ມີໂຈນໄປລັກພຣະ 5 ອົງ ທີ່ສິມຂອງວັດຈູມຄ້ອງ ຫລວງພຣະບາງ 21/7/2018

0
275

ມີໂຈນໄປລັກພຣະ 5 ອົງ ທີ່ສິມຂອງວັດຈູມຄ້ອງ ຫລວງພຣະບາງ

ໃນຄືນວັນເສົາ ຕໍ່ໃສວັນອາທິດ ວັນທີ 21 ກໍລະກົດ 2018 ນີ້ຝົນຕົກຍ່ອຍໆ ມີໂຈນໃຈບາບໜາສາມານ ເຂົ້າໄປງັດປະຕູຂອງສິມວັດຈູມຄ້ອງ ແຕ່ງັດບໍ່ໄດ້ ເລີຍປ່ຽນໄປງັດແລະພັງປ່ອງຢ້ຽມເຄິ່ງກາງ ທາງດ້ານຕາເວັນຕົກ ທີ່ມີອູບມຸງ ເມື່ອໂຈນຊາດຊົ່ວ ເຂົ້າໄປໄດ້ແລ້ວ ກໍ່ລັກເອົາພຣະພຸທທະຮູບຈຳນວນ 5 ອົງ = ໃນນັ້ນ 3 ອົງ ເປັນພຣະເກົ່າແກ່ ສ່ວນອີກ 2 ອົງເປັນພຣະພຸທທະຮູບໃຫມ່

ທີ່ເຈົ້າອະທິການວັດ ສາທຸໄຊ ສ້າງຂຶ້ນເມື່ອປີ 2005ທີ່ເພິ່ນໄດ້ນຳເອົາລົງຫົດສົງໃນບຸນປີໃຫມ່ລາວທຸກໆປີຜ່ານມາ ເຊິ່ງເອີ້ນກັນວ່າພຣະຄ້ອງ ( ສ່ວນອີກອົງຫນຶ່ງທີ່ເປັນພຣະໃຫມ່ນັ້ນ ຄ້າຍຄືພຣະຄ້ອງນີ້ ແຕ່ບໍ່ມີຮູບໃຫ້ເບິ່ງ ) ທັງຫມົດທີ່ຖືກໂຈນລັກໄປນັ້ນເປັນປາງຊະນະມານ ທັງ 5 ອົງ.

ຂໍວິງວອນພໍ່ແມ່ປະຊາຊົນ ໂດຍສະເພາະເຈົ້າຫນ້າທີຕຳຫລວດ ກະຣຸນາຈັບໂຈນຊົ່ວຊ້າ ພວກນີ້ໃຫ້ໄດ້ ແດ່ທ້ອນ ເພາະມັນຫຍ້າມໃຈແລ້ວ ທີ່ມາລັກພຣະພຸທທະຮູບຢູ່ຫລວງພຣະບາງ ຕະຫລອດ ແລະທຸກໆຄັ້ງ ກໍ່ຈັບມັນບໍ່ໄດ້ຈັກຄົນ ຈັກລາຍເລີຍ ຊ້ຳບໍ່ຫນ້ຳເລື່ອງພຣະເສຍຂອງບັນດາວັດຕ່າງໆ ກໍ່ງຽບຫລາຍໄປຕາມກະແສລົມເລີຍ ເມື່ອໄດ້ຍິນໄດ້ຮູ້ຂ່າວເລື່ອງແນວນີ້ເກີດຂຶ້ນ ກໍ່ຫົດຫູ່ຈິດໃຈຂອງຄົນຫລວງພຣະບາງ ກໍ່ຄືຄົນລາວ ແລະຄົນທີ່ນັບຖືພຣະພຸທທະສາສະໜາ ເປັນທີ່ສຸດ ຂໍອ້ອນວອນເຈົ້າຫນ້າທີ່ ທີ່ຮັກຜິດຊອບເລື່ອງນີ້ທັງຫລາຍຊົ່ວແກ້ໄຂເລື່ອງນີ້ເລັ່ງດ່ວນແດ່ທ້ອນ .

ໃຜມີຂໍ້ມູນ ຂ່າວ ຫລືແບະແສ ຂອງບັນດາພຣະຕ່າງໆທີ່ຖືກໂຈນລັກໄປນັ້ນກະຣຸນາ ສົ່ງມາບອກແດ່ເດີ ຈະເປັນກຸສົນຜົນບຸນເພື່ອຈະໃຫ້ຜູ້ຄົນໄດ້ມາຂາບສະກາຣະກັນອີກຕໍ່ໄປ ແລະຜົນບຸນທີ່ໄດ້ກະເຮັດແລ້ວຈະຊ່ວຍເກື້ອຫນູນໃຫ້ພົບກັບສິ່ງທີ່ດີງາມແລະສິ່ງທີ່ປະເສີດຕໍ່ໄປເດີ.

* ຜູ້ໃດມີເງື່ອນໄຂ ທີເຮັດບຸນ ຄວນຊື້ກ້ອງວົງຈອນປິດ ໄປຖວາຍໃຫ້ວັດຕ່າງໆທີ່ສ່ຽງຕໍ່ການສູນພຣະພຸທທະຮູບ ທີ່ເປັນຊັບສົມບັດຂອງຊາວພຸທ ຄົງໄດ້ບຸນເປັນທະວີຄູນ ເນີ…

ພະຣະເກົ່າທີ່ເສຍ

ຂໍ້ມູນພຣະເກົ່າທີ່ເສຍ

ພຣະໃໝ່ທີ່ເສຍ

ບ່ອບປະດີດສະຖານ

ມີໂຈນໄປລັກພຣະ 5 ອົງ ທີ່ສິມຂອງວັດຈູມຄ້ອງ ຫລວງພຣະບາງໃນຄືນວັນເສົາ ຕໍ່ໃສວັນອາທິດ ວັນທີ 21 ກໍລະກົດ 2018 ນີ້ຝົນຕົກຍ່ອຍໆ…

Posted by Art and Culture of Laos on Monday, July 23, 2018