ເລີ່ມລົງມືພັດທະນາ ມະຫານະທີສີທັນດອນ ໃຫ້ກາຍເປັນສູນກາງການທ່ອງທ່ຽວ

0
424

ລັດຖະບານ ແຫ່ງ ສປປ ລາວ ໄດ້ອະນຸຍາດໃຫ້ບໍລິສັດ ລາວມະຫານະທີສີທັນດອນ (ຮົງກົງ) ອິນເວສເມັນ ຈຳກັດ ແລະ ບໍລິສັດແອວທີວີ ກໍ່ສ້າງ -ຂົວທາງ ແລະ ຊົນລະປະ ທານຈຳກັດ ລົງທຶນ 9 ຕື້ໂດລາ ພັດທະນາມະຫານະທີ ສີທັນດອນ (ເຂດເມືອງໂຂງ) ໃນເນື້ອທີ່ 9.800 ກວ່າເຮັກຕາ ໃຫ້ກາຍເປັນເມືອງໃໝ່ ທັນສະໄໝ ເປັນສູນກາງການຄ້າ -ການລົງທຶນ ແລະ ການທ່ອງ ທ່ຽວທີ່ໜ້າສົນໃຈທີ່ສຸດຢູ່ພາກໃຕ້ຂອງລາວ ໂດຍມີອາຍຸການ ສຳປະທານ ເປັນເວລາ 50 ປີ ແລະ ສາມາດຕໍ່ໄດ້.

ພາຍຫຼັງທີ່ໄດ້ດຳເນີນ ການສຶກສາສຳຫຼວດຄວາມເປັນໄປໄດ້ທາງດ້ານເສດຖະ ກິດ-ສັງຄົມ ແລະ ສິ່ງແວດ ລ້ອມ ມາເປັນເວລາເກືອບ 3 ປີ ໂຄງການພັດທະນາ ເຂດເສດຖະກິດໃໝ່ ສີທັນດອນ ເມືອງໂຂງ ແຂວງຈຳປາສັກ ກໍໄດ້ຮັບອະນຸມັດຈາກລັດຖະບານ ແຫ່ງ ສປປ ລາວ ໃຫ້ດຳເນີນການກໍ່ສ້າງໂຄງການດັ່ງກ່າວ.

ພິທີເຊັນສັນຍາການເລີ່ມຕົ້ນປະຕິບັດໂຄງການໄດ້ຈັດຂຶ້ນໃນວັນທີ 30 ມິຖຸນາ 2018 ຜ່ານມາ ທີ່ນະຄອນຫຼວງວຽງ ຈັນ, ຕາງໜ້າລັດຖະບານ ສປປ ລາວ ລົງນາມໃນສັນຍາໂດຍ ທ່ານ ປອ. ສຸພັນ ແກ້ວມີໄຊ ລັດຖະ ມົນຕີກະຊວງແຜນການ ແລະ ການລົງທຶນ ຝ່າຍບໍລິສັດພັດ ທະນາໂຄງການລົງນາມໂດຍ ທ່ານ ເສີງກວ້າຝາຍ ປະທານ ບໍລິສັດລາວມະຫານະທີສີທັນດອນ (ຮົງກົງ) ອິນເວສເມັນ ຈຳກັດ ແລະ ທ່ານ ລາຕີ ສີສຸ ພັນນະວົງ ປະທານບໍລິສັດ ແອວທີວີ ກໍ່ສ້າງຂົວ-ທາງ ເຄ ຫາສະຖານ ແລະ ຊົນລະປະ ທານ ຈຳກັດ ຊຶ່ງເປັນບໍລິສັດຜູ້ຮ່ວມຮຸ້ນ. ພ້ອມນັ້ນ ກໍມີຕາງ ໜ້າອຳນາດການປົກຄອງ ແຂວງຈຳປາສັກ, ຕາງໜ້າກະ ຊວງຖະແຫຼງຂ່າວ-ວັດທະນະ ທຳ ແລະ ທ່ອງທ່ຽວ ເຊັນເປັນ ພະຍານ, ໃຫ້ກຽດເຂົ້າຮ່ວມ ເປັນສັກຂີພິຍານໂດຍ ທ່ານ ປອ. ສອນໄຊ ສີພັນດອນ ຮອງນາຍົກລັດຖະມົນຕີ, ມີບັນດາ ທ່ານລັດຖະມົນຕີ, ຮອງລັດຖະ ມົນຕີ ແລະ ແຂກຖືກເຊີນຈຳນວນໜຶ່ງເຂົ້າຮ່ວມ.

ໂຄງການພັດທະນາເຂດ ເສດຖະກິດໃໝ່ສີທັນດອນ ເມືອງໂຂງ ແຂວງຈຳປາສັກ ເປັນໂຄງການຮ່ວມທຶນລະ ຫວ່າງນັກລົງທຶນຈາກ ສປ ຈີນ ແລະ ນັກລົງທຶນພາຍໃນຄື: ບໍລິສັດລາວມະຫານະທີສີທັນ ດອນ (ຮົງກົງ) ອິນເວສເມັນ ຈຳກັດ ຮ່ວມກັບບໍລິສັດແອວທີ ວີ ກໍ່ສ້າງຂົວ-ທາງ ເຄຫາສະ ຖານ ແລະ ຊົນລະປະທານ ຈຳ ກັດ ຊຶ່ງມີມູນຄ່າການລົງທຶນ 9 ຕື້ໂດລາ, ການປະຕິບັດໂຄງ ການກໍ່ສ້າງໄດ້ແບ່ງອອກເປັນ 6 ໄລຍະ ເລີ່ມແຕ່ປີ 2018- 2050 ໂດຍມີເປົ້າໝາຍສຳຄັນ ຄື: ຈະສ້າງເມືອງໂຂງໃຫ້ກາຍ ເປັນເມືອງໃໝ່ທີ່ໜ້າທ່ອງທ່ຽວ ການຈັດສັນອອກແບບການ ພັດທະນາຢ່າງເປັນລະບຽບ ສວຍງາມ ໃຫ້ເປັນຕົວແບບ ຂອງການພັດທະນາເສດຖະ ກິດ-ສັງຄົມ ທີ່ເປັນມິດກັບສິ່ງ ແວດລ້ອມ ເພື່ອດຶງດູດການ ທ່ອງທ່ຽວ, ການເຊື່ອມໂຍງກັບ ພາກພື້ນ ແລະ ສາກົນ ເພື່ອ ແນໃສ່ສ້າງສັນຕິພາບ ດຶງດູດ ການລົງທຶນສະໜອງຂໍ້ມູນຂ່າວ ສານໃຫ້ແກ່ນັກລົງທຶນ ຜູ້ປະ ກອບການ ແລະ ນັກທ່ອງທ່ຽວ ຈາກທົ່ວໂລກ ແນໃສ່ເຮັດໃຫ້ ປະຊາຊົນມີລາຍຮັບສູງຂຶ້ນ ຄອບຄົວມີຄວາມເຂັ້ມແຂງ ຕິດພັນກັບການອະນຸລັກຮັກ ສາ ແລະ ສົ່ງເສີມຮີດຄອງປະ ເພນີ ແລະ ວັດທະນະທຳອັນດີ ງາມຂອງທ້ອງຖິ່ນ ແລະ ຂອງ ຊາດ.

ໜ້າວຽກຫຼັກຂອງໂຄງ ການແມ່ນໄດ້ແບ່ງອອກເປັນ 4 ຂະແໜງການໃຫຍ່ເຊັ່ນ: ຂະ ແໜງການຜະລິດ ລວມມີໂຮງ ງານຜະລິດອາໄຫຼ່ ເອເລັກໂຕຣ ນິກ ແລະ ໄອທີ ການປຸງແຕ່ງ ຜະລິດຕະພັນກະສິກຳ ຫັດ ຖະກຳ, ອຸດສາຫະກຳ ແລະ ອື່ນໆ ຂະແໜງການຄ້າປະ ກອບດ້ວຍການນຳເຂົ້າ-ສົ່ງ ອອກ ສິນຄ້າການຄ້າຊາຍແດນ ຮ້ານຄ້າປອດພາສີສູນການຄ້າ ຕະຫຼາດກາງຄືນ ແລະອື່ນໆ ຂະແໜງບໍລິການປະກອບ ດ້ວຍການຂົນສົ່ງການກໍ່ສ້າງ ໂຮງແຮມການທ່ອງທ່ຽວການ ເງິນ-ທະນາຄານສະຖາບັນ ການເງິນປະກັນໄພສະຖານ ການສຶກສາ ສາທະນະສຸກ ສະຖານບັນເທິງ ສວນສະໜຸກ ສວນອຸທິຍານເປັນຕົ້ນ ແລະ ຂະແໜງການສົ່ງເສີມ-ພັດທະ ນາການຜະລິດກະສິກຳອິນຊີ ແລະ ການປະມົງ.

ຈາກການສຶກສາຜົນປະໂຫຍດຂອງໂຄງການນີ້ ຈະເຮັດໃຫ້ຂະແໜງການທ່ອງທ່ຽວ ໄດ້ຮັບການພັດທະນາຢ່າງໄວວາ ເພາະໄດ້ປັບປຸງສິ່ງອຳນວຍ ຄວາມສະດວກ ແລະ ພື້ນຖານ ໂຄ່ງລ່າງດ້ານການທ່ອງທ່ຽວ ໃຫ້ດີຂຶ້ນຄາດວ່າຮອດປີ 2025 ຈະມີນັກທ່ອງທ່ຽວເຂົ້າມາທ່ຽວ ປະມານ 1,3 ລ້ານເທື່ອຄົນຕໍ່ ປີສ້າງລາຍຮັບຈາກການທ່ອງ ທ່ຽວໄດ້ 205 ລ້ານໂດລາ ຮອດປີ 2050 ດຶງດູດນັກທ່ອງ ທ່ຽວໄດ້ 10 ລ້ານເທື່ອຄົນຕໍ່ປີ ສ້າງລາຍຮັບໄດ້ຫຼາຍກວ່າ 2,4 ຕື້ໂດລາຕໍ່ປີຈະສ້າງລາຍຮັບ ຈາກພາສີອາກອນຕ່າງໆໃຫ້ ແກ່ປະເທດຊາດ ແລະ ຄາດວ່າ ໂຄງການນີ້ ຍັງຈະສ້າງວຽກ ເຮັດງານທຳໃຫ້ແກ່ປະຊາຊົນ ໃນທ້ອງຖິ່ນໄດ້ເຖິງ 1 ແສນຕຳ ແໜ່ງງານຄຽງຄູ່ກັນນັ້ນໂຄງ ການພັດທະນາເຂດເສດຖະ ກິດໃໝ່ສີທັນດອນຍັງໃສ່ໃຈ ເປັນພິເສດດ້ານການປົກປັກ ຮັກສາຄວາມອຸດົມສົມບູນ ທາງລະບົບນິເວດປັບປຸງຄຸນ ນະພາບຂອງສິ່ງແວດລ້ອມໃນ ເຂດຂອງໂຄງການຕະຫຼອດ ຮອດເຂດຕົວເມືອງໆໂຂງ ແລະ ຕົວເມືອງໃກ້ຄຽງດ້ວຍການ ສ້າງສູນບຳບັດຂີ້ເຫຍື້ອບຳບັດ ນ້ຳເປື້ອນເຮັດໃຫ້ເປັນເມືອງ ສີຂຽວຕະຫຼອດການ.

ຂ່າວ: ໜັງສືພິມປະຊາຊົນ