ອົງຄະນະພັກ ແຂວງເຊກອງ ຕີລາຄາວຽກງານຮອບດ້ານ

0
75

• ຂ່າວ-ພາບ: ສັນຍາວັນທີ 5-6 ກໍລະກົດ 2018 ຜ່ານມາ ແຂວງເຊກອງໄດ້ໄຂກອງປະຊຸມຄົບຄະນະບໍລິຫານງານພັກແຂວງເປີດກວ້າງຄັ້ງທີ 7 (ສະໄໝທີ IX) ໂດຍການເປັນປະທານຂອງສະຫາຍ ຄຳເຜີຍ ບຸດດາວຽງ ກຳມະການສູນກາງພັກ, ເລຂາພັກແຂວງ-ເຈົ້າແຂວງໆເຊກອງ, ພ້ອມນີ້ ກໍມີຄະນະປະຈຳພັກແຂວງ, ກຳມະການພັກແຂວງ, ເລຂາ-ຮອງເລຂາຄະນະໜ່ວຍພັກ, ທ່ານເຈົ້າເມືອງ-ຮອງເຈົ້າເມືອງ, ຫົວໜ້າ-ຮອງພະແນກ, ຫ້ອງການ ແລະພະນັກງານອາວຸໂສບຳນານເຂົ້າຮ່ວມ. ສະຫາຍ ປອ. ຄຳພຽມ ບົວລະພາ ຮອງເລຂາພັກແຂວງເຊກອງໄດ້ຂຶ້ນຜ່ານບົດລາຍງານວ່າ: ທົ່ວແຂວງມີສະມາຊິກພັກທັງໝົດ 8.360 ສະຫາຍ,ຍິງ 1.870 ສະຫາຍ, ມີໜ່ວຍພັກ 405 ໜ່ວຍ, ມີ 463 ຮາກຖານພັກ, ໜ່ວຍພັກແຂງ-ຮູ້ນຳພາຮອບດ້ານ 234 ໜ່ວຍເທົ່າກັບ 57,7% ຂອງຈໍານວນໜ່ວຍພັກທັງໝົດ, ສະມາຊິກພັກແຂງຮູ້ນໍາພາຮອບດ້ານ 4.007 ສະຫາຍ,ຍິງ 484 ສະຫາຍ, ສະມາຊິກພັກແຂງບາງດ້ານ 3.061 ສະຫາຍ,ຍິງ 749 ສະຫາຍ ແລະສະມາຊິກພັກກາງ 944 ສະຫາຍ. ໂດຍຜ່ານການຊີ້ນຳ-ນຳພາວຽກງານຮອບດ້ານໃນ 2 ປີກວ່າຜ່ານມາເຫັນວ່າ ມີຫຼາຍວຽກປະຕິບັດໄດ້ສຳເລັດຄື: ວຽກງານບູລະນະປະຊາທິປະໄຕປະຊາຊົນ ໄດ້ນຳເອົາກົດໝາຍຕ່າງໆລົງເຜີຍແຜ່ໃຫ້ພະນັກງານ-ສະມາຊິກພັກ ແລະປະຊາຊົນບັນດາເຜົ່າ, ສ້າງຕັ້ງຄະນະແກ້ໄຂຂໍ້ຂັດແຍ່ງຂັ້ນບ້ານໄດ້ 122 ບ້ານ, ສ້າງບ້ານປອດຄະດີໄດ້ 168 ບ້ານ, ບ້ານແບບຢ່າງປະຕິບັດກົດໝາຍ 143 ບ້ານ; ວຽກງານແນວລາວສ້າງຊາດ ແລະອົງການຈັດຕັ້ງມະຫາຊົນໄດ້ເປັນໃຈກາງເຕົ້າໂຮມຄວາມສາມັກຄີປະຊາຊົນບັນດາເຜົ່າຊັ້ນຄົນເປັນປຶກແຜ່ນແໜ້ນໜາ, ປຸກລະດົມຂົນຂວາຍການສ້າງບ້ານ 2 ສາມັກຄີ 4 ຂະບວນການ, ພ້ອມກັນນີ້ ກໍໄດ້ປັບປຸງກົງຈັກການຈັດຕັ້ງກຳມະບານ, ສະຫະພັນນັກຮົບເກົ່າ, ສະມາຊິກຊາວໝຸ່ມ, ແມ່ຍິງ ແລະເຍົາວະຊົນແຕ່ຂັ້ນແຂວງ-ເມືອງລົງຮອດກຸ່ມບ້ານຢ່າງກວ້າງຂວາງໄປພ້ອມໆກັບການສຶກສາອົບຮົມດ້ານຄຸນສົມບັດສິນທຳປະຕິວັດໃຫ້ພະນັກງານປະຕິວັດ ແລະຮຸ່ນສືບທອດທີ່ດີ. ຖືເອົາວຽກງານປ້ອງກັນຊາດ-ປ້ອງກັນຄວາມສະຫງົບທົ່ວປວງຊົນຮອບດ້ານຂອງພັກ ໃຫ້ແກ່ພະນັກງານ-ສະມາ ຊິກພັກ ແລະປະຊາຊົນຮັບຮູ້ເຊື່ອມຊຶມ, ເອົາໃຈໃສ່ແກ້ໄຂບັນຫາປະກົດການຫຍໍ້ທໍ້ຕ່າງໆຢ່າງຕັ້ງໜ້າ ໂດຍສະເພາະແມ່ນບັນຫາຢາເສບຕິດ, ອຸບັດເຫດຕາມທ້ອງຖະໜົນ, ບັນຫາຂີ້ລັກງັດແງະ ແລະອື່ນໆ ເພື່ອແນໃສ່ເຮັດໃຫ້ສັງຄົມມີຄວາມສະຫງົບໂດຍພື້ນຖານ. ການພັດທະນາເສດຖະກິດ-ສັງຄົມ ໄດ້ເສີມທຸກກຳລັງແຮງຂົນຂວາຍຊອກຫາແຫຼ່ງທຶນດ້ວຍການປຸກລະດົມປະ ຊາຊົນ, ນັກທຸລະກິດພາຍ ແລະຕ່າງປະເທດໃຫ້ມາລົງທຶນປູກພືດເປັນສິນຄ້າ ແລະເກັບຊື້ຜົນຜະລິດກະສິກຳ, ບັນດາພື້ນຖານໂຄງລ່າງລວມທັງເສດຖະກິດໄດ້ຮັບການພັດທະນາດີຂຶ້ນເປັນກ້າວໆ ໂດຍລວມຍອດຜະລິດຕະພັນພາຍໃນ ຫຼື GDP ສະເລ່ຍໃສ່ຫົວຄົນເພີ່ມຈາກ 1.524 ໂດລາໃນປີ 2016 ມາເປັນ 1.580 ໂດລາປີ 2017 ແລະຄາດວ່າຈະບັນລຸ 1.632 ໂດລາໃນປີ 2018. ຂະນະທີ່ດ້ານວຽກງານການເງິນກໍມີທ່າອ່ຽງດີຂຶ້ນໃນນີ້ສາມາເກັບລາຍຮັບເຂົ້າງົບປະມານ (ພູດທ້ອງຖິ່ນ) ໄດ້ທັງໝົດ 198,48 ຕື້ກີບເທົ່າ 55,25% ຂອງແຜນ 5 ປີ. ສ່ວນວຽກງານພັດທະນາຊົນນະບົດ, ທ່ານ ປອ. ຄຳພຽມ ບົວລະພາ ລະບຸວ່າ: ຄະນະພັກ-ພະນັກງານການນຳທຸກຂັ້ນຂອງແຂວງໄດ້ເປັນເຈົ້າການຊີ້ນຳ-ນຳພາ ແລະຈັດຕັ້ງປະຕິບັດວຽກງານກໍສ້າງຮາກຖານການເມືອງ, ພັດທະນາຊົນນະບົດ ແລະລຶບລ້າງຄວາມທຸກຍາກ, ການສ້າງບ້ານ-ກຸ່ມບ້ານພັດທະນາຕາມ 4 ເນື້ອໃນ 4 ຄາດໝາຍຕິດພັນກັບວຽກງານ 3 ສ້າງຢ່າງເປັນປົກກະຕິຕໍ່ເນື່ອງ ແລະເປັນຂະບວນການຟົດຟື້ນກວ້າງຂວາງ ໂດຍມາຮອດປັດຈຸບັນ ທົ່ວແຂວງມີຄອບຄົວພົ້ນທຸກ 21.844 ຄອບຄົວເທົ່າກັບ 91,3% ຂອງຄອບຄົວທັງໝົດ.