ເຄິ່ງ ປີ 2018 ແຂວງຫຼວງນໍ້າທາມີອຸປະຕິເຫດເກີດຂຶ້ນ 124 ລາຍ

ຫຼວງນໍ້າທາ: ຕາມການລາຍງານຂອງທ່ານ ພັທ ລາດສະຫວ່າງ ປຣະຈິດທຳ ຫົວໜ້າພະແນກຕຳຫຼວດຈາລະຈອນ ປກສແຂວງ ໃຫ້ຮູ້ໃນວັນທີ 9 ກໍລະກົດ 2018 ນີ້ວ່າ: ໃນ 6 ເດືອນຕົ້ນປີ 2018 ຜ່ານມານີ້ທົ່ວແຂວງຫຼວງນໍ້າທາ ມີອຸບັດຕິເຫດເກີດຂຶ້ນທັງໝົດ 124 ລາຍ. ໃນນີ້, ເກີດຂຶ້ນຢູ່ບັນດາເມືອງ 26 ລາຍ ພະຫະນະເປ່ເພເລັກນ້ອຍ 133 ຄັນ, ສົມຄວນ 60 ຄັນ, ໃຊ້ການບໍ່ໄດ້ 9 ຄັນ, ຄົນໄດ້ຮັບບາດເຈັບເລັກນ້ອຍ 120 ຄົນ, ສົມຄວນ 42 ຄົນ, ສາຫັດ 11 ຄົນ ແລະ ເສຍຊິວີດ 11 ຄົນ. ລວມມູນຄ່າເສຍຫາຍທັງໝົດປະມານ 1.444 ລ້ານກວ່າກີບ; ປັດຈຸບັນ ສົ່ງໄອຍະການ 3 ລາຍ, ພວມດຳເນີນຄະດີ 8 ລາຍ.

ທ່ານຫົວໜ້າພະແນກຕຳຫຼວດຈາລະຈອນ ປກສແຂວງ ໄດ້ໃຫ້ຮູ້ຕື່ມອີກວ່າ: ຕໍ່ກັບບັນຫານີ້ຍັງໄດ້ເອົາໃຈໃສ່ເຄື່ອນໄຫວລົງໂຄ

ສະນາເຜີຍແຜ່ບັນດານິຕິກຳຕ່າງໆກ່ຽວກັບການສັນຈອນປອດໄພ ແລະ ຜົນເສຍຫາຍຈາກການເກີດອຸບັດຕິເຫດຢູ່ບັນດາບ້ານ, ໂຮງຮຽນ, ເຂດຊຸມຊົນ ແລະ ບ່ອນອື່ນໆ ລວມທັງໝົດ 11 ຄັ້ງ. ມີຜູ້ເຂົ້າຮ່ວມທັງໝົດ 1.500 ກ່ວາຄົນ, ຍິງ 400 ກ່ວາຄົນ.

ຂ່າວໂດຍ: ສົມພອນ ຂຸນດາວົງ