ສຸດຍອດສັບພະຄຸນ ຈາກ ໝາກຂາມປ້ອມ

0
108

ໝາກຂາມປ້ອມ!!! ມີຄຸນປະໂຫຍດຫຼາຍຢ່າງກ່ວາທີ່ທ່ານຄິດ

ຖ້າທ່ານເປັນຄົນໜຶ່ງທີ່ບໍ່ເຄີຍຮູ້ມາກ່ອນວ່າ ໝາກຂາມປ້ອມໜ່ວຍນ້ອຍໆ ທີ່ເຮົາກິນນັ້ນມີປະໂຫຍດຊ່ວຍບໍາລຸງຮ່າງກາຍໄດ້ຕັ້ງແຕ່ຫົວຈົນຮອດຕີນ ແຖມຍັງຮັກສາອາການເຈັບໄຂ້ຕ່າງໆ ໄດ້ສາລະພັດກໍ່ບໍ່ເປັນຫຍັງ ເພາະໃນມື້ນີ້ເຮົາຈະມານໍາສະເໜີປະໂຫຍດດີໆຂອງໝາກຂາມປ້ອມຢ່າງຄົບຖ້ວນກັນເລີຍ

ໝາກຂາມປ້ອມມີສານສໍາຄັນຫຍັງແດ່?

ເນື້ອ: ມີນໍ້າໂປຕິນ, ໄຂມັນ, ວິຕາມິນຊີ, ວິຕາມິນບີ3, ສານແທນນິນ, ກົດເພັກທິນ ແລະ ເກືອແຮ່ຕ່າງໆ

ເມັດ: ມີສານປະກອບຟອສຟາໄທດ໌, ນໍ້າມັນ ແລະ ນໍ້າມັນລະເຫີຍ

ໝາກສົດ: ມີສານແທນນິນ ແລະ ວິຕາມິນຊີ (ວິຕາມິນຊີໃນໝາກຂາມປ້ອມສູງກ່ວາວິຕາມິນຊີໃນໝາກກ້ຽງຫຼາຍກ່ວາ 1 ເທົ່າ)

ໝາກແຫ້ງ: ມີກົດມິວຊີກ

ເປືອກໜ່ວຍ: ມີກົດເອວລາຈິກ: ກົດຟິວເລມລິກ ແລະ ສານຟີນວດສ໌

ເປືອກຕົ້ນ: ມີສານແທນນິນ, ສານລູພິອອດ ແລະ ສານລູໂຄ ເຄຟີນິດິນ

ໃບ: ມີສານແທນນິນ. ກົດມາລິກ ແລະ ສານລູພິອອດ

ກິ່ງນ້ອຍ: ມີສານແທນນິນ

ຮາກ: ມີສານລູພິອອດ ແລະ ກົດເວວລາຈິກ

ສັບພະຄຸນຂອງໝາກຂາມປ້ອມ

ໜ່ວຍ: ນໍາມາກິນ ຫຼື ຄັ້ນເປັນນໍ້າດື່ມແກ້ອາການຖອກທ້ອງ, ແກ້ກະຫາຍ, ແກ້ຫວັດ, ຊ່ວຍລະລາຍເສັມຫະ, ຊ່ວຍຂັບປັດສະວະ, ຊ່ວຍຮັກສາພະຍາດທ້ອງບິດ, ຊ່ວຍຮັກສາເລືອດອອກຕາມຮ່ອງແຂ້ວ, ເປັນຢາລະບາຍ,ເປັນຢາຖ່າຍພະຍາດ ແລະ ໃຊ້ລ້າງຕາແກ້ຕາແດງໄດ້

ເມັດ: ນໍາມາຊົງນໍ້າຮ້ອນດື່ມແກ້ຫືດ, ແກ້ອາການປວດຮາກ, ພະຍາດເບົາຫວານ, ພະຍາດຫຼອດລົມອັກເສບ ແລະ ນໍາມາລ້າງຕາ ຊ່ວຍຮັກສາພະຍາດຕ່າງໆໄດ້ອີກ

ເປືອກ: ນໍາມາຕົ້ມກິນແກ້ທ້ອງບິດ ແລະ ຊ່ວຍຮັກສາອາການຟົກຊໍ້າໄດ້

ກ້ານ: ນໍາມາຕົ້ມແລ້ວນໍາໄປອົມຊ່ວຍຫຼຸດອາການປວດແຂ້ວ, ແກ້ໄອ, ແກ້ເຈັບທ້ອງ ແລະ ແກ້ປວດເມື່ອຍຕາມກະດູກໄດ້

ໃບ: ນໍາມາຕົ້ມອາບຊ່ວຍຫຼຸດໄຂ້ໄດ້

ດອກ: ໃຊ້ເຮັດເປັນຢາເຢັນ ແລະ ຢາລະບາຍໄດ້

ຢາງ: ນໍາມາກິນຊ່ວຍຍ່ອຍອາຫານ,ຊ່ວຍຂັບປັດສະວະ ແລະ ນໍາໄປຢອດຕາແກ້ອາການອັກເສບໄດ້

ຮາກ: ສາມາດນໍາມາກິນແກ້ຖອກທ້ອງ, ແກ້ຮ້ອນໃນ, ແກ້ພະຍາດຊໍ້າເຮື້ອ, ເປັນຢາລົດໄຂ້, ຊ່ວຍຟອກເລືອດ ແລະ ຊ່ວຍຫຼຸດຄວາມດັນເລືອດລົງໄດ້

ໝາກຂາມປ້ອມປະໂຫຍດເຫຼືອຫຼາຍ

1. ອຸດົມໄປດ້ວຍສານອາຫານ ແລະ ເປັນແຫຼ່ງຂອງວິຕາມິນຊີ

ຖ້າເວົ້າເຖີງໝາກໄມ້ທີ່ມີວິຕາມິນຊີສູງ ຫຼາຍໆຄົນຄົງຈະຄິດເຖີງໝາກກ້ຽງ ແຕ່ຮູ້ບໍ່ວ່າໝາກຂາມປ້ອມນັ້ນມີວິຕາມິນຊີສູງກ່ວາໝາກກ້ຽງເຖີງເທົ່າຕົວ ແຖມໃນໝາກຂາມປ້ອມ ຍັງມີສານແທນນິນ ແລະ ໂພລີຟີນອດ ເຊິ່ງເປັນສານປ້ອງກັນການສະຫຼາຍຕົວຂອງວິຕາມິນຊີ ເຮັດໃຫ້ວິຕາມິນຊີຄົງຕົວຢູ່ໄດ້ດົນ ແລະ ຍັງບໍ່ພໍພຽງເທົ່ານັ້ນ ເພາະໝາກຂາມປ້ອມຍັງອຸດົມໄປດ້ວຍສານອາຫານອື່ນໆອີກຫຼາຍຢ່າງ ທັງວິຕາມິນເອ ບີ3, ທາດເຫຼັກ ແລະ ຟອດຟໍລັດ ເອີ້ນໄດ້ວ່າກິນໝາກຂາມປ້ອມຢ່າງດຽວກໍ່ໄດ້ສານອາຫານເກືອບຄົບຖ້ວຍເລີຍລະ

2. ແກ້ກະຫາຍ

ພຽງແຕ່ກິນໝາຂາມປ້ອມສົດໆ ກໍ່ຊ່ວຍແກ້ ແລະ ຫຼຸດດອາການກະຫາຍນໍ້າໄດ້ໂດຍບໍ່ຕ້ອງນໍາໄປເຮັດເປັນນໍ້າໝາກໄມ້ເລີຍ ເພາະເມື່ອເຮົາກັດໝາກຂາມປ້ອມ ນໍ້າມັນທີ່ຊືມອອກມາຈະຊ່ວຍແກ້ຄໍແຫ້ງໄດ້ ແລ້ວຍິ່ງຖ້າໄດ້ດື່ມນໍ້າລ້າໆຕາມຫຼັງໄປອີກໜ້ອຍໜຶ່ງກໍ່ຍິ່ງເຮັດໃຫ້ຄວາມຮູ້ສຶກກະຫຍາຍດີຂື້ນຫຼາຍເລີຍລະ

3. ແກ້ອາການເຈັບຄໍ ລົດເສມຫະ ແລະ ແກ້ຫວັດ

ຖ້າເວົ້າເຖີງໝາກຂາມປ້ອມທຸກຄົນຕ້ອງບອກວ່າຊ່ວຍແກ້ໄອ, ແກ້ຫວັດ ແລະ ລະລາຍເສມຫະ, ຮັກສາອາການເຈັບຄໍແນ່ນອນ ເພາະອຸດົມໄປດ້ວຍວິຕາມີນ ແຖມຍັງມີລົດສົ້ມຂອງຕົວມັນເອງ ຊ່ວຍບໍາລຸງສຽງໄດ້ດີອີກດ້ວຍ ໂດຍຫາກຕ້ອງການໃຊ້ໝາກຂາມປ້ອມແກ້ໄອ ກໍາເຮັດໄດ້ງ່າຍໆ ດ້ວຍການນໍາໄປຄັ້ນ ຫຼື ຕໍາແລ້ວນໍາມາດື່ມ, ເອົາໝາກຂາມປ້ອມໄປອົມກັບເກືອລ້າໆກໍ່ໄດ້ເຊີ່ງການອົມໝາກຂາມປ້ອມຈະຊ່ວຍແກ້ໄອ ແລະ ລະລາຍເສມຫະ ແລ້ວຍັງເຮັດໃຫ້ເຮົາຮູ້ສຶກຊຸ່ມຄໍ ແລະ ຊ່ວຍບໍາລຸງສຽງໃຫ້ໃສປ້ອງກັນສຽງແຫບອີກດ້ວຍ

4. ແກ້ໄຂ້

ສານແທນນິນ ແລະ ວິຕາມິນຊີທີ່ມີຢູ່ໃນໝາກຂາມປ້ອມ ເປັນສານທີ່ຊ່ວຍເສີມສ້າງພູມຕ້ານທານໃຫ້ຮ່າງກາຍ ຈຶ່ງຊ່ວຍແກ້ໄຂຈາກອາການທີ່ປ່ຽນແປງໄດ້ ໂດຍນໍາໝາກ, ເມັດ ຫຼື ຮາກ ມາຄັ້ນດື່ມ ເພາະນໍ້າໝາກຂາມປ້ອມຖືເປັນຢາເຢັນທີ່ຊ່ວຍຫຼຸດ ແລະ ລະບາຍຄວາມຮ້ອນອອກຈາກຮ່າງກາຍເຮົາຍັງສາມາດນໍາໃບສົດຂອງໝາກຂາມປ້ອມມາຕົ້ມນໍ້າອາບເພື່ອໃຫ້ໄຂ້ຫຼຸດລົງໄດ້ອີກ

5. ແກ້ເຈັບແຂ້ວ

ຮູ້ບໍ່ວ່າການກິນໝາກຂາມປ້ອມ ຫຼື ນໍາການໝາກຂາມປ້ອມມາຕົ້ມກັບນໍ້າ ແລ້ວໃຊ້ອົມ ຫຼື ບ້ວນປາກສາມາດບັນເທົາ ແລະ ປ້ອງກັນອາການເຈັບແຂ້ວໄດ້ ເນື່ອງຈາກໃນໝາກຂາມປ້ອມມີວີຕາມິນຊີສູງນັ້ນເອງ

6. ບັນເທົາອາການຄັນຈາກເຊື້ອລາ, ນໍ້າກັດຕີນ

ເຮົາສາມາດນໍາຮາກໝາກຂາມປ້ອມມາສັບເປັນຕອນນ້ອຍໆ ແລະ ນໍາໄປຕົ້ມປະມານ 15 ນາທີ ຈາກນັ້ນກໍ່ນໍາມາທາບໍລິເວນທີ່ເປັນເຊື້ອລາ ກໍ່ຈະຊ່ວຍບັນເທົ່າອາການຄັນໄດ້, ສ່ວນໃຜທີ່ມີອາການຄັນຈາກນໍ້າກັດຕີນ ໃຫ້ນໍາເປືອກໝາກຂາມປ້ອມໄປຕໍາປະສົມກັບນໍາເລັກນ້ອຍ ແລ້ວນໍາມາທາບໍລິເວນທີ່ຄັນກໍ່ຈະຊ່ວຍຮັກສາໄດ້ ຫຼື ຫາກທ່ານຢາກໃຊ້ຂ້າເຊື້ອພະຍາດ ຫຼື ປ້ອງກັນນໍ້າກັດຕີນໄວ້ກໍ່ເຊັ່ນກັນ.

7. ຮັກສາບາດແຜ ແກ້ຟົກຊໍ້າ

ຮູ້ບໍ່ວ່າເຮົາສາມາດນໍາເປືອກໝາກຂາມປ້ອມມາບົດເປັນຝຸ່ນແລ້ວໂຮຍຕາມບໍລິເວນບາດເພື່ອຮັກກສາ ແລະ ອາການຟົກຊໍ້າໄດ້ອີກ ສ່ວນໃຜທີ່ເປັນບາດແລ້ວຫາຍຊ້າ, ເປັນບາດແລ້ວມີນໍ້າເຫຼືອງໄຫຼຫຼາຍ ເຮົາຂໍແນະນໍາໃຫ້ກິນໝາກຂາມປ້ອງ 1 ໜ່ວນຕໍ່ມື້ ຫຼັງຈາກກິນອາຫານ ເພາະໃນໝາກຂາມປ້ອມມີວິຕາມິນຫຼາຍ

8. ຮັກສາຫືດ

ນອກຈາກແກ້ໄຂ້ຫວັດແລ້ວ ຫາກທ່ານເປັນຫອບຫືດຍັງສາມາດນໍາເມັດໝາກຂາມປ້ອມມາຕໍາເປັນຜົງ ແລ້ວຊົງດືມ ກໍ່ຊ່ວຍຮັກສາໃຫ້ດີໄດ້

9. ແກ້ອາການຜືນຄັນ

ໃຜທີ່ມີອາການຜິວໜັງອັກເສັບ ຫຼື ເປັນຜືນຄັນເຮົາຂໍແນະນໍາໃບໝາກຂາມປ້ອເອົາມາຕົ້ມອາບ ຫຼື ນໍາເມັດມາເຜົາແລ້ວບົດໃຫ້ລະອຽດ ຈາກນັ້ນນໍາໄປປະສົມກັບນໍ້າມັນ ຄົນໃຫ້ເຂົ້າກັນຈົນແຫຼວຂຸ້ນແລ້ວນໍາມາທາບາດ ຈະຊ່ວຍບັນເທົາອາການຄັນ ແກ້ພິດນໍ້າຮ້ອນລວກ ແລະ ຊ່ວຍຮັກສາບາດແຜໄດ້

10. ເປັນຢາລະບາຍແກ້ທ້ອງຜູກ

ຍາງຂອງໝາກຂາມປ້ອມ ແລະ ວິຕາມິນຊີ ມີລິດເປັນຢາລະບາຍ ຊ່ວຍໃຫ້ລະບົບຂັບຖ່າຍຂອງເຮົາດີຂື້ນ ແລະ ແກ້ອາການທ້ອງຜູກໄດ້ ສະນັ້ນ, ໝາກຂາມປ້ອມຈຶ່ງຖືເປັນໝາກໄມ້ຢ່າງໜຶ່ງທີ່ຊ່ວຍແກ້ທ້ອງຜູກໄດ້ດີ ແຖມຍັງມີຄົນນໍາໄປສະກັດເຂົ້າເຄື່ອງຢາເຮັດເປັນຢາລະບາຍໄດ້ນໍາອີກ ແຕ່ແນວໄດກໍ່ຕາມ ຫາກເຮົາກິນໃນປະລິມານຫຼາຍເກີນໄປອາດເຮັດໃຫ້ຖອກທ້ອງແທນໄດ້ ດັ່ງນັ້ນຄວນຄວບຄຸມປະລິມານການກິນໃນແຕ່ລະມື້ນໍາເດີ

11. ແກ້ຖອກທ້ອງ , ທ້ອງບິດ

ອາການຖອກທ້ອງ ຫຼື ທ້ອງບິດ ສາມາດໃຊ້ໝາກຂາມປ້ອມຊ່ວຍໄດ້ງ່າຍໆດ້ວຍ3 ວິທີຄື: ນໍາຮາກໄປຕົ້ມດື່ມ, ນໍາໝາກສົດໄປຕົ້ມປະມານ 10-20 ນາທີແລ້ວດື່ມ ແລະ ວິທີສຸດທ້າຍ ນໍາໃບໄປຕໍາໃຫ້ລະອຽດແລ້ວນໍາມາຊົງດື່ມເທື່ອລະ 1 ບວງຊາ ທຸກ 2-4 ຊົ່ວໂມງ ຫຼື ອາດເຕີມນໍ້າເຜີ້ງລົງໄປໜ້ອຍໜຶ່ງເພື່ອໃຫ້ດື່ມງ່າຍ

12. ບໍາລຸງຜິວ

ວິຕາມິນຊີໃນໝາກຂາມປ້ອມສາມາດບໍາລຸງຜິວພັນ ຊະລໍການເກີດການແຫ່ວຂອງຜິວໜັງ ແລະ ເຮັດໃຫ້ໜ້າຂາວໃສໄດ້ ໂດຍນໍາໝາກຂາມປ້ອມມາຝົນແລ້ວນໍານໍ້າທີ່ໄດ້ໄປທາບໍລິເວນໜ້າ ແລະ ຜິວຂອງເຮົາໄດ້ເລີຍ

13. ບໍາລຸງຮ່າງກາຍແຕ່ຫົວຈົນຮອດຕີນ

ເນື່ອງຈາກໝາກຂາມປ້ອມມີສານອາຫານຫຼາຍຢ່າງ ທີ່ຊ່ວຍບໍາລຸງທັງຜົມ, ສະໝອງ, ດວງຕາ, ຫຼອດລົມ, ປອດ, ຫົວໃຈ. ຕັບ, ໄຕອ່ອນ, ໄຕກະເພາະ, ລໍາໄສ້ ແລະ ຜິວໜັງ , ບໍາລຸງກໍາລັງ, ບໍາລຸງເລືອດ, ຫຼຸດຄວາມດັນເລືອດສູງ ແລະ ປັບປະຈໍາເດືອນໃຫ້ມາປົກກະຕິໄດ້ ຈຶ່ງສາມາດບອກໄດ້ວ່າການກິນໝາກຂາມປ້ອມ ຊ່ວຍບໍາລຸງຮ່າງກາຍເຮົາໄດ້ດີຂື້ນເກືອບທຸກພາກສ່ວນ

14. ຕ້ານມະເຮັງ

ມີການວິໄຈພົບວ່າສານຝາດໃນໝາກຂາມປ້ອມ ກົດແກລິດ ແລະ ສານແທນນິນ ສາມາດຍັບຍັ້ງເຊວມະເຮັງບໍ່ໃຫ້ກໍ່ຕົວໃນຮ່າງກາຍເຮົາໄດ້ ແຖມໝາກຂາມປ້ອມຍັງສາມາດຕ້າອະນຸມູນອິດສະຫຼະໄດ້ດີຫຼາຍ ເພາະອຸດົມໄປດ້ວຍວິຕາມິນຊີ ແລະ ສານແທນນິນທີ່ປະກອບໄປດ້ວຍ emblicanin A, emblicanin B, punigluconin ແລະ peduculagin

ຂໍ້ຄວນລະວັງທີ່ຕ້ອງຮູ້ກ່ອນກິນໝາກຂາມປ້ອມ

ຜູ້ທີ່ມີບັນຫາເລືອດຈາງ, ຜູ້ທີ່ແໜ້ນທ້ອງເລື່ອຍໆ, ຄົນຂີ້ໜາວ ບໍ່ຄວນກິນໝາກຂາມປ້ອມໃນປະລິມານຫຼາຍໆ ເພາະໝາກຂາມປ້ອມເປັນໝາກໄມ້ທີ່ມີລິດເຢັນຫາກກິນຫຼາຍ ອາດເຮັດໃຫ້ຮູ້ສຶກໜາວ ຫຼື ມີອຸນນະພູມຮ່າງການທີ່ຫຼຸດລົງໄດ້ ດັ່ງນັ້ນຜູ້ທີ່ມີອາການຂ້າງຕົ້ນຈຶ່ງຄວນລະມັດລະວັງ ແລະ ຄວບຄຸມປະລິມານການກິນໝາກຂາມປ້ອມໃຫ້ດີ ຫຼື ຫັນໄປກິນໝາກໄມ້ທີ່ມີລິດຮ້ອນ ແຕ່ມີວິຕາມິຊີສູງແບບ ໝາກຍໍາໄຍແທນກໍ່ໄດ້

ປະໂຫຍດຂອງໝາກຂາມປ້ອມສາມາດເວົ້າໄດ້ວ່າເກືອບຄົບເລີຍ ເພາະນອກຈາກຈະແຊບ, ສົ້ມຖືກໃຈ ແລະ ຊ່ວຍແກ້ໄອແລ້ວຍັງສາມາດຮັກສາອາການປ່ວຍຕ່າງໆໄດ້ອີກດ້ວຍ ດັ່ງນັ້ນຢ່າລໍຊ້າ ຮີບໄປຫາມາກິນກັນໄດ້ແລ້ວ.

ຂອບໃຈທີ່ມາຈາກ: health.kapook.com