ກ້ອງ 3 ກ້ອງໃນ Huawei P20 Pro ດີກວ່າກ້ອງຄູ່ແບບໃດ? ກ້ອງທີ່ເພີ່ມເຂົ້າມາເຮັດຫຍັງໄດ້ແດ່?

ກຳລັງໄດ້ຮັບຄວາມນິຍົມຫຼາຍສຳລັບ Huawei P20 ແລະ P20 Pro ສະມາດໂຟນລຸ້ນລ່າສຸດທີ່ຫາກໍ່ເປີດໂຕຢູ່ໃນປະເທດລາວ, ເຊິ່ງມີຈຸດເດັ່ນທີ່ກ້ອງຫຼັງຈາກ Leica, ແຕ່ທີ່ໜ້າສົນໃຈເປັນພິເສດໄປກວ່ານັ້ນຄື Huawei P20 Pro ທີ່ມາພ້ອມກັບກ້ອງຫລັງເຖິງ 3 ກ້ອງ ຖືເປັນຄັ້ງທຳອິດຂອງວົງການສະມາດໂຟນທີ່ກ້າວຂ້າມຂີດຈຳກັດຂອງກ້ອງຄູ່ໄປ.

ຈັງໃດກໍ່ຕາມດ້ວຍຄວາມທີ່ກ້ອງ 3 ກ້ອງເປັນນະວັດຕະກຳໃຫມ່ຈຶ່ງເກີດຂໍ້ສົງໄສວ່າ ກົນໄກຂອງທັງ 3 ນັ້ນ ປະຕິບັດໜ້າທີ່ແບບໃດ? ຕ່າງຈາກກ້ອງຄູ່ແນວໃດແນ່ ແລະ ກ້ອງທີ 3 ມີຄວາມສຳຄັນຄືແນວໃດ? ມື້ນີ້ເຮົາເລີຍໄດ້ລວມເອົາຂໍ້ມູນຂອງນະວັດຕະກຳ Triple-Camera ຂອງ Huawei P20 Pro ມາອະທິບາຍໃຫ້ຫາຍສົງໄສກັນ

ຂໍ້ມູນພື້ນຖານຂອງກ້ອງ Huawei P20 Pro

 

ຄຸນນະສົມບັດອື່ນໆ

 ໂຟກັສຮູບພາບອັດຕະໂນມັດ : PDAF, ເລເຊີ້ໂຟກັສ (ສູງສຸດ 3ແມັດ)
 ຮູຮັບແສງ f1.8-f2.4
 ແຟັດ : Dual LED
 ເຊັນເຊີ້ວັດອຸນຫະພູມສີ : 1,000-10,000K
 ISO: ສູງສຸດ 102400

ຈຸດເດັ່ນຫລັກໆຂອງກ້ອງ Huawei P20 Pro ມີຢູ່ 3ຢ່າງ ໄດ້ແກ່ ການຊູມ 5 ເທົ່າ ໂດຍບໍ່ເສຍຄຸນນະພາບຮູບ (5x Lossless Hybrid Zoom), ການຊົດເຊີຍການສັ່ນໃນການຖ່າຍ Long Exposure ແລະ ເທັກໂນໂລຢີ Pixel Fusion ທີ່ຮັບແສງສະຫວ່າງໄດ້ຫລາຍກວ່າເຊັນເຊີ້ RGB ທົ່ວໄປ, ພ້ອມຄ່າ ISO ສູງສຸດ 102400 ເຮັດໃຫ້ຖ່າຍຮູບໄດ້ໃນສະພາບແວດລ້ອມທີ່ມີແສງພຽງ 1 Lux ແລະ ການຖ່າຍຮູບໃນບ່ອນທີ່ມີແສງນ້ອຍຫລາຍພຽງ 1 Lux, ນອກຈາກນີ້ຍັງມີຄຸນນະສົມບັດເດັ່ນອື່ນໆ ເຊັ່ນ Master Ai ເທັກໂນໂລຢີບັນຍາປະດິດໃນການຊ່ວຍຈັບ ແລະ ວິເຄາະສາກຫຼັງຫຼາຍກວ່າ 500 ແບບ ແລະ ວັດຖຸຕ່າງໆໄດ້ໄດ້ເຖິງ 19 ແບບ ແລະ ການຖ່າຍວິດີໂອແບບ slowmotion 960 fps.

ຕາມສະເປັກແລ້ວ ກ້ອງ 3 ກ້ອງ ຂອງ Huawei P20 Pro ມີຄວາມລະອຽດຢູ່ທີ່ 40+20+8 ລ້ານພິກເຊວຄວາມລະອຽດສູງສຸດທີ່ສາມາດຖ່າຍອອກມາໄດ້ 40 ລ້ານພິກເຊວ ເຊິ່ງເປັນຄວາມລະອຽດຂອງກ້ອງຫລັກ (ເລນສ RGB) ແຕ່ສຳລັບການຖ່າຍຮູບທົ່ວໆໄປ ເຮົາອາດຈະບໍ່ຕ້ອງການຄວາມລະອຽດສູງຂະໜາດນີ້ ເວັ້ນແຕ່ວ່າຈະຖ່າຍຮູບດ້ວຍການຊູມ 5x Lossless ເຊິ່ງຈະຊ່ວຍເລື່ອງຄວາມຄົມຊັດໄດ້

ກ້ອງ 3 ກ້ອງ ເຮັດວຽກແບບໃດ?

ແທ້ໆແລ້ວ Huawei P20 Pro ຍັງຄົງໃຊ້ຫລັກຖານການຖ່າຍຮູບດ້ວຍການເຊັດອັບກ້ອງເລນສຂາວ-ດຳກັບເລນສ RGB ຢູ່ຄືກັບ P Series ລຸ້ນຜ່ານໆມາ, ດ້ວຍການໃຊ້ເລນສຂາວດຳວັດຂໍ້ມູນແສງສະຫວ່າງທີ່ເຂົ້າມາໃນພາບ ໃນຂະນະທີ່ເລນສ RGB ຈະຮັບທັງຂໍ້ມູນແສງ ແລະ ສີຂອງພາບແລ້ວນຳຂໍ້ມູນທັງຫມົດມາປະມວນຜົນຮ່ວມກັນ ເພື່ອໃຫ້ໄດ້ພາບສີທີ່ມີ contrast ແລະ ຄວາມຄົມຊັດຫລາຍຂື້ນ.

ສຳລັບກ້ອງທີ 3 ທີ່ເພີ່ມເຂົ້າມານັ້ນກໍ່ຄືເລນສ Telephoto ຄວາມລະອຽດ 8 ລ້ານພິກເຊວເຊິ່ງໃຊ້ສຳລັບຊູມ ເຊິ່ງສາມາດຊູມໄດ້ເຖິງ 5 ເທົ່າ, ເຮັດວຽກດ້ວຍການຂະຫຍາຍຮູບທາງລຶກທີ່ໄດ້ມາຈາກກ້ອງເລນສ Telephoto ແລ້ວນຳຂໍ້ມູນໄປປະມວນຜົນຮ່ວມກັບຮູບພາບທີ່ຈາກ 2 ກ້ອງທີ່ເຫລືອທີ່ມີຄວາມລະອຽດສູງກວ່າເພື່ອຕື່ມລາຍລະອຽດ ແລະສີສັນ

ເຮົາມາເບິ່ງຮູບຕົວຢ່າງດ້ວຍການຊູມແບບ 5x Lossless ນຳກັນ

1x Zoom

1x Zoom 

2x Zoom

2x Zoom

5X Zoom

5X Zoom

10x Zoom

10x Zoom

 

ຈາກຮູບຈະເຫັນໄດ້ວ່າ Huawei P20 Pro ຍັງຄົງຮັກສາຄວາມຄົມຊັດໄດ້ຢູ່ຈົນເຖິງລະດັບການຊູມ 5ເທົ່າ
ແຕ່ເມື່ອຊູມ 10 ເທົ່າຈະເຫັນວ່າຮູບຈະບໍ່ຄົມຊັດຄືເກົ່າແລ້ວ. ນອກຈາກເລນສ Telephoto ແລ້ວ Huawei P20 Pro ຍັງໄດ້ພັດທະນະເຊັນເຊີ້ຮັບພາບດ້ວຍເທັກໂນໂລຢີ Pixel Fusion ນຳອີກ

 

Pixel Fusion ເທັກໂນໂລຢີເພື່ອການຖ່າຍຮູບໃນບ່ອນມືດ
ໃຜໄດ້ຮັບຊົມການເປີດໂຕຂອງ Huawei P20 P20Pro ຄົງຈະໄດ້ເຫັນຕົວຢ່າງຮູບພາບໃຕ້ແສງ 1 Lux ກັນໄປແລ້ວ ເຊິ່ງຮູບທີ່ຖ່າຍໂດຍ Huawei P20Pro ນັ້ນມີຄວາມສະຫວ່າງຈົນເຫັນຮູບພາບໄດ້ຢ່າງງາມ Huawei P20 Pro ສາມາດຮັບແສງສະຫວ່າງໄດ້ຫລາຍຂຶ້ນຂະໜາດນີ້ເປັນຜົນລັບຂອງເທັກໂນໂລຢີ Pixel Fusion ເຊິ່ງເປັນເທັກໂນໂລຢີທີ່ຊ່ວຍໃຫ້ P20 Pro ຮັບແສງໄດ້ຫລາຍກວ່າເຊັນເຊີ້ RGB ທົ່ວໄປທີ່ມີຂະໜາດດຽວກັນຮອດ 4ເທົ່າ ໂດຍການຮ່ວມເມັດພິກເຊວທີ່ມີຂະໜາດດຽວກັນ 4ພິກເຊວສີດຽວກັນ, 4ພິກເຊວເປັນຫນຶ່ງດຽວເຮັດໃຫ້ຮັບແສງສະວ່າງໄດ້ຫລາຍກວ່າພິກເຊວທີ່ມີຂະໜາດນ້ອຍກວ່າ ແລະ ຈັບຂໍ້ມູນຂອງ ຮບພາບຖ່າຍໄດ້ຫລາຍແລະ ໄວກວ່ານຳອີກ

AIS ລະບົບກັນສັ່ນດ້ວຍ AI
ໂດຍທົ່ວໄປລະບົບກັນສັ່ນທີ່ໃຊ້ກັນໃນສະມາດໂຟນຈະມີຢູ່ 2ແບບ ໄດ້ແກ່ລະບົບກັນສັ່ນດ້ວຍຮາດແວ (OIS) ແລະຊອບແວ (EIS) ສຳລັບລະບົບ OIS ໂຕເລນສກ້ອງຈະຖືກຍຶດດ້ວຍແກນກັນສັ່ນ ເຊິ່ງສ່ວນໃຫຍ່ມັກເປັນແບບ 3-4ແກນ (3-4 Axis) ຖ້າມືຖືເກີດສັ່ນໄຫວໄປໃນທິດທາງໃດ ໂຕກັນສັ່ນກໍ່ຈະລ໋ອກເລນສໄວ້ ນະຈຸດທີ່ເຮົາໂຟກັສຮູບ ແລະ ໃນຂະນະທີ່ EIS ຈະເຮັດວຽກດ້ວຍຊ໋ອບແວທີ່ສາມາດວິເຄາະລາຍລະອຽດໃນຮູບວ່າມີຫຍັງແດ່ ແລະ ເມື່ອຜູ້ໃຊ້ກົດຊັດເຕີ້ ຊອຟແວຈະວິເຄາະວ່າມີການສັ່ນໄຫວເກີດຂຶ້ນຫລືບໍ່ ແລະ ສັ່ນໄປໃນທິດທາງໃດ ແລ້ວມັນຈະເຮັດໜ້າທີ່ເຄື່ອນຮູບພາບເພື່ອຊົດເຊີຍໃນໄລຍະສັ້ນ ເຊິ່ງໃນເທັກນິກລະບົບ OIS ຈະມີປະສິດທິພາບຫລາຍກວ່າ EIS

ແຕ່ສຳລັບ Huawei P20 ແລະ P20 Pro ນັ້ນບໍ່ໄດ້ໃຊ້ລະບົບກັນສັ່ນທັງ 2ຂ້າງ ແຕ່ເປັນລະບົບກັ່ນສັ່ນດ້ວຍ AI ຫລືທີ່ເອີ້ນວ່າ AIS ທີ່ມີການເຮັດວຽກຄ້າຍ EIS ແຕ່ດ້ວຍລະບົບ Machine Learning ແລະຊິບ NPU ເຮັດໃຫ້ AIS ເຫນືອກວ່າ EIS ພໍສົມຄວນ ແລະທີ່ນ່າສົນໃຈຄື AIS ຂອງ Huawei P20 ຍັງສາມາດຮັກສາຄວາມນິ້ງໃນການຖ່າຍຮູບແບບ Long Exposure ດ້ວຍມືໄດ້ດົນເຖິງ 4 ວິນາທີ ເຮັດໃຫ້ບໍ່ຈຳເປັນຕ້ອງໃຊ້ຂາຕັ້ງກ້ອງຕະຫລອດເວລາ (ແຕ່ຖ້າຖ່າຍດົນກວ່ານັ້ນກໍ່ຍັງຕ້ອງໃຊ້ຂາຕັ້ງກ້ອງຄືເກົ່າ)

ສະຫລຸບ ກ້ອງ 3ກ້ອງ Huawei P20 Pro ປະກອບດ້ວຍເລນສ RGB 40 ລ້ານພິກເຊວ, ເລນສຂາວດຳ 20ລ້ານພິກເຊວ ແລະ ທີ່ເພີ້ມເຂົ້າມາຄືເລນສເທເລໂຟໂຕ້ 8ລ້ານພິກເຊວ ລະບົບການປະມວນຜົນຮູບພາບໂດຍລວມຍັງຄົງຄືກັບສະມາດໂຟນ P Series ລຸ້ນກ່ອນໆ ໂດຍໃຫ້ເລນສຂາວດຳວັດຂໍ້ມູນແສງສະຫວ່າງທີ່ເຂົ້າມາໃນຮູບພາບໃນຂະນະທີ່ເລນສ RGB ຈະຮັບທັງຂໍ້ມູນແສງ ແລະ ສີຂອງພາບແລ້ວນຳຂໍ້ມູນທັງຫມົດມາປະມວນຜົນລວມກັນເພື່ອໃຫ້ໄດ້ຮູບສີທີ່ມີ contrast ແລະ ຄົມຊັດຫລາຍຂຶ້ນສ່ວນເລນສ Telephoto ທີ່ເພີ່ມເຂົ້າມານັ້ນຈະເພີ່ມປະສິດທິພາບດ້ານການຊູມ ເຮັດໃຫ້ຊູມໄດ້ເຖິງ 5ເທົ່າ ໂດຍບໍ່ເສຍຄຸນນະພາບ (5x Lossless Hybrid Zoom) ນອກຈາກນີ້ຍັງມີການເພີ່ມປະສິດທິພາບອື່ນໆໃຫ້ກັບໂຕກ້ອງດ້ວຍການໃຊ້ເທັກໂນໂລຢີ Pixel Fusion ໃນເຊັນເຊີ ທີ່ຮັບແສງສະຫວ່າງໄດ້ຫລາຍກວ່າເຊັນເຊີ້ RGB ປົກກະຕິ ແລະ ໃຊ້ລະບົບກັນສັ່ນດ້ວຍ AI ເຊິ່ງຕ່າງຈາກສະມາດໂຟນທົ່ວໄປ ນອກຈາກນີ້ ການປະມວນຜົນຮູບພາບຈະເພິ່ງພາຄວາມສາມາດຂອງ AI ເປັນສ່ວນໃຫຍ່
ມາຮອດຕອນນີ້ ຫລາຍຄົນໜ້າຈະຄາຍຄວາມສົງໄສກັນແດ່ແລ້ວວ່າກ້ອງທັງ 3ຂອງ Huawei P20 Pro ນັ້ນເຮັດວຽກແນວໃດແດ່ ແລະດີກວ່າກ້ອງຄູ່ແບບໃດ ແຕ່ສະມາດໂຟນລຸ້ນນີ້ຍັງມີອີ່ຫຍັງໃຫ້ໄດ້ທົດສອບອີກຫລາຍຢ່າງ ແລ້ວເຮົາຈະຫາຂໍ້ມູນມານຳສະເໜີເລື້ອຍໆເດີ້.