ເຫດຄົນເສຍຊີວິດຟູຂຶ້ນຈາກໜ້ານຳ້ຢູ່ທີ່ບ້ານ ໝາກນາວເໜືອ, ເມືອງປາກງຶ່ມ

ນະຄອນຫຼວງວຽງຈັນ: ໜ່ວຍກູ້ຊີບອົງການກາແດງລາວ ແຈ້ງວ່າ ໃນວັນທີ 25.07.2018 ເວລາປະມານ 18:20 ນາທີ ໜ່ວຍກູ້ຊີບອົງການກາເເດງລາວໄດ້ຮັບເເຈ້ງວ່າມີຄົນເສຍຊີວິດຟູຂຶ້ນຈາກໜ້ານຳ້ຢູ່ບ້ານ ໝາກນາວເໜືອ ເມືອງ ປາກງື່ມ

ເມື່ອໜ່ວຍກູ້ຊີບໄດ້ໄປຮອດສະຖານທີ່ໄດ້ພົບເຫັນຜູ້ເສຍຊີວິດ1ຄົນເຊິ່ງເປັນເພດຍິງດັ່ງນັ້ນໜ່ວຍກູ້ຊີບຈຶ່ງໄດ້ນຳຮ່າງຂອງຜູ້ເສຍຊີວິດຂຶ້ນສູ່ຕາຝັ່ງແລ້ວຈຶ່ງໄດ້ທຳການມ້ຽນຄາບສົບຂອງຜູ້ເສຍຊີວິດເປັນທີ່ຮຽບຮ້ອຍ.

ຕາມການບອກເລົ່າຂອງປະຊາຊົນທີ່ເຫັນເຫດການໃນເວລາ12:00ໄດ້ມີຄົນມາພົບເຫັນສົບທີ່ໄຫລນຳ້ມາແລ້ວຈຶ່ງໃຊ້ສາຍເຊືອກມັດບໍລິເວນຂໍ້ແຂນແລ້ວໄດ້ນຳຮ່າງກາຍເຂົ້າມາສູ່ແຄມຝັ່ງແລະຫລັງຈາກນັ້ນໄດ້ສົມທົບກັບນາຍບ້ານເພື່ອຕິດຕໍ່ຫາເຈົ້າໜ້າທີ່ກອງພິສູດຫລັກຖານອອກໄປທີ່ຈຸດເກີດເຫດ ເມື່ອເຈົ້າໜ້າທີ່ໄດ້ອອກໄປຮອດຈຸດເກີດແລະໄດ້ກວດກາພິສູດຫລັກຖານເປັນທີ່ຮຽບຮ້ອຍແລ້ວຈຶ່ງໄດ້ຕິດຕໍ່ຫາໜ່ວຍກູ້ຊີບອອກໄປທີ່ຈຸດເກີດເຫດແລະຫລັງຈາກທີ່ໜ່ວຍກູ້ຊີບມ້ຽນເປັນທີ່ຮຽບຮອ້ຍຈຶ່ງໄດ້ສົມທົບກັບເຈົ້າໜ້າທີ່ເພື່ອຕິດຕໍ່ຫາຍາດຕິພີ່ນ້ອງຂອງຜູ້ກ່ຽວແລະໃນເວລາຕໍ່ມາກໍ່ສາມາດຕິດຕໍ່ທາງຍາດຕິພີ່ນ້ອງໄດ້ເປັນທີ່ຮຽບຮ້ອຍແລ້ວ ສ່ວນສົບຂອງຜູ້ກ່ຽວແມ່ນໜ່ວຍກູ້ແມ່ນໄດ້ໄປຝາກໄວ້ທີ່ມູນນິທິຈີນເພື່ອໃຫ້ຍາດຕິພີ່ນ້ອງຂອງຜູ້ກ່ຽວນຳເອົາຮ່າງກາຍໄປເຮັດພິທີທາງສາສະໜາຕໍ່ໄປ.

ໜ່ວຍກູ້ຊີບອົງການກາແດງລາວຂໍສະແດງຄວາມເສຍໃຈມາຍັງ ຍາດຕິພີ່ນ້ອງຂອງຜູ້ກ່ຽວ ຂໍໃຫ້ດວງວິນຍານຂຶ້ນສູ່ສະຫວັນຊັ້ນຟ້າດ້ວຍເທີ້ນ

ອຸບັດຕິເຫດ+ເຈັບປ່ວຍສຸກເສີນເເຈ້ງ : 1625