ພັດທະຄານຊ້າງເຜືອກຮ່ວມກັບສິດເກົ່າວຽງໄຊ 94-95 ມອບເຄື່ອງ ແລະ ເງິນມູນຄ່າ 60 ລ້ານກວ່າກີບໃຫ້ຜູ້ປະສົບໄພຢູ່ອັດຕະປື

0
199

ຂປລ.ວັນທີ 2 ສິງຫາ 2018 ສິດເກົ່າໂຮງຮຽນກອງທັບວຽງໄຊ 94-95 ຮ່ວມພັດທະຄານຊ້າງເຜືອກຈາກສູນກາງໄດ້ນໍາເອົາເຄື່ອງຊ່ວຍພ້ອມເງິນມູນຄ່າ 60 ລ້ານກີບໃຫ້ຜູ້ປະສົບໄພນໍ້າຖ້ວມໃນເມືອງສະຫນາມໄຊ ແຂວງອັດຕະປື ໃນນັ້ນ ພັດທະຄານຊ້າງເຜືອກ 40 ກວ່າລ້ານ, ສິດເກົ່າໂຮງຮຽນກອງທັບວຽງໄຊ 10 ກວ່າລ້ານ ແລະ ຍາດພີ່ນ້ອງຈາກປະເທດຊູ ແອດ(ສະວີເດນ).

ທ່ານ ເພັດສອນໄຊ ພົມມະນີ ຜູ້ບໍລິຫານພັດທະນາຄານຊ້າງເຜືອກໄດ້ບອກວ່າເຄື່ອງອຸປະໂພກ-ບໍລິໂພກ ລວມທັງເງິນມູນຄ່າ 40 ກວ່າກີບໄດ້ນໍາເອົາມາມອບໃຫ້ປະຊາຊົນບ້ານທ່າແສງຈັນ,ບ້ານຫີນລາດ ແລະ ທ່າຫີນໃຕ້ໂດຍກົງສໍາລັບຜູ້ໄດ້ຮັບຜົນກະທົບນໍ້າຖ້ວມຈາກສັນເຂື່ອນໄຟຟ້າເຊນໍ້ານ້ອຍ-ເຊປຽນ ເຊິ່ງການມອບຄັ້ງເພື່ອແບ່ງເບົາຄວາມທຸກໂສກ ແລະ ຊ່ວຍເຫລືອມະນຸດດ້ວຍກັນໃນເງື່ອນໄຂຫຍຸ້ງຍາກ ໃນຕໍ່ຍັງສືບຕໍ່ນໍາເອົາວັດສະດຸກໍ່ສ້າງມາມອບໃຫ້ຕື່ມໂດຍສັງກະສີ ຊີມັງ ແລະ ອື່ນໆ.

ພ້ອມດຽວກັນນີ້ ບັນດາອ້າຍນ້ອງສິດເກົ່າໂຮງຮຽນກອງທັບວຽງໄຊ ແລະ ຍາດພີ່ນ້ອງຈາກປະເທດສະວີເດນກໍຍັງນໍາເອົາເຄື່ອງນຸ່ງຫົ່ທ,ອາຫານ ແລະ ເງິນສົດຈໍານວນ 10 ລ້ານກວ່າກີບມອບໃຫ້ປະຊາຊົນທີ່ໄດ້ຮັບຜົນກະທົບເຊັ່ນກັນ ເຊິ່ງເຄື່ອງຊ່ວຍເຫລືອຄັ້ງນີ້ແມ່ນໄດ້ຈາກການລະດົມນໍາອ້າຍນ້ອງຂອງດີດສິດເກົ່າວຽງໄຊ 94-95 ທົ່ວປະເທດ.