ພົບແລ້ວຮ່າງຊາຍຕົກນໍ້າສູນຫາຍ ທີ່ບ້ານດອນກວດ!

ວຽງຈັນ: ຈາກຄວາມພະຍາຍາມ ມື້ທີ່ສອງ ໃນການຕາມຫາຜູ່ສູນຫາຍຕົກນໍ້າງຶ່ມ ຕອນບ່າຍ ວັນທີ່ 22/7/2018 ເຂດບ້ານດອນກວດ ເມືອງ ວຽງຄຳ ແຂວງວຽງຈັນ.

ພາລະກິດຄືນວັນທີ 22/7/2018

ທີມກູ້ໄພ ອອກຄົນຫາຈົນຮອດ 23:30 ວັນທີ່ 22/7/2018 ແລະ ໄດ້ ຢຸດການຄົ້ນຫາເພາະ ມັນມືດ

ທີມກູ້ໄພ 1624 ໄດ້ເລີ່ມປະຕິບັດການຄົ້ນຫາອີກຄັ້ງໃນຕອນເຊົ້າໆ ວັນຈັນ ທີ 23/7/2018 ສົມທົບກັບອໍານາດການປົກຄອງ. ແລະ ສາມາດພົບເຫັນຮ່າງຜູ່ເສຍຊີວິດເຂດທ່າບ້ານວຽງຄໍາ ຫ່າງອອກໄປຈາກຈຸດຕົກ 3 ກິໂລແມັດ. ຕອນເວລາ 8:59 ນາທີ

ເຈົ້າໜ້າທີ່ ກວດສອບ ສົບຜູ່ເສຍຊີວິດ

ທາງກູ້ໄພໄດ້ນໍາສົບຜູ່ເສຍຊີວິດໃຫ້ຍາດພີ່ນ້ອງ ແລະ ປິດພາບະກິດຄົ້ນຫາເປັນທີ່ຮຽບຮ້ອຍ.

ສະແດງຄວາມເສຍໃຈ ຕໍ່ຄອບຄົວຜູ່ຕາຍ. ແລະ ຂອບໃຈ ອາສາກູ້ໄພ 1624 ທີ່ ປະຕິບັດໜ້າທີ່ຢ່າງໜ້າຊົມເຊີຍ.

ໂສມໜ້າ ຮີໂຣ ກູ້ໄພ 1624

ຂ່າວກ່ອນໜ້ານີ້

ວຽງຈັນ: ລາຍງານຈາກ ກູ້ໄພນະຄອນຫຼວງ 1624 ໃຫ້ຮູ້ວ່າ ຕອນບ່າຍ ວັນທີ 22/7/2018 ໄດ້ຮັບແຈ້ງ ມີຄົນຕົກນໍ້າງຶ່ມ, ຫາຍສາບສູນ ເຂດບ້ານດອນກວດ ເມືອງ ວຽງຄຳ ແຂວງວຽງຈັນ, ເປັນເພດຊາຍ

ຖ້າກູ້ໄພ 1624 ໄດ້ເດີນທາງ ໄປສົມທົບກັບທາງບ້ານ ແລະ ອອກຄົ້ນຫາ ຈົນຮອດຕອນນີ້ 19:20 ຍັງບໍ່ພົບ, ຈິ່ງແຈ້ວໃຫ້ ປະຊາຊົນ ເຂດລ້ອງງຶ່ມ ໃກ້ຄຽງ ຊ່ວຍຕິດຕາມ, ຫາກພົບເຫັນໃຫ້ແຈ້ງ 1624

ການຄົ້ນຫາຍາກຫຼາຍເພາະ ນໍ້າງຶ່ມໄຫຼແຮງ ແລະ ມີໄມ້ ມີຕໍໄຫຼຕາມແມ່ນໍ້າຫຼວງຫຼາຍ.