ພົບເດັກຕໍ່າກວ່າ 5 ປີຈຳນວນຫຼາຍ ທີ່ຂາດສານອາຫານຊຳເຮື້ອ

0
342

ອີງ​ຕາມ​ການ​ສຳ​ຫຼວດ​ດັດ­ຊະ­ນີ​ໝາຍ​ສັງ­ຄົມ​ລາວ​ປີ 2017 ໄດ້​ຊີ້​ໃຫ້​ເຫັນ​ເຖິງ​ຂັ້ນ​ຕອນ​ສຳ­ຄັນ​ໃນ​ການ­ຈັດ­ຕັ້ງ​ປະ­ຕິ­ບັດ​ກ່ຽວ​ກັບ​ການ​ສົ່ງ­ເສີມ​ການ​ລ້ຽງ​ດູ​ເດັກ ແລະ ສົ່ງ­ເສີມ​ການ​ປະ­ຕິ­ບັດ​ສຸ​ຂະ​ອະ­ນາ­ໄມ ຮັບ­ປະ­ກັນ​ເດັກ​ຕໍ່າກວ່າ 5 ປີ​ໄດ້​ຮັບ​ການ​ບໍ­ລິ­ການ​ທີ່​ຈຳ­ເປັນ ໂດຍ​ເອົາ­ໃຈ­ໃສ່​ເສີມ​ຂະ­ຫຍາຍ​ວຽກ​ຕົວ​ແບບ​ຢູ່​ໃນ​ຂັ້ນ​ຊຸມ​ຊົນ ເປັນ­ຕົ້ນ ໄດ້​ສຸມ​ໃສ່​ໃຫ້​ເດັກ​ດັ່ງ­ກ່າວ​ໄດ້​ຮັບ​ຢາ​ຂ້າ​ແມ່​ທ້ອງ ແລະ ວິ­ຕາ­ມິນ​ອາ ແມ່­ຍິງ​ຖື­ພາ ແລະ ຫຼັງ​ເກີດ​ໄດ້​ຮັບ​ຢາ​ເສີມ​ທາດ​ເຫຼັກ-ອາ​ຊິດ​ໂຟ​ລິກ ສົ່ງ­ເສີມ​ການ​ໃຊ້​ເກືອ​ໄອ​ໂອ​ດິນ​ຢ່າງ​ກວ້າງ­ຂວາງ ຮັບ­ປະ­ກັນ​ໃຫ້​ຄະ­ນະ​ກຳ­ມະ­ການ​ປະ­ສານ​ງານ​ໂພ­ຊະ​ນາ​ການ​ຈາກ​ຫຼາຍ​ຂະ­ແໜງ ຂັ້ນ​ແຂວງ-ເມືອງ ໄດ້​ວາງ​ແຜນ­ການ​ຕິດ­ຕາມ​ຊຸກ­ຍູ້ ແລະ ທົບ​ທວນ­ຄືນ​ການ­ຈັດ­ຕັ້ງ​ປະ­ຕິ­ບັດ​ຮ່ວມ​ມື​ກັນ​ຮັບ­ປະ­ກັນ​ວ່າ​ຊຸມ​ຊົນ​ຕ່າງໆ​ໄດ້​ຮັບ​ການ​ປຸກ­ລະ­ດົມ​ຈັດ​ຕັ້ງ ແລະ ຮັບ​ຮູ້​ການ​ບໍ­ລິ­ການ​ໂພ­ຊະ​ນາ ການ​ທີ່​ສະ­ໜອງ​ໃຫ້​ຕາມ​ຕາ­ຕະ­ລາງ ແລະ ການ​ບໍ​ລິ​ການ­ເຄື່ອນ­ໄຫວ​ເພື່ອ​ສຸ­ຂະ­ພາບ​ແມ່ ແລະ ເດັກ​ແບບ​ເສື່ອມ​ສານ​ໄດ້​ຢ່າງ​ເຕັມ​ຮູບ​ແບບ.

ຕາມ​ການ​ສຳ​ຫຼວດ​ດັ່ງ­ກ່າວ ​ພົບ​ວ່າ​ຢູ່​ປະ­ເທດ​ເຮົາ​ເດັກ​ອາ­ຍຸ​ຕ່ຳ​ກວ່າ 5 ປີ ປະ­ມານ 44% ຍັງ​ຂາດ​ອາ­ຫານ​ຊຳ​ເຮື້ອ (ເຕ້ຍ) ເດັກ​ອາ­ຍຸ​ຕໍ່າ​ກວ່າ 6 ເດືອນ​ມີ​ພຽງ 40% ລ້ຽງ​ດ້ວຍ​ນົມ​ແມ່​ຢ່າງ​ດຽວ 5% ແລະ ໄດ້​ຮັບ​ອາ­ຫານ​ການ​ກິນ​ຢ່າງ​ຖືກ­ຕ້ອງ​ໃນ​ຂັ້ນ​ພື້ນ­ຖານ

ຂ່າວ: ນສພ ວຽງຈັນໃຫ່ມ