ຄະນະສົງວັດນາໄຊ ລະດົມສັດທາໄດ້ເຂົ້າ 50 ໂຕ່ນ ຊ່ວຍ ຄຳມ່ວນ

ຄະນະສົງວັດນາໄຊ ນຳໂດຍ: ພຣະອາຈານ ພຸດທະສອນ ອ່ອນວົງສາ ພ້ອມດ້ວຍຄະນະສັດທາທຸກພາກສ່ວນໄດ້ສະຫຼະສັບສົມບັດຄັ້ງຍິ່ງໃຫຍ່! ໂດຍການລະດົມສັດທາຮວມກັນສ້າງພະລັງແຫ່ງຄວາມສາມັກຄີ ເຕົ້າໂຮມເຂົ້າສານເປັນຈຳນວນມະຫາສານ!!! ເຊີ່ງລວມເປັນມູນຄ່າຫຼາຍຮ້ອຍລ້ານກີບ!

ຈຸດປະສົງໃນຄັ້ງນີ້ແມ່ນເພື່ອນຳໄປບໍລິຈາກທີ່ແຂວງຄຳມ່ວນທີ່ກຳລັງປະເຊີນກັບໄພພິບັດທາງທຳມະຊາດ (ນ້ຳຖ້ວມ) ດັ່ງນັ້ນທາງຄະນະທີມງານ ພຣະອາຈານ ຈຶ່ງໄດ້ເລັ່ງລົງມືລະດົມສັດທາທັງພາຍໃນ ແລະ ຕ່າງປະເທດ ພາຍໃນ2-3ມື້!!! ໄດ້ເຂົ້າສານທັງໝົດ 50 ໂຕນ!!! ເພື່ອຈະໄດ້ນຳໄປຮ່ວມບໍລິຈາກໃຫ້ພໍ່ແມ່ພີ່ນ້ອງທີ່ແຂວງຄຳມ່ວນ.

ເຫັນແລ້ວກໍ່ດີໃຈນຳ ພຣະອາຈານທີ່ປະກອບສ່ວນຊ່ວຍເຫຼື່ອບັນເທົາທຸກແດ່ພໍ່ແມ່ປະຊາຊົນໃນເວລານີ້…ຖືວ່າ ມີນ້ຳໃຈອັນປະເສີດຍິ່ງລົ້ນ. ຂໍສະແດງຄວາມຮູ້ບຸນຄຸນຢ່າງຍິ່ງທີ່ ພຣະອາຈານໄດ້ເມຕຕານິມົນມາຮ່ວມງານໃນຄັ້ງນີ້ດ້ວຍ.