ພະແນກການເງິນແຂວງເຊກອງ ບໍລິຈາກເງິນ 6 ລ້ານກວ່າກີບເພື່ອຊ່ວຍເຫຼືອປະຊາຊົນຜູ້ປະສົບໄພນໍ້າຖ້ວມ

ເຊກອງ: ຕອນເຊົ້າວັນທີ 3 ສິງຫາ 2018 ພະແນກການເງິນແຂວງ ເຊກອງ ໄດ້ນໍາເອົາເງິນສົດ ຈໍານວນ 6,190,000 ກີບ ໄປມອບໃຫ້ຄະນະກໍາມະການຕ້ານໄພພິບັດຂັ້ນແຂວງ ຢູ່ທີ່ສະໂມສອນໃຫຍ່ຫ້ອງວ່າການປົກຄອງແຂວງ ໃຫ້ກຽດຕາງໜ້າມອບໂດຍທ່ານ ວົງມະນີ ແກ້ວນະຄອນ ຮອງຫົວໜ້າພະແນກການເງິນແຂວງ, ກ່າວຮັບໂດຍທ່ານ ຈັນໄທ ຄໍາມະນີວົງ ຄະນະກໍາມະການຕ້ານໄພພິບັດຂັ້ນແຂວງ ໂດຍມີຄະນະທັງສອງຝ່າຍຮ່ວມເປັນສັກຂີພິຍານ.

ສໍາລັບເງິນທີ່ນໍາໄປມອບໃນຄັ້ງນີ້ສ່ວນໜຶ່ງແມ່ນເປັນເງິນຂອງພະແນກການເງິນ, ສ່ວຍສາອາກອນ, ຄັງເງິນແຫ່ງຊາດປະຈໍາແຂວງ, ຫ້ອງກວດກາພາສີປະຈໍາແຂວງ ປະກອບສ່ວນ ແລະອີກສ່ວນໜຶ່ງແມ່ນເງິນທີ່ລະດົມໄດ້ຈາກບັນດາພະ

ນັກງານ-ລັດຖະກອນພາຍໃນພະແນກດັ່ງກ່າວ. ທັງນີ້, ກໍເພື່ອເປັນການປະກອບສ່ວນບັນເທົາທຸກແກ່ປະຊາຊົນຜູ້ໄດ້ຮັບເຄາະຮ້າຍຈາກໄພພິບັດນ້ຳຖ້ວມຢູ່ເມືອງ ກະລຶມ ແຂວງເຊກອງ; ຂະນະທີ່ຕອນບ່າຍຂອງມື້ວານ ຍັງມີບັນດາພະແນກ

ການຕ່າງໆໄດ້ທະຍອຍກັນໄປຮ່ວມບໍລິຈາກເຄື່ອງອຸປະໂພກ-ບໍລິໂພກ ໃຫ້ກັບເມືອງດັ່ງກ່າວ ເປັນຕົ້ນແມ່ນພາກສ່ວນລັດວິສາຫະກິດນໍ້າປະປາແຂວງ ມອບເງິນສົດ ຈໍານວນ 1,820,000 ກີບ ແລະສານປະຊາຊົນແຂວງເຊກອງກໍໄດ້ມອບເຄື່ອງຊ່ວຍເຫຼືອປະເພດ ເກືອ,ແປ້ງນົວ,ປາປ໋ອງ ແລະອື່ນໆອີກລວມມູນຄ່າ710,000 ກີບ.

ໂອກາດດັ່ງກ່າວ, ທ່ານ ຈັນໄທ ຄໍາມະນີວົງ ກໍໄດ້ກ່າວຍ້ອງຍໍ ແລະແດງຄວາມຂອບໃຈຕໍ່ບັນດາທ່ານທີ່ມີນໍ້າໃຈມາຮ່ວມບໍລິຈາກ ເຊິ່ງຍາມໃດທຸກໆທ່ານກໍມີຄວາມຄວາມເປັນຫ່ວງເປັນໄຍຕໍ່ປະຊາຊົນບັນດາເຜົ່າຜູ້ທີ່ປະສົບເຄາະຮ້າຍໃນຄັ້ງນີ້ ພວກເຮົາສັນຍາວ່າຈະນໍາເອົາເຄື່ອງດັ່ງກ່າວໄປມອບຕໍ່ໃຫ້ກັບພໍ່ແມ່ປະຊາຊົນຢ່າງຖົ່ວເຖິງ.

ຂ່າວ-ພາບ : ນາລີວັນ