ນັກທຸລະກິດຮ່ວມ ຊ່ວຍເຫຼືອ 15 ຄອບຄົວທີ່ເຄາະຮ້າຍຈາກໄຟໄໝ້ ທີ່ດອນຕິ້ວ

ໃນວັນທີ 30/1/2018 ທີ່ວິທະຍາຄານຕຳຫລວດເພື່ອປະຊຊົນດອນຕິ້ວ.

ທ່ານ.ປອ.ວິໄລວົງ ບຸດດາຄຳ ກຳມະການສູນກາງພັກ, ກຳມະການຄະນະປະຈຳ, ປະທານກຳມາທິການ ແຜນການ ການເງິນ ແລະການ ກວດສອບສະພາແຫ່ງຊາດ ຮ່ວມນຳພຣະອາຈາຣຍ໌ພົງສະຫວັນ ອານຸສິນ ຄະນະບໍລິຫານງານສູນກາງ ອພສ,ຄະນະກຳມາທິການສາທາລະນູປະການ, ຫົວຫນ້າຫນ່ວຍງານສັງຄົມສົງເຄາະ,ປະທານມູນນິທິຊ່ວຍເຫຼືອຄົນທຸກຍາກສາຂານະຕອນຫຼວງວຽງຈັນ ໄດ້ນຳພານັກທຸລະກິດຜູ້ໃຈບຸນຫລາຍພາກສ່ວນພ້ອມທັງພັນລະຍາການນຳຂອງນາຍຕຳຫຼວດນຳເອົາເຄື່ອງບັນເທົາທຸກມູນຄ່າ 58 ລ້ານກ່ວາກີບໄປມອບເປັນຂວັນກຳລັງໃຈໃຫ້ຄູອາຈານຈຳນວນ 15 ຄອບຄົວທີ່ໄດ້ຮັບຜົນກະທົບຈາກອັກຄີໄຟໄຫມ້ຜ່ານມານັ້ນ.

ເປັນກຽດຮັບເຄື່ອງບັນເທົາທຸກຄັ້ງນີ້ແມ່ນທ່ານ ພົຈ ບຸນຊູ ນາມມະຈັກ ຜູ້ອຳນວຍການໃຫຍ່ພ້ອມຄະນະບໍລິຫານ ແລະຄູອາຈານທັງ 15 ຄອບຄົວທີ່ໄດ້ຮັບຜົນກະທົບໃນຄັ້ງນີ້.