ປະຊາຊົນເລົ່າເຫດການ ນາທີໜີຄວາມຕາຍ ເຫດ ເຂື່ອນຂະໝານ-ເຊນໍ້ານ້ອຍ ແຕກ 23/7/2018 (ຊົມຄລິບ)

ປະຊາຊົນເລົ່ານາທີໜີຕາຍ 8:30-24/7/2018

ປະຊາຊົນເລົ່າເຫດການ ນາທີໜີຄວາມຕາຍ

ເຫດ ເຂື່ອນຂະໝານ-ເຊນໍ້ານ້ອຍ ແຕກ 23/7/2018

ຜົນກະທົບ ເມືອງສະໜາມໄຊ ແຂວງອັດຕະປື! ມີຄົນເສຍຊີວິດ ຍັງບໍ່ຮູ້ຈໍານວນ

ປະຊາຊົນເລົ່າເຫດການ ນາທີໜີຄວາມຕາຍເຫດ ເຂື່ອນຂະໝານ-ເຊນໍ້ານ້ອຍ ແຕກ 23/7/2018ຜົນກະທົບ ເມືອງສະໜາມໄຊ ແຂວງອັດຕະປື! ມີຄົນເສຍຊີວິດ ຍັງບໍ່ຮູ້ຈໍານວນ

Posted by ປະກາດ Pakaad on Monday, July 23, 2018

ລາຍງານຈາກອັດຕະປື 12:30-24/7/2018

ອັດຕະປື: ປັດຈຸບັນສະພາບນ້ຳຖ້ວມຢູ່ແຂວງອັດຕະປືໄດ້ສ້າງຄວາມເສຍຫາຍໃຫ້ປະຊາຊົນຢ່າງໜັກໜ່ວງພາຍຫຼັງອ່າງເກັບນ້ຳຫຼັງທີ 2 ຂອງເຂື່ອນເຊປຽນ-ເຊນ້ຳນ້ອຍແຕກ ໂດຍສະເພາະ 5 ບ້ານຂອງເມືອງສະໜາມໄຊ ເນື່ອງຈາກມີເຮືອນຂອງປະຊາຊົນໄຫຼໄປນຳກະແສນ້ຳຈຳນວນຫຼາຍ.

ທ່ານ ເລັດ ໄຊຍະພອນ, ເຈົ້າແຂວງອັດຕະປືໃຫ້ສຳພາດວ່າ: ອົງການປົກຄອງແຂວງ ໄດ້ປະສານສົມ ທົບກັບພາກສ່ວນກ່ຽວຂ້ອງໃຫ້ການຊ່ວຍເຫຼືອປະຊາຊົນຢ່າງຮີບດ່ວນນັບແຕ່ຕອນແລງວັນທີ 23/07/2018 ເປັນຕົ້ນມາ ເນື່ອງຈາກມີປະຊາຊົນຈຳນວນຫຼາຍຕິດຄ້າງຢູ່ກາງນ້ຳ ຍ້ອນປະລິມານ ນ້ຳສູງຖ້ວມຮອດຫຼັງຄາເຮືອນສ່ວນມູນຄ່າເສຍຫາຍເບື້ອງຕົ້ນພວມຢູ່ໃນຂັ້ນຕອນເກັບກຳຂໍ້ມູນຢ່າງລະອຽດ.

ເຂື່ອນເຊປຽນ-ເຊນ້ຳນ້ອຍຕັ້ງຢູ່ພູພຽງ ບໍລິເວນເຂດເມືອງປາກຊ່ອງ ແຂວງ ຈຳປາສັກ ຕໍ່ໃສ່ຊາຍແດນ ແຂວງອັດຕະປື ເລີ່ມດຳເນີນການກໍ່ສ້າງນັບແຕ່ທ້າຍປີ 2013 ເປັນຕົ້ນມາ ແລະ ຄາດວ່າຈະໃຫ້ ສຳ ເລັດໃນຕົ້ນປີ 2019 ແຕ່ພາຍຫຼັງຝົນຕົກໜັກຕິດຕໍ່ກັນຫຼາຍວັນໃນທ້າຍອາທິດຜ່ານມາ ເຮັດໃຫ້ ສັນອ່າງເກັບນ້ຳຂອງເຂື່ອນເຊນ້ຳນ້ອຍແຕກຄາດວ່າປະລິມານນ້ຳໃນອ່າງມີ 5.000 ລ້ານໂຕນ ແລະ ຄາດວ່າປະລິມານນ້ຳເຫຼົ່ານີ້ຈະໄຫຼເຂົ້າສູ່ນ້ຳເຊປຽນ ສຳລັບບ້ານທີ່ ໄດ້ຮັບຜົນກະ ທົບຫຼາຍທີ່ ສຸດແມ່ນ ບ້ານທີ່ຢູ່ໃກ້ແຄມນ້ຳເຊປຽນເປັນຕົ້ນ: ບ້ານໃໝ່, ຫີນລາດ, ສະໜອງໃຕ້, ທ່າແສງຈັນ, ຕະໝໍຍອດ, ບ້ານທ່າຫີນໃຕ້, ທ່າບົກ ແລະ ບ້ານທ່າມ່ວງ ເມືອງສະໜາມໄຊ ແຂວງອັດຕະປື.

ຂ່າວ: ຈັນທະສອນ ສີຫານາດ

Cr: Lao National Radio

ແຂວງອັດຕະປື ແຈ້ງວິກິດນໍ້າຖ້ວມ ເມືອງສະໜາມໄຊ! ພ້ອມຂໍການຊ່ວຍເຫຼືອ

ໂທບໍລິຈາກໂດຍກົງ ທີ່ອັດຕະປື

020 55543255, 020 55536888, 020 91098888

ສະພາບນໍ້າຖ້ວມ

ຂ່າວກ່ອນໜ້ານີ້

—-

ອັດຕະປື 24/7/2018: ເຫັນໄດ້ຄວາມຈຳເປັນ ແລະ ຕ້ອງການຄວາມຊ່ວຍເຫຼືອ ຂອງປະຊາຊົນ ທີ່ເມືອງສະໜາມໄຊ ຫຼາຍຄອບຄົວທີ່ ພາກັນຕິດຢູ່ຫຼັງຄາເຮືອນ ແລະ ຫຼາຍຄົນ ຍັງບໍ່ຮູ້ສະຕາກຳ. ປະຊາຊົນ ຜູ່ໃຈບຸນ ໄດ້ສົມທົບ ກັບທາງແຂວງ ໄດ້ເຕົ້າໂຮມນໍ້າໃຈ ພາກັນ ກະກຽມ ເຂົ້າສານອາຫານແຫ້ງ ແລະ ພາກັນ ໜຶ້ງເຂົ້າໜຶ່ງນໍ້າ ແຕ່ເຊົ້າເດິກ. ເພື່ອ ຈະໄດ້ ເອົາອອກໄປແຈກຢາຍ ຊ່ວຍປະຊາຊົນ ທີ່ຍັງຕິດຢູ່ຕາມບ້ານເຮືອນ ທີ່ຖືກນໍ້າຖ້ວມຂັງ ບໍ່ສາມາດ ອອກໄປໃສໄດ້.

ທາງທີມງານໂທລະໂຄ່ງ ໄດ້ສອບຖາມໄປຍັງ  ປະຊາຊົນ ທີ່ຢູ່ອັດຕະປື ແລະ ທາງນັກຂ່າວຂອງແຂວງ ໄດ້ແຈ້ງໃຫ້ຮູ້ວ່າ ຜົນກະທົບແມ່ນວົງກວ້າງຫຼາຍ ແລະ ຍັງບໍ່ສາມາດຮູ້ໄດ້ ເຖິງຜົນກະທົບທັງໝົດ. ເຊິ່ງປະຈຸບັນ ທາງເຈົ້າແຂວງ ໄດ້ຊີ້ນຳໂດຍກົງ ເພື່ອເລັ່ງໃຫ້ການຊ່ວຍເຫຼືອປະຊາຊົນ ທີ່ໄດ້ຮັບຜົນກະທົບຈາກນໍ້າຖ້ວມຄັ້ງນີ້.

ຂ່າວກ່ອນໜ້ານີ້

—-

ອັດຕະປື: ຈາກສະຖານະການ ເຂື່ອນເຊກະໝານ-ເຊນໍ້ານ້ອຍ ສັນເຂື່ອນ D ມີບັນຫາ ແຕ່ບ່າຍວັນທີ 23 ກໍລະກົດ 2018. ແລະ ເຮັດໃຫ້ ເກີດນໍ້າແຕກໄຫຼລົງກ້ອງເຂື່ອນ ໄປແຂວງອັດຕະປື ໂດຍສະເພາະ ເຂດເມືອງສະໜາມໄຊ ຕອນເວລາປະມານ 22:00 ເຊິ່ງສົ່ງຜົນໃຫ້ປະລິມານນໍ້າທີ່ຄາດກັນວ່າປະມານ 5000 ລ້ານໂຕ່ນ ແມ່ນໄຫຼຊຸຢ່າງຮຸນແຮງ.

ປະຊາຊົນຫຼາຍຄົນ ໂດຍສະເພາະແມ່ນເຂດບ້ານໃໝ່ ແລະ ໃກ້ຄຽງແມ່ນໄດ້ຮັບຜົນກະທົບໜັກ. ເຊິ່ງໃນຕອນເຊົ້າມື້ນີ້ 24 ກໍລະກົດ 2018 ທ່ານ ເຈົ້າແຂວງອັດຕະປື ພ້ອມຄະນະ ກຳລັງລົງເຮືອແຕ່ເຊົ້າ ເພື່ອລົງຕິດຕາມ ຊ່ວຍເຫລືອປະຊາຊົນ ເຂດບ້ານໃຫມ່ ເມືອງສະຫນາມໄຊ.

ປະຊາຊົນ ຫຼາຍຄົນແມ່ນຍັງຄົງຕິດຢູ່ຫຼັງຄາ ແຕ່ຄືນວັນທີ 23 ກໍລະກົດ 2018. ເຊິ່ງປະຊາຊົນນ ແມ່ນກຳລັງລໍຖ້າຂໍການຊ່ວຍເຫຼືອ.

ປະຊາຊົນຊ່ວຍເຫຼືອຕົວເອງໃນເບື້ອງຕົ້ນ ຈາກໄຟນຳ້ຖ້ວມ ບ້ານໄໝ່ ເມືອງ ສະໜາມໄຊ ແຂວງອັດຕະປື ເວລາ 1.30 ວັນທີ 24/07/2018

ຄລິບ 1

ອັດຕະປື: ເວລາປະມານ 22:30 ວັນທີ 23 ກໍລະກົດ 2018 ປະຊາຊົນ ທີ່ເມືອງສະໜາມໄຊ ແຂວງອັດຕະປື ກຳລັງປະເຊີນ ກັບ ໄພນໍ້າຖ້ວມຮູນແຮງ ບາງເຂດ ແມ່ນນໍ້າຖ້ວມສູງກາຍຫຼັງຄາ.

ລະດັບນໍ້າທີ່ອາດຈະສູງໃນແຕ່ລະເຂດ

ຂ່າວກ່ອນໜ້ານີ້

ໃນວັນທີ່ 23 ກໍລະກົດ 2018 ທາງໜ່ວຍງານ ຈັດສັນທີ່ຢູ່ ອາໄສ ຂອງ ບໍລິສັດ ເຊປຽນ ເຊນໍ້ານ້ອຍ ໄດ້ສົ່ງຈົດໝາຍ ເຖິງ ໜ່ວຍງານຄຸ້ມຄອງ ການຍົກຍ້າຍ ແລະ ຈັດສັນທີ່ຢູ່ອາໄສ ຂອງແຂວງຈຳປາສັກ ໃຫ້ຮູ້ກ່ຽວກັບສະຖານະການ ທີ່ສັນເຂື່ອນ D ຂອງໂຄງການ ເຂື່ອນ ເຊປຽນ ເຊນໍ້ານ້ອຍ. ຖ້າສັນເຂື່ອນແຕກຈະມີປະລິມານໍ້າ ປະມານ 5ພັນ ລ້ານໂຕ່ນ ຈະໄຫຼ ໄປກ້ອງເຂື່ອນ.

ຂໍ້ມູນເພີ່ມເຕີມກ່ຽວກັບເຂື່ອນນີ້.

  • Xepian-Xenamnoy (410MW)
  • Location – Attapeu and Champasak Province
  • Commenced operation:2018
  • Investors: SK Engineering and Contruction (Korea) 26%, LHSE (Laos) 24%,Korea Western Power Co., Ltd 25%, Ratchaburi Electric Generating Holding Public Co.,Ltd 25%
  • Planned market:Laos/Thailand
  • Installed Capacity: 410 MW
  • Status: PDA Signed 19/10/2012

ການອົບພະຍົບ ປະຊາຊົນ ຕອນບ່າຍ ວັນທີ ! 23/7/2018