ສະມາຊິກຊາວໜຸ່ມ-ໄວໜຸ່ມທົ່ວເມືອງເງິນ ສ້າງຂະບວນການອານາໄມສວນສາທາລະນະຊາວໜຸ່ມ

ສະມາຊິກຊາວໜຸ່ມ-ໄວໜຸ່ມທົ່ວເມືອງເງິນ ສ້າງຂະບວນການອານາໄມສວນສາທາລະນະຊາວໜຸ່ມ

ເພື່ອເປັນການສ້າງຂະບວນການ ແລະ ຜົນງານໄວ້ຄໍານັບຮັບຕ້ອນວັນປະຫວັດສາດສໍາຄັນຂອງຊາດ ກໍ່ຄື ວັນຄ້າຍວັນເກີດຂອງປະທານ ສຸພານຸວົງ ຄົບຮອບ 109 ປີ ແລະ ວັນປ່ອຍປາ, ວັນອະນຸລັກສັດນໍ້າສັດປ່າແຫ່ງຊາດ ແລະ ວັນສ້າງຕັ້ງແມ່ຍິງລາວ ຄົບຮອບ 63 ປີ ທີ່ຈະໝູນວຽນມາບັນຈົບຄົບຮອບອີກວາລະໜຶ່ງ ມາໃນຕອນເຊົ້າຂອງວັນທີ 6 ກໍລະກົດ 2018 ນີ້

ຢູ່ທີສວນສາທາລະນະຊາວໜຸ່ມ ເມືອງເງິນ ແຂວງ ໄຊຍະບູລີ ທາງຫ້ອງການຊາວໜຸ່ມເມືອງ ໄດ້ສົມທົບກັບ ໜ່ວຍຊາວໜຸ່ມອອ້ອມຂ້າງ, ໜ່ວຍຊາວໜຸ່ມບ້ານໃນເທດສະບານເມືອງ, ຕະຫຼອດຮອດສະມາຊີກຊາວໜຸ່ມ- ໄວໜຸ່ມ ຈຳນວນ 514 ສະຫາຍ, ຍິງ158 ສຫ. ໄດ້ສາມັກຄີກັນສ້າງຂະບວນການອອກແຮງງານລວມ ດ້ວຍການອານາໄມຖາງຫຍ້າຕັດຫຍ້າ ອອກຈາກບໍລິເວນສວນຂອງຊາວໜຸ່ມ ເພື່ອເຮັດໃຫ້ ສະຖານທີດັ່ງກ່າວມີຄວາມສວຍສົດງົດງາມ , ສະອາດງາມຕາ ແລະ ສ້າງເປັນບ່ອນພັກຜ່ອນຍ້ອນອາລົມໃນອານາຄົດ,ທັງເປັນການຮັດແໜ້ນຄວາມສາມັກຄີລະຫວ່າງສະມາຊິກຊາວໜຸ່ມຈາກກົມກອງ, ຫ້ອງການ, ແລະ ບ້ານ ໃຫ້ແໜ້ນແຟ້ນຍິງຂື້ນ

ນອກຈາກການອານາໄມແລ້ວ ຍັງໄດ້ສາມັກຄີກັນປູກຕົ້ນໄມ້ ເປັນຕົ້ນແມ່ນສົ້ມຝາດ ຈຳນວນ 439 ແລະ ດອກຈຳປາຈຳນວນ 375ຕົ້ນ ອີກດ້ວຍ.

ໂດຍ: ອິນແປງ ແຫວນຄຳ