ເຈົ້າໜ້າທີ່ອາວຸໂສ ກະກຽມເນື້ອໃນ ກອງປະຊຸມ ຄັ້ງທີ 40 ຂອງລັດຖະບານ ລາວ-ຫວຽດນາມ

0
128

ຂປລ: ກອງປະຊຸມເຈົ້າໜ້າທີ່ອາວຸໂສ ເພື່ອກະກຽມເນື້ອໃນໃຫ້ແກ່ກອງປະຊຸມ ຄັ້ງທີ 40 ຄະນະ ກຳມະການຮ່ວມມືທະວິພາຄີ ລະຫວ່າງ ສອງລັດຖະບານ ແຫ່ງ ສປປ ລາວ ແລະ ລັດຖະບານແຫ່ງ ສສ ຫວຽດນາມ ປະຈຳປີ 2018 ໄດ້ຈັດຂຶ້ນໃນວັນທີ 3 ກຸມພາ 2018 ທີ່ກະຊວງແຜນການ ແລະ ການລົງ ທຶນ, ເຂົ້າຮ່ວມກອງປະຊຸມຄັ້ງນີ້ມີ ຄະນະວິຊາການຝ່າຍລາວ ນຳໂດຍ ທ່ານ ຄຳເຜີຍ ແກ້ວກິນນາລີ ຮອງປະທານຜູ້ປະຈຳການ ຄະນະກຳມະການຮ່ວມມື ລາວ-ຫວຽດນາມ, ຝ່ານຫວຽດນາມ ນຳໂດຍ ຫງວຽນ ເຖ ເຟືອງ ຮອງລັດຖະມົນຕີກະຊວງແຜນານ ແລະ ການລົງທຶນ, ຮອງປະທານຄະນະກຳມາທິ ການຮ່ວມມື ຫວຽດນາມ-ລາວ.

ໃນກອງປະຊຸມ ສອງຝ່າຍໄດ້ຮ່ວມກັນຕີລາຄາຜົນຂອງການຈັດຕັ້ງປະຕິບັດ ບົດບັນທຶກກອງປະຊຸມ ຄັ້ງທີ 39 ກໍຄື ຂໍ້ຕົກລົງວ່າດ້ວຍແຜນການຮ່ວມມືປະຈຳປີ 2017 ແລະ ພ້ອມກັນປຶກສາຫາລືກ່ຽວກັບທິດ ທາງການຮ່ວມມື ໃນປີ 2018, ນອກນັ້ນ ສອງຝ່າຍກໍໄດ້ເປັນເອກະພາບກັນ ກ່ຽວກັບບັນດາເນື້ອໃນເອກະ ສານສຳຄັນ ທີ່ສອງຝ່າຍຈະລົງນາມຮ່ວມກັນ ແລະ ວາລະການເຄື່ອນໄຫວຕ່າງໆ ເພື່ອນຳລາຍງານຕໍ່ກອງ ປະຊຸມ ຄັ້ງທີ 40 ຂອງຄະນະກຳມະການຮ່ວມມືທະວິພາຄີ ລະຫວ່າງ ສອງລັດຖະບານ ລາວ ແລະ ລັດຖະບານ ຫວຽດນາມ ປະຈຳປີ 2018 ເຊິ່ງຈະຈັດຂຶ້ນຢ່າງເປັນທາງການ ໃນຕອນເຊົ້າວັນທີ 5 ກຸມພາ 2018 ໂດຍພາຍໃຕ້ການຊີ້ນຳກອງປະຊຸມຂອງສອງນາຍົກລັດຖະມົນຕີລາວ ແລະ ຫວຽດນາມ ທີ່ຫ້ອງວ່າ ການສຳນັກງານນາຍົກລັດຖະມົນຕີ.