ກົມຕຳຫຼວດຈະລາຈອນນະຄອນຫຼວງ ກຳລັງພິຈາລະນາ ລົງໂທດປັບໃໝ 10 ເທົ່າ ຜູ່ເມົາແລ້ວຂັບ!

0
186

ນະຄອນຫຼວງວຽງຈັນ: ກົມຕຳຫລວດຈະລາຈອນ ກົມໃຫ່ຍຕຳຫລວດກະຊວງປ້ອງກັນຄວາມສະຫົງບ ຈັດກອງ ປະຊຸມປຶກສາລືວຽກງານໂຄສະນາເຜີຍແຜ່ກົດລະບຽບການສັນຈອນ ບັງຄັບໃຊ້ກົດໜາຍຈະລາ ຈອນທາງບົກ ໃນຕອນເຊົ້າວັນທີ 10 ກໍລະກົດ 2018 ທີ່ກົມຕຳ ຫລວດຈະລາຈອນ ມີພັນໂທ ກົງສີ ສຸວັນນະຕຸ້ມ ຫົວໜ້າກົມຕຳຫລວດຈະລາຈອນ ແລະ ຫົວໜ້າພະແນກການອ້ອມຂ້າງກົມ ພ້ອມດ້ວຍສື່ມວນຊົນຈາກຂະແໜງການ ຕ່າງໆເຂົ້າຮ່ວມ

by: Lao National Radio

ພັນໂທ ກົງສີ ສຸວັນນະຕຸ້ມ ຫົວໜ້າກົມຕຳຫລວດຈະລາຈອນ ກົມໃຫ່ຍຕຳຫລວດ ກະ ຊວງປ້ອງກັນຄວາມສະຫົງບ ໃຫ້ຮູ້ວ່າ: ຈຸດປະສົງຂອງກອງປະຊຸມຄັ້ງນີ້ເພື່ອປຶກສາລື ແລກປ່ຽນ ບົດຮຽນເຊິ່ງກັນ ແລະ ກັນ ລະຫວ່າງກົມຕຳຫລວດຈະລາຈອນ ແລະ ສື່ມວນຊົນ ໃນການໂຄສະ ນາກົດລະບຽບຈາລະຈອນ ເນື່ອງຈາກໄລຍະຜ່ານມາຍັງເຮັດບໍ່ທັນໄດ້ດີເທົ່າທີ່ຄວນ ມີອຸບັດຕິເຫດ ເກີດຂື້ນຢູ່ໃນນະຄອນຫລວງວຽງຈັນຢ່າງຕໍ່ເນື່ອງ. ສະນັ້ນທຸກພາກສ່ວນ ຄວນຮ່ວມມືກັນຊອກຫາ ວິທີແກ້ໄຂເພື່ອເຮັດໃຫ້ອຸບັດຕິເຫດຫຼຸດລົງ.

By: Lao National Radio

ຜ່ານການປຶກສາຫາລືວຽກງານໂຄສະນາເຜີຍແຜ່ກົດລະບຽບການສັນຈອນ ຫົວໜ້າກົມ ຕໍາຫຼວດຈະລາຈອນ ກົມໃຫ່ຍຕຳຫລວດ ກະຊວງປ້ອງກັນຄວາມສະຫົງບ ໄດ້ເນັ້ນໜັກໃຫ້ສື່ມວນ ຊົນທີ່ເຂົ້າຮ່ວມ ສືບຕໍ່ໂຄສະນາລະບຽບກົດໝາຍຈະລາຈອນທາງບົກ ແລະ ຜົນຮ້າຍຂອງການ ເກີດອຸບັດເຫດໂດຍສະເພາະສາມຫົວຂໍ້ທີ່ຕຳຫລວດຈະລາຈອນເນັ້ນເຕືອນສະຕິໃຫ້ຜູ້ຂັບຂີ່ຄື: ດື່ມ ແລ້ວບໍ່ຂັບ ແລະ ບໍ່ໃຊ້ຄວນໄວເກີນກຳນົດ, ຈອດລົດໃຫ້ຄົນຂ້າມທາງມ້າລາຍ ແລະ ບໍ່ໃຫ້ຜູ້ຂັບ ລົດໂດຍສານເອົາປຽບນັກທ່ອງທ່ຽວ.

 

By: Lao National Radio

ກົມຕຳຫລວດຈະລາຈອນ ຍັງຈະຄົ້ນຄວ້າພິຈາລະນາໃນການເພີ່ມໂທດການປັບໄໝ 10 ເທົ່າ ໃສ່ນັກຂັບຂີ່ທີ່ດື່ມສິ່ງມືນເມົາ ແລະ ໃຊ້ຄວາມໄວເກີນກຳນົດ ເຊິ່ງປັດຈຸບັນໃນຂັ້ນຕອນຄົ້ນ ຄວ້າເອກກະສານ ຄາດວ່າຈະມີຜົນບັງຄັບໃຊ້ໃນໄວໆນີ້.

ພາບແລະຂ່າວ: Lao National Radio