ຕີລາຄາຜົນການຈັດຕັ້ງປະຕິບັດແກ້ໄຂໄພພິບັດ ປະທານກອງປະຊຸມເນັ້ນ 10 ວຽກ ໃນຕໍ່ໜ້າ

0
298

ກອງປະຊຸມຄັ້ງທີ 3 ຂອງ ຄະນະກຳມະການສະເພາະ ກິດແກ້ໄຂໄພພິບັດລະດັບ ຊາດໄດ້ຈັດຂຶ້ນເມື່ອຕອນເຊົ້າ ຂອງວັນທີ 8 ສິງຫາ ນີ້ ທີ່ຫ້ອງ ປະຊຸມຂອງສຳນັກງານນາຍົກ ລັດຖະມົນຕີ ພາຍໃຕ້ການເປັນ ປະທານຂອງທ່ານ ສອນໄຊ ສີພັນດອນ ຮອງນາຍົກລັດຖະ ມົນຕີ ປະທານຄະນະກຳມະ ການແກ້ໄຂໄພພິບັດລະດັບ ຊາດ ໂດຍມີບັນດາຄະນະຊີ້ ນຳລວມ ແລະ ຄະນະໜ່ວຍ ງານປະສານງານຂອງຄະນະ ກຳມະການດັ່ງກ່າວ ເຂົ້າຮ່ວມ.

ໃນກອງປະຊຸມທ່ານ ສອນໄຊ ສີພັນດອນ ໃນນາມ ປະທານກອງປະຊຸມໄດ້ສັງ ເກດຕີລາຄາຄືນຜົນການຈັດ ຕັ້ງປະຕິບັດວຽກງານຂອງຄະ ນະກຳມະການສະເພາະກິດ ແກ້ໄຂໄພພິບັດລະດັບຊາດ ຊຶ່ງມີພາລະບົດບາດໜ້າທີ່ ເປັນໃຈກາງໃນການປະສານ ສົມທົບກັບທຸກພາກສ່ວນທີ່ ກ່ຽວຂ້ອງທັງພາຍໃນ ແລະ ຕ່າງ ປະເທດ ໃນການປະຕິບັດວຽກ ສະເພາະກິດແກ້ໄຂໄພພິບັດ ລະດັບຊາດ ໂດຍເລີ່ມຈາກ ການວາງແຜນຕອບໂຕ້, ຄວບ ຄຸມ, ຊ່ວຍເຫຼືອປະຊາຊົນທີ່ໄດ້ ຮັບຜົນກະທົບຈາກໄພພິບັດ ໃນຂອບເຂດທົ່ວປະເທດ ໃຫ້ ທົ່ວເຖິງ ແລະ ຟື້ນຟູຊີວິດການ ເປັນຢູ່ຂອງເຂົາເຈົ້າໃຫ້ເຂົ້າສູ່ ຄວາມເປັນປົກກະຕິຜ່ານການ ຈັດຕັ້ງປະຕິບັດວຽກງານເຫັນ ວ່າເຖິງຈະພົບກັບຄວາມຫຍຸ້ງ ຍາກ ອຸປະສັກນາໆປະການ ແຕ່ໂດຍລວມແມ່ນມີຜົນສຳ ເລັດໃນຂັ້ນຕົ້ນ. ເວົ້າສະເພາະ ມາຮອດວັນທີ 7 ສິງຫາ ຜ່ານ ມາ ທີ່ເມືອງສະໜາມໄຊ ແຂວງ ອັດຕະປື ໄດ້ຄົ້ນຫາຜູ້ສູນຫາຍ ໄດ້ຕື່ມອີກ 1 ສົບ ລວມເປັນ 32 ສົບ ຈາກຜູ້ສູນຫາຍຕາມ ການບອກເລົ່າຂອງຄອບຄົວຜູ້ ໄດ້ຮັບຜົນກະທົບໄພນ້ຳຖ້ວມ ເບື້ອງຕົ້ນຈຳນວນ 131 ຄົນ ມາຮອດປັດຈຸບັນ ຍັງເຫຼືອ 99 ຄົນ. ໃນກອງປະຊຸມຜູ້ເຂົ້າຮ່ວມ ຍັງໄດ້ພ້ອມກັນຕີລາຄາຜົນ ການຊ່ວຍເຫຼືອຜູ້ປະສົບໄພພິ ບັດ ໃນໄລຍະເລີ່ມເກີດເຫດ ຈົນມາຮອດປັດຈຸບັນ ເພື່ອຕີລາ ຄາດ້ານດີທີ່ຈະຕ້ອງໄດ້ສືບຕໍ່ ເສີມຂະຫຍາຍ ແລະ ດ້ານຄົງ ຄ້າງຕ້ອງໄດ້ຖອດຖອນບົດ ຮຽນ ຕອນທ້າຍຂອງກອງປະ ຊຸມ ທ່ານ ສອນໄຊ ສີພັນດອນ ໄດ້ເນັ້ນໃຫ້ຄະນະກຳມະການ ສະເພາະກິດແກ້ໄຂໄພພິບັດ ລະກັບຊາດ ກໍຄືທຸກພາກສ່ວນ ທີ່ກ່ຽວຂ້ອງໃຫ້ເອົາໃຈໃສ່ 10 ວຽກສຳຄັນໃນຕໍ່ໜ້າຄື:

1. ກະກຽມຄວາມພ້ອມສ້າງ ຄະນະປະເມີນຜົນເສຍຫາຍ ແລະ ຜົນກະທົບຂອງໄພພິບັດ ໃນຄັ້ງນີ້ ໂດຍມອບໃຫ້ການນຳ ກະຊວງແຜນການ ແລະ ການ ລົງທຶນເປັນປະທານຄະນະດັ່ງ ກ່າວ.

2. ກະກຽມສຳຫຼວດ ແລະ ເກັບກູ້ລະເບີດໃນພື້ນທີ່ ມີລະເບີດຕົກຄ້າງເພື່ອຄວາມ ປອດໄພໃນການບຸກເບີກເນື້ອ ທີ່ປຸກສ້າງຫຼືທຳການຜະລິດ.

3. ເກັບກຳຂໍ້ມູນຫຼັກຖານ ຕ່າງໆໃຫ້ໄປຕາມວຽກຂອງຂະ ແໜງການທີ່ກ່ຽວຂ້ອງ.

4. ເຫັນ ດີໃຫ້ໃບຍ້ອງຍໍ, ໃບກຽດຕິຄຸນ ຫຼື ໃບຊົມເຊີຍໃຫ້ແກ່ຜູ້ມີຜົນ ງານໃນການບໍລິຈາກວັດຖຸສິ່ງ ຂອງ ແລະ ເງິນຊ່ວຍເຫຼືອຜູ້ປະ ສົບໄພພິບັດໃຫ້ທັນການ.

5. ສືບຕໍ່ສ້າງສະຖານທີ່ພັກເຊົາ ໃຫ້ປະຊາຊົນທີ່ປະສົບໄພທີ່ ອົບພະຍົບມາເຕົ້າໂຮມທີ່ສູນ ຕ່າງໆ ນັ້ນໃຫ້ໄວ ແລະ ພຽງພໍ ກັບຄວາມຕ້ອງການທີ່ຈຳເປັນ ໃນເບື້ອງຕົ້ນ ແລະ ກ້າວສູ່ ຄວາມສະຫງົບ ແລະ ເປັນລະ ບຽບຮຽບຮ້ອຍ. ນອກນັ້ນ, ສືບ ຕໍ່ເບິ່ງແຍງປະຊາຊົນຜູ້ທີ່ປະ ສົບໄພພິບັດໃຫ້ມີອາຫານການ ກິນນ້ຳດື່ມ, ນ້ຳໃຊ້ພຽງພໍ, ດູແລ ສຸຂະພາບ, ປ້ອງກັນບໍ່ໃຫ້ເກີດ ພະຍາດລະບາດ, ປົວແປງທາງ ດ້ານຈິດໃຈ ແລະ ສືບຕໍ່ຊ່ວຍ ສົງເຄາະ ແລະ ເຮັດວຽກງານ ສະຫວັດດີການອື່ນໆ.

6. ເຫັນດີປະຕິບັດຕາມຜົນກອງ ປະຊຸມລັດຖະບານສະໄໝວິ ສາມັນຄັ້ງວັນທີ 7 ສິງຫາ ຜ່ານ ມາ ໃນການແຕ່ງຕັ້ງຄະນະຮັບ ຜິດຊອບກວດກາຄືນທາງດ້ານ ເຕັກນິກ ແລະ ຄຸນນະພາບ ໃນ ການກໍ່ສ້າງ ແລະ ພັດທະນາ ເຂື່ອນຕ່າງໆທີ່ກຳລັງກໍ່ສ້າງ ແລະ ກໍ່ສ້າງສຳເລັດແລ້ວ ໃນ ທົ່ວປະເທດຂອງພວກເຮົາ ໂດຍມອບໃຫ້ບັນດາກະຊວງ ທີ່ກ່ຽວຂ້ອງສົມທົບກັນ ຈັດຕັ້ງ ປະຕິບັດ ແລະ ມີຊ່ຽວຊານ ຈາກສາກົນເຂົ້າຮ່ວມ.

7. ແຕ່ງຕັ້ງຄະນະຄຸ້ມຄອງເຄື່ອງ ຊ່ວຍເຫຼືອດ້ານອຸປະໂພກ, ບໍລິ ໂພກໃຫ້ດີ ດ້ວຍການຈັດແຈງ, ຈັດສົ່ງ ແລະ ການແຈກຢາຍ ເຄື່ອງຊ່ວຍເຫຼືອໃຫ້ທົ່ວເຖິງ.

8. ຄຸ້ມຄອງງົບປະມານ, ລາຍຮັບ-ລາຍຈ່າຍໃຫ້ລະ ອຽດ. ໃນນັ້ນ, ຄຸ້ມຄອງເງິນ ຊ່ວຍເຫຼືອ ແລະ ນຳໃຊ້ຢ່າງ ຮັດກຸມ, ໂປ່ງໃສ ແລະ ສາ ມາດກວດກາໄດ້.

9. ສືບຕໍ່ ຊອກຄົ້ນຫາຜູ້ສູນຫາຍທີ່ອາດ ຈະຍັງມີຊີວິດຢູ່ ແລະ ນຳເອົາ ມາທີ່ບ່ອນປອດໄພ. ພ້ອມດຽວ ກັນນັ້ນ, ໃຫ້ສືບຕໍ່ຄົ້ນຫາຜູ້ທີ່ ເສຍຊີວິດໃຫ້ພົບເຫັນ ແລະ ເກັບກູ້ສົບມາໃຫ້ໄດ້ ແລະ

10. ສ້າງຂອດປະສານງານແຕ່ລະ ຂັ້ນໃຫ້ຄ່ອງຕົວນັບແຕ່ຂອດ ປະ ສານງານຢູ່ສູນກາງ, ແຂວງ ແລະ ເມືອງແມ່ນໃຫ້ສາມາດ ຕິດຕໍ່ປະສານງານກັນໃຫ້ໄດ້ ສະດວກສະບາຍ. ໃນນັ້ນ, ແມ່ນ ເອົາກອງບັນຊາການພາກສະ ໜາມທີ່ເມືອງສະໜາມໄຊ ເປັນຈຸດໃຈກາງ. ໃນກອງປະ ຊຸມນອກຈາກຕີລາຄາສະພາບ ການຈັດຕັ້ງປະຕິບັດແກ້ໄຂ ໄພພິບັດຢູ່ແຂວງອັດຕະປື ແລ້ວ, ກອງປະຊຸມຍັງໄດ້ຕີລາ ຄາສະພາບການແກ້ໄຂໄພພິ ບັດຢູ່ບັນດາແຂວງຕ່າງໆຂອງ ປະເທດເຮົາຕື່ມອີກທີ່ໄດ້້ຮັບ ຜົນກະທົບຈາກໄພນໍ້າຖ້ວມ ຄັ້ງນີ້.