ກອງປະຊຸມ ກໍາມະບານຮາກຖານ ສາທາເມືອງທົ່ງມີໄຊ 2018

0
90

ກອງປະຊຸມດັ່ງກ່າວນີ້ໄດ້ໄຂຢ່າງເປັນທາງການໃນຕອນບ່າຍຂອງວັນທີ 10 ກໍລະກົດ 2018 ຢູ່ຫໍປະຊຸມໂຮງຫ້ອງການສາທາລະນະສຸກເມືອງ ທົ່ງມີໄຊ ໂດຍການເຂົ້າຮ່ວມຂອງ ສະຫາຍ ບຸນຫຼາຍ ລັດຖະຫວັນ ຮອງເລຂາຄະນະບໍລິຫານງານພັກເມືອງ ປະທານກວດກາພັກ-ລັດ ເມືອງທົ່ງມີໄຊ, ສະຫາຍ ສົມພົງ ສຸດທະລາດ ປະທານສະຫະພັນກຳມະບານເມືອງທົ່ງມີໄຊ, ມີຫົວໜ້າຫ້ອງການ, ປະທານກຳມະບານອອ້ມຂ້າງ, ຕະຫຼອດຮອດສະມາຊິກກຳມະບານພາຍໜ່ວຍດັ່ງກ່າວເຂົ້າຮ່ວມຢ່າງພ້ອມພຽງ.

ໃນກອງປະຊຸມດັ່ງກ່າວ ສະຫາຍ ວິຊຽນ ທອງອິນ ປະທານກຳມະບານສາທາລະນະສຸກເມືອງ ໄດ້ຂື້ນຜ່ານບົດບັນທຶກ ຜົນຂອງການລົງກວດກາວຽກງານຮອບດ້ານ ຕິດພັນກັບການຊີ້ນຳການສະຫຼຸບປະເມີນຜົນການແຂ່ງຂັນ 5 ເປັນເຈົ້າຂອງກຳມະຮາກຖານປະຈຳປີ 2018.

ເຊິ່ງພາຍໃນໜ່ວຍຄະນະກຳມະບານຮາກຖານຫ້ອງການສາທາລະນະສຸກເມືອງປະກອບມີຄະນະກຳມະບານ 3ສະຫາຍ, ຍິງ1ສະຫາຍ, ມີສະມາຊິກກຳມະບານ 25ສະຫາຍ, ຍິງ 12 ສະຫາຍ, ໄດ້ເຂົ້າເປັນສະມາຊິກພັກແລ້ວ 15ສະຫາຍ, ຍິງ 6ສະຫາຍ, ສຳຮອງ 2 ສະຫາຍເທົ່າກັບ 60ສ່ວນຮ້ອຍຂອງສະມາຊິກກຳມະບານທັງໝົດ.

ສະມາຊິກໄດ້ຮັບການປະຕິບັດນະໂຍບາຍຕ່າງໆຈຳນວນ 4 ສະຫາຍ, ຍິງ 2 ສະຫາຍ ເປັນເງິນ 1.100.000 ກີບ, ໃນ 1 ປີຜ່ານມາໄດ້ມີການເຄື່ອນໄຫວຕິດຕາມກວດກາສະມາຊິກກຳມະບານເປັນແຕ່ລະໄລຍະເຊິ່ງມັນໄດ້ສະແດງອອກໃນການປະເມີນຂໍ້ແຂ່ງຂັນ 5 ເປັນເຈົ້າເຫັນວ່າສະມາຊິກກຳມະບານໄດ້ປະເພດ 1 ມີ 25 ສະຫາຍ, ຍິ່ງ 12 ສະຫາຍເທົ່າກັບ ຮ້ອຍສ່ວນຮ້ອຍຂອງສະມາຊິກກຳມະບານທັງໝົດ ໃນໂອກາດຽວກັນນີ້ ສະຫາຍ ແກ້ວຕາ ອິນທະວົງ ປະທານກຳມະບານໂຮງໝໍເມືອງ ກໍ່ໄດ້ຂຶ້ນຜ່ານບົດບັນທຶກຜົນການລົງກວດກາວຽກງານຮອບດ້ານ ຕິດພັນກັບການສະຫຼຸບປະເມີນຜົນການແຂ່ງຂັນ 5 ເປັນເຈົ້າຂອງກຳມະບານຮາກຖານໂຮງໝໍປະຈຳປີ 2018.

ເຊິ່ງກຳມະບານຮາກຖານໂຮງໝໍເມືອງປະກອບມີຄະນະປະທານ 3 ສະຫາຍ, ມີສະມາຊິກກຳມະບານທັງໝົດ 24 ສະຫາຍ, ຍິງ 12 ສະຫາຍ,ສະມາຊິກກຳມະບານເຂົ້າພັກແລ້ວ 12 ສະຫາຍ, ຍິງ 4 ສະຫາຍ, ສຳຮອງ 2 ສະຫາຍ, ເທົ່າກັບ 50 ສ່ວນຮ້ອຍຂອງສະມາຊິກກຳມະບານທັງໝົດ. ໄດ້ປະຕິບັດນະໂຍບາຍຕໍ່ສະມາຊິກ 1 ສະຫາຍ, ເປັນຈໍານວນເງິນ 450.000 ກີບ.

ໃນ 1 ປີຜ່ານມາໄດ້ມີການເຄື່ອນໄຫວຕິດຕາມກວດກາສະມາຊິກກຳມະບານເປັນແຕ່ລະໄລຍະເຊິ່ງມັນໄດ້ສະແດງອອກໃນການປະເມີນຂໍ້ແຂ່ງຂັນ 5 ເປັນເຈົ້າເຫັນວ່າສະມາຊິກກໍາມະບານໄດ້ປະເພດ 1 ມີ 22 ສະຫາຍ, ຍິງ 12 ສະຫາຍ, ບໍ່ໄດ້ແບ່ງ 2 ສະຫາຍ,ເທົ່າກັບ 91 ສ່ວນຮ້ອຍ. ຂອງສະມາຊິກກຳມະບານທັງໝົດ

ຈາກນັ້ນ ສະຫາຍ ສົມພົງ ສຸດທະລາດ ກໍ່ໄດ້ຂືນຜ່ານກົດລະບຽບກອງທຶນຊ່ວຍເຫຼືອເຊິ່ງກັນ ແລະ ກັນ ສະບັບເລກທີ 84 /ສກຂ.ຊຍ ລົງວັນທີ 10 ພຶດສະພາ 2018 (ສະບັບປັບປຸງ). ເພື່ອໃຫ້ສະມາຊິກກໍາມະບານທີ່ຢູ່ພາຍໃຕ້ຄວາມຮັບຜິດຊອບຂອງຕົນຮັບຮູ້ ແລະ ເຂົ້າໃຈໃນການປະຕິບັດນະໂຍບາຍຕ່າງໆຕາມກົດລະບຽບຂອງກອງທຶນ ສ່ວນວ່າກົດລະບຽບສະບັບເກົ່ານັ້ນທີ່ຂັດກັບກົດລະບຽບໃໝ່ນີ້ ແມ່ນຖືວ່າຖືກລົບລ້າງ;

ຈາກນັ້ນໃນຕອນທ້າຍເພື່ອເຮັດໃຫ້ກອງປະຊຸມດັ່ງກ່າວມີຄວາມໝາຍຄວາມສຳຄັນ ໃນຕໍ່ໜ້ານັ້ນຍັງໄດ້ຮັບຟັງຄຳໂອລົມຂອງສະຫາຍ ບຸນຫຼາຍ ລັດຖະຫວັນ ຮອງເລຂາພັກເມືອງ ປະທານກວດກາພັກ-ລັດເມືອງທົ່ງມີໄຊ. ກ່ອນອື່ນສະຫາຍໄດ້ຍ້ອງຍໍຊົມເຊີຍຕໍ່ກັບຜົນງານຫຼາຍດ້ານທີ່ທາງສະມາຊິກກຳມະບານ ຫ້ອງການສາທາລະນະສຸກແລະ ໂຮງໝໍເມືອງ ຍາດມາໄດ້ໃນໄລຍະຜ່ານມາ

ຄຽງຄູ່ກັນນີ້ທ່ານຍັງໄດ້ຮຽກຮ້ອງໃຫ້ເອົາໃຈໃສ່ ຝຶກຝົນຫຼໍ່ຫຼອມຕົນເອງ ດ້ວຍການຊອກຮູ້ຮໍ່າຮຽນ ມະຕິຄຳສັງ ລະບຽບກົດໝາຍຕ່າງໆເພື່ອໃຫ້ກາຍເປັນສະມາຊິກກຳມະບານ, ພະນັກງານລັດຖະກອນທີ່ດີ ມີຄຸນທາດການເມືອງໜັກແໜ້ນ ເອົາໃຈໃສ່ລະບົບການສ່ອງແສງລາຍງານ ແລະ ການຮ່ວມຊີວິດປະຈຳເດືອນໃຫ້ເປັນປົກກະຕິ ແລະ ຕໍ່ເນື່ອງ ເພື່ອສະຫຼຸບໃຫ້ຂັ້ນເທີງທ່ວງທັນກັບເວລາ,  ພ້ອມທັງເກັບເງີນສະຕິໃຫ້ຖືກຕາມງວດ ແລະ ຖືກຕາມລະບຽບຂອງກຳມະບານທີ່ໄດ້ກຳນົດໄວ້, ເພີ່ມທະວີຄວາມສາມັກຄີໃຫ້ເປັນປຶກແຜ່ນແໜ້ນ  ໜາ ແລະ ປະຕິບັດຕາມທິດຊີ້ນຳຂອງຂັ້ນເທີງວາງອອກຢ່າງເຂັ້ມງວດ.

ຂ່າວ: ມິກລະຄອນ ຄຳມຸນທາ