົບອຸ່ນ, ຄວາມສາມັກຄີຮັກແພງອັນສະໜິດສະໜົມ ແລະ ຕີລາຄາສູງຕໍ່ບົດບາດປະຈັນບານ ແລະ ຜົນງານຄຸນງາມຄວາມດີທີ່ໄດ້ປະກອບສ່ວນເເຂົ້າໃນການປົກປັກຮັກສາ ແລະ ສ້າງສາພັດທະນາປະເທດຊາດໃນຕະຫຼອດໄລຍະຜ່ານມາ ແລະ ເປັນແບບຢ່າງນຳໜ້າໃນຂົງເຂດວຽກງານຂອງຕົນຮັບຜິດຊອບ.

ຂ່າວໂດຍ: ພອນປະເສີດ