ພິທີປະກາດພະນັກງານເຂົ້າຮັບເບ້ຍບຳນານ ທີ່ເມືອງເງິນ

0
87

ໄຊຍະບູລີ: ພິທີປະກາດພະນັກງານເຂົ້າຮັບເບ້ຍບຳນານ ໄດ້ຈັດຂື້ນໃນຕອນບ່າຍຂອງວັນທີ 8 ສິງຫາ 2018 ນີ້ຢູ່ທີ່ ສະໂມສອນ ເມືອງເງິນ ແຂວງ ໄຊຍະບູລີ. ເຂົ້າຮ່ວມເປັນກຽດ ມີທ່ານ ສອນສຸກ ພວງແກ້ວ ຮອງເລຂາພັກເມືອງ ຮອງເຈົ້າເມືອງ, ມີຄະນະປະຈຳພັກເມືອງ, ກຳມະການພັກເມືອງ, ຫົວໜ້າຫ້ອງການ, ພະນັກງານຫຼັກແຫຼ່ງ, ເລຂາໜ່ວຍພັກນາຍບ້ານ ແລະ ນັກທຸລະກິດຜູ້ປະກອບການ ເຂົ້າຮ່ວມ.

ທ່ານ ສົມພຽນ ໄຊຍະວົງ ຮອງຫົວໜ້າຫ້ອງການພາຍໃນ ໄດ້ຂື້ນຜ່ານຂໍ້ຕົກລົງຂອງທ່ານເຈົ້າແຂວງ ໄຊຍະບູລີ ສະບັບເລກທີ 637/ຈຂ ຊຍ ລົງວັນທີ 22 ມິຖຸນາ 2018 ວ່າດ້ວຍການອານຸມັດໃຫ້ພະນັກງານອອກພັກຜ່ອນ-ຮັບເບ້ຍບຳນານ ຈຳນວນ 3 ທ່ານ ຄື: ທ່ານ ບຸນຕັນ ມາສຸວັນ ກຳມະການພັກເມືອງ ປະທານແນວລາວສ້າງຊາດເມືອງ ,ທ່ານ ແຫຼວຄິດ ພຸດທະວົງ ກຳມະການພັກເມືອງ ຫົວໜ້າຫ້ອງການໂຄສະນາອົບຮົມເມືອງ, ແລະ ທ່ານ ສົມພົງ ປ້ອງຄຳ ປະທານສະຫະພັນກຳມະບານເມືອງ ອອກພັກຜ່ອນ-ຮັບເບ້ຍ ບຳນານ

ຕອນທ້າຍ ທ່ານສອນສຸກພວງແກ້ວ ໄດ້ກ່າວສະແດງຄວາມຍ້ອງຍໍຊົມເຊີຍຕໍ່ພະນັກງານທີ່ໄດ້ເຄື່ອນໄຫວ ປະກອບສ່ວນປົກປັກຮັກສາ ແລະ ພັດທະນາເມືອງເງິນໃນໄລຍະທີ່ຜ່ານມາ ການອອກພັກຜ່ອນ-ຮັບເບ້ຍບຳນານ ແມ່ນລະບຽບການ ແລະ ກົດເກນຂອງມັນ ຂໍຮຽກຮອ້ງໃຫ້ພວກທ່ານຈົ່ງສຶບຕໍ່ຮັກສາມູນເຊື້ອຄວາມສາມັກຄີໃຫ້ແໜ້ນແຟ້ນຄືເກົ່າ ເພື່ອພ້ອມກັນສ້າງສາພັດທະນາເມືອງເງິນກ້າວຂື້ນຢ່າງບໍ່ຢຸດຢັ້ງ

ໂດຍ: ສຸລິຍາ ແສງເດືອນ