ລົດ 10 ລໍ້ຕຳກັບລົດຈັກ ບາດເຈັບ 1 ລາຍ ບໍ່ໄດ້ສະຕິ ທາງບ້ານວຽງຈະເລີນ

0
236

ນະຄອນຫຼວງວຽງຈັນ: ວັນທີ 06/08/2018 ເວລາ 20:15 ໄດ້ຮັບແຈ້ງເຫດຈາກປະຊາຊົນເຂົ້າເບີສຸກເສີນ1623 ວ່າມີລົດ10ລໍ້ຕຳກັບລົດຈັກ ຈຸດເກີດເຫດແມ່ນຢູ່ ບ້ານ ວຽງຈະເລີນ ເມືອງ ໄຊເສດຖາ ນະຄອນຫຼວງວຽງຈັນ

ໜ່ວຍກູ້ໄພໄດ້ອອກກວດສອບເຫດ ພໍໄປຮອດຈຸດເກີດເຫດພົບເຫັນຜູ້ບາດເຈັບ 1 ຄົນ ບໍ່ມີສະຕິ ເປັນເພດຍິງອາຍຸປະມານ 22-25ປີ ບໍ່ຮູ້ຂໍ້ມູນ(ບໍ່ມີເອກະສານຕິດຕົວ)ອາການເບື້ອງຕົ້ນແມ່ນ ກະທົບຫົວ,ເລືອດອອກຫູ,ຕາບວມ ແລະ ມີບາດແຜຕາມຕົນໂຕ

ດັ່ງນັ້ນໜ່ວຍກູ້ໄພມູນນິທິຊ່ວຍເຫຼືອຄົນທຸກຍາກແຫ່ງ ສປປລາວ ຈຶ່ງໄດ້ປະຖົມພະຍາບານຂັ້ນຕົ້ນແລ້ວ ນຳສົ່ງໂຮໝໍ ມິດຕະພາບ 150 ຕຽງ

ບາດເຈັບ ອຸບັດຕິເຫດ ສຸກເສີນ ໂທ 1623 ຕະຫຼອດ 24 ຊົ່ວໂມງ.

ຈຸດດົງໂດກ