ສະພາປະຊາຊົນແຂວງ ຄໍາມ່ວນ ມອບເຄື່ອງຊ່ວຍເຫຼືອ ປະຊາຊົນທີ່ຖືກອຸທົກກະໄພນໍ້າຖ້ວມ

 

ໃນວັນທີ 09 ສິງຫາ 2018 ທີ່ຜ່ານມາ ສະພາປະຊາຊົນແຂວງຄໍາມ່ວນ ໄດ້ມອບເຄື່ອງຊວ່ຍເຫຼືອໃຫ້ແກ່ປະຊາຊົນຊາວເມືອງຫີນບູນ ເຊິ່ງ ຕ່າງໜ້າສະພາປະຊາຊົນແຂວງ ມອບໂດຍ ທ່ານ ອວນມາ ຂັນຕິຍະວົງ ກຳມະການພັກແຂວງ ຮອງປະທານສະພາປະຊາຊົນແຂວງ ພ້ອມຄະນະສະມາຊິກສະພາແຫ່ງຊາດປະຈໍາເຂດເລືອກຕັ້ງທີ່ 12 ແຂວງຄໍາມ່ວນ ແລະ ສະມາຊິກສະພາປະຊາຊົນຂັ້ນແຂວງ ເຊິ່ງການລົງມອບເຄື່ອງຊ່ວຍເຫຼືອໃນຄັ້ງນີ້ມີຍູ່ສອງຈຸດຄື: ທີ່ບ້ານວັງຫົວປາ ຕ່າງໜ້າອຳນາດການປົກຄອງເມືອງຮັບໂດຍ ທ່ານ ວາດສະໜາ ເລື່ອງຈັນທະລາດ ຮອງເລຂາພັກເມືອງ ຮອງເຈົ້າເມືອງໆຫີນບູນ

ທ່ານຮອງປະທານສະພາປຊາຊົນແຂວງ ພ້ອມຄະນະກໍ່ໄດ້ຮັບຟັງບົດລາຍງານຂອງນາຍບ້ານໆ ວັງຫົວປາເມືອງຫີນບູນ ມີຈໍານວນ 90 ຫຼັງຄາ,ຖືກນໍ້າຖ້ວມ 85 ຫຼັງຄາ,ຄອບຄົວທີ່ຍົກຍ້າຍເຂດປອດໄຟ 08 ຄອບຄົວ, ຈໍານວນຄົນ 36 ຄົນ,ຍິ່ງ 22 ຄົນ,ເນື້ອທີ່ນາປີຖືກຖ້ວມ 72,50 ເຮັກຕາ,ສັດປີກຕາຍຈໍານວນ 353ໂຕ. ປະຈູບັນລະດົບນໍ້າໄດ້ລຸດລົງແລ້ວ ປະມານ 10 ເຊັ້ນ ໃນວັນທີ 06 ສິງຫາ 2018 ແລະ ຈຸດສຸດ ທ້າຍທີ່ຫ້ອງວ່າການປົກເມືອງຫີນບູນ ຮັບໂດຍ ທ່ານ ຄໍາຜຸ່ຍ ທອນພັກດີ ເລຂາພັກເມືອງ ເຈົ້າເມືອງໆຫີນບູນ ເຊິ່ງເຄື່ອງທີ່ນໍາມາມອບໃນຄັ້ງນີ້ປະກອບມີ ນໍ້າ,ນົມ,ໝີ່,ເຄື່ອງນຸ່ງຫົ່ມ,ຜ້າຫົ່ມ ລວມມູນຄ່າທັງໝົດ 6.700.000 ກີບ. ເພື່ອນຳໄປແຈກຍາຍໃຫ້ພໍ່ແມ່ປະຊາຊົນທີ່ຖືກຜົນກະທົບໄພນໍ້າຖ້ວມແຕ່ລະໝູ່ບ້ານຂອງເມືອງຫີນບູນ ສໍາລັບທ່ານໃດ,ຄອບຄົວ ຫລື ການຈັດຕັ້ງທີ່ຢາກຮ່ວມມອບເຄື່ອງຊ່ວຍເຫຼືອສາມາດນໍາເອົາເຄື່ອງໄປມອບໄດ້ທີ່ຈຸດປະສານງານຮັບການຊ່ວຍເຫຼືອໄພພິບັດເມືອງ ຫີນບູນ.