ທ່ານ ສົມສະຫວາດ ເລັ່ງສະຫວັດ ມອບເຄື່ອງ ຊ່ວຍເຫຼືອຜູ້ປະສົບໄພນໍ້າຖ້ວມ ຢູ່ສອງແຂວງພາກກາງ

ໃນລະຫວ່າງວັນທີ 2-3ສິງຫາຜ່ານມາ, ທ່ານ ສົມສະ ຫວາດ ເລັ່ງສະຫວັດ ອະດີດ ຮອງນາລັດຖະມົນຕີ ພ້ອມ ດ້ວຍທ່ານ ຄຳໃບ ດຳລັດ ຮອງ ປະທານສູນກາງແນວລາວ ສ້າງຊາດ (ສນຊ) ໄດ້ຕິດ ຕາມ ແລະ ມອບເຄື່ອງຊ່ວຍເຫຼືອໃຫ້ ຜູ້ປະສົບໄພນໍ້າຖ້ວມຢູ່ແຂວງ ບໍລິຄຳໄຊ ແລະ ແຂວງຄຳ ມ່ວນ.

ສຳລັບແຂວງບໍລິຄຳໄຊ ຄະນະກຳມະການຮັບຜິດຊອບ ໄພພິບັດ ໄດ້ລາຍງານໃຫ້ຮູ້ ວ່າ: ຜົນກະທົບໄພນ້ຳຖ້ວມໃນ ຄັ້ງນີ້, ມີ 6 ເມືອງ, ມີ 56 ບ້ານ ຈຳນວນຄອບຄົວທີ່ຖືກຜົນກະ ທົບ 2.988 ຄອບຄົວຄື: ເມືອງ ປາກຊັນມີ 2 ບ້ານ ລວມມີ 58 ຄອບຄົວ, ເມືອງວຽງທອງມີ 4 ບ້ານ, ມີ 110 ຄອບຄົວ, ເມືອງທ່າພະບາດ ມີຈຳນວນ 12 ບ້ານ, ມີ 223 ຄອບຄົວ, ເມືອງປາກກະດິງ ມີ 10 ບ້ານ ມີ 486 ຄອບຄົວ, ເມືອງບໍລິ ຄັນ ມີຈຳນວນ 7 ບ້ານ, ລວມມີ 429 ຄອບຄົວ ແລະ ເມືອງຄຳ ເກີດ ມີຈຳນວນ 21 ບ້ານ ລວມມີ 1.680 ຄອບຄົວ. ໃນໂອກາດນີ້, ໄດ້ມອບ ເຄື່ອງອຸປະໂພກ ແລະ ບໍລິໂພກ ຈຳນວນໜຶ່ງໃຫ້ແກ່ແຂວງບໍລິ ຄຳໄຊ ລວມມູນຄ່າ 43 ລ້ານ ກີບ ເພື່ອນຳໄປບັນເທົາທຸກໃຫ້ ປະຊາຊົນຜູ້ທີ່ຖືກໄພນ້ຳຖ້ວມ ຢູ່ບັນດາເມືອງດັ່ງກ່າວ.

 ຫຼັງຈາກ ນັ້ນ, ຄະນະກໍໄດ້ສືບຕໍ່ຢ້ຽມຢາມ ແລະ ມອບເຄື່ອງຊ່ວຍເຫຼືອໃຫ້ ບັນດາເມືອງທີ່ຖືກຜົນກະ ທົບຈາກໄພນ້ຳຖ້ວມຢູ່ແຂວງ ຄຳມ່ວນ, ຊຶ່ງແຂວງຄຳມ່ວນ ມີເມືອງໜອງບົກ, ເຊບັ້ງໄຟ, ມະຫາໄຊ, ຍົມມະລາດ, ໄຊ ບົວທອງ ແລະ ເມືອງບົວລະ ພາ, ຄະນະກໍໄດ້ນຳເອົາເຄື່ອງ ຊ່ວຍເຫຼືອທີ່ສູນກາງແນວລາວ ສ້າງຊາດ ລະດົມຈາກປວງຊົນ ນຳໄປມອບໃຫ້ແຕ່ລະເມືອງ ທີ່ຖືກຜົນກະທົບຈາກໄພນ້ຳ ຖ້ວມໃນເທື່ອນີ້, ລວມມູນຄ່າ ທັງໝົດທີ່ຊ່ວຍເຫຼືອຢູ່ 2 ແຂວງ ດັ່ງກ່າວ ມີ 2 ຕື້ກວ່າກີບ. ຕະຫຼອດການຕິດຕາມ 2 ແຂວງດັ່ງກ່າວ ທ່ານ ສົມສະ ຫວາດ ເລັ່ງສະຫວັດ ໄດ້ເນັ້ນ ໃຫ້ຄະນະພັກແຕ່ລະຂັ້ນ ຈົ່ງ ເພີ່ມທະວີຄວາມຮັບຜິດຊອບ ສູງໃນການແກ້ໄຂສະຖານະ ການໄພນ້ຳຖ້ວມໃນຄັ້ງນີ້, ກ່ອນອື່ນຕ້ອງຕິດຕາມສະພາບ ການນ້ຳຂຶ້ນ, ນ້ຳລົງ ເພື່ອລາຍ ງານຂ່າວປະຈຳວັນໃຫ້ແກ່ປະ ຊາຊົນຜູ້ທີ່ຖືກໄພນ້ຳຖ້ວມໄດ້ ຮັບຂໍ້ມູນຂ່າວສານເປັນປະຈຳ, ຕ້ອງວາງແຜນການແຕ່ເບື້ອງ ຕົ້ນໃນການແກ້ໄຂຟື້ນຟູຊີວິດ ການເປັນຢູ່ຂອງປະຊາຊົນ.

ຂ່າວ: ສນຊ ຈື້ໄຊ