ກອງປະຊຸມໃຫຍ່ສະຫະພັນນັກຂ່າວອາຊຽນຄັ້ງທີ 19 ໄຂຂຶ້ນທີ່ ປະເທດໄທ

0
145

ຂປລ: ກອງປະຊຸມໃຫຍ່ສະຫະພັນນັກຂ່າວອາຊຽນຄັ້ງທີ 19 (CAJ) ໄດ້ຈັດຂື້ນຢ່າງເປັນທາງການໃນຕອນເຊົ້າມ 26 ມັງກອນ 2018 ທີ່ ນະຄອນຫລວງບາງກອກ ຣາຊອານາຈັກໄທ ໂດຍການເປັນປະທານຮວ່ມ ຂອງທ່ານ Thuan Huu ປະທານ (CAJ) ແລະ ທ່ານ Thepchai Yong ປະທານ ສະຫະພັນນັກຂ່າວແຫ່ງປະເທດໄທ (CTA).ຜູ້ແທນສະມາຄົມນັກຂ່າວແຫ່ງ ສປປລາວ (LJA) ໄດ້ເຂ້າຮ່ວມ 10 ທ່ານ ໂດຍແມ່ນທ່ານ ສະຫວັນຄອນ ຣາຊມຸນຕີ ຮອງ ລ ມຕ ຖວທ ເປັນຫົວຫນ້າຄະນະ ກະຊວງ ຖວທ ທັງເປັນປະທານ ( LJA).

ໃນກອງປະຊຸມຄັ້ງນີ້ມີສະມາຊີກ CAJ ເຂົ້າຮ່ວມ 7 ຊາດ : ສປລາວ, ຫວຽດນາມ, ໄທ, ອິນໂດເນເຊຍ, ມາເລເຊຍ, ຟີລິບປີນແລະ ສີງກະໂປ ນອກນັ້ນຍັງມີ ກໍາປູເຈຍຊື່ງຖຶກຮັບຮອງເປັນສະມາຊິກໃຫມ່ ໃນກອງປະຊຸມຄັ້ງນີ້ແລະຍັງມີ ມຽນມາແລະຈີນເຂົ້າຮ່ວມໃນນາມຜູ້ສັງເກດການ. ກອງປະຊຸມຄັ້ງນີ້ໄດ້ມອບໃຫ້ ໄທ ເປັນປະທານ CAJ ໃນ ສອງປີນັບຈາກນີ້ໂດຍສຶບຕໍ່ຈາກຫວຽດນາມ.ນອກນັ້ນກອງປະຊຸມຍັງໄດ້ເຊັນຮັບຮອງເອົາຖະແຫລງການ ບາງກອກແລະແຜນປະຕິບັດງານ 2018-2020 ອີກ.

ພາບແລະຂ່າວ: ຂປລ