ສະມາຄົມຄົນ ສ.ເກົາຫຼີ ມອບເງິນ ຊ່ວຍເຫຼືອຜູ້ປະສົບໄພພິບັດ

0
289

ໃນວັນທີ 8 ສິງຫາຜ່ານ ມາ, ສູນກາງແນວລາວສ້າງ ຊາດ (ສນຊ) ໄດ້ຮັບເງິນຊ່ວຍ ເຫຼືອຜູ້ປະສົບໄພພິບັດນ້ຳຖ້ວມ ຈຳນວນ 112.800.000 ກີບ, ຈາກສະມາຄົມຄົນ ສ.ເກົາຫຼີ, ຊຶ່ງຕາງໜ້າກ່າວມອບໂດຍ ທ່ານ ຊອງ ຊຸນ ຊິນ ເອກອັກຄະ ລັດຖະທູດ ສາທາລະນະລັດ ເກົາຫຼີ ປະຈຳ ສປປ ລາວ, ກ່າວ ຮັບໂດຍ ທ່ານ ໄຊສົມພອນ ພົມວິຫານ ກຳມະການກົມ ການເມືອງສູນກາງພັກ ປະທານ ສູນກາງແນວລາວສ້າງຊາດ ແລະ ມີພະນັກງານທີ່ກ່ຽວຂ້ອງ ຂອງສອງຝ່າຍເຂົ້າຮ່ວມ. ທ່ານ ຊອງ ຊຸນ ຊິນ ກໍໄດ້ ສະແດງຄວາມຂອບໃຈຕໍ່ທ່ານ ປະທານ ສນຊ ທີ່ໄດ້ຕ້ອນຮັບອັນອົບອຸ່ນ ແລະ ຂໍສະແດງ ຄວາມເສຍໃຈຕໍ່ເຫດການນ້ຳ ຖ້ວມທີ່ເກີດຂຶ້ນໃນປີ 2018 ນີ້ ແລະ ສົ່ງກຳລັງໃຈໃຫ້ປະຊາ ຊົນບັນດາເຜົ່າທີ່ປະສົບໄພນ້ຳ ຖ້ວມທົ່ວປະເທດຂອງ ສປປ ລາວ ໂດຍສະເພາະ ຢູ່ເມືອງ ສະໜາມໄຊ ແຂວງອັດຕະປື.

ທ່ານປະທານ ສນຊ ກໍໄດ້ ສະແດງຄວາມຂອບໃຈເປັນ ຢ່າງຍິ່ງຕໍ່ທ່ານເອກອັກຄະລັດ ຖະທູດ ແລະ ສະມາຄົມຄົນ ສ.ເກົາຫຼີ ທີ່ໄດ້ປະກອບສ່ວນ ເງິນຈຳນວນດັ່ງກ່າວ ໃຫ້ສູນ ກາງແນວລາວສ້າງຊາດ ແລະ ຈຳນວນເງິນທີ່ໄດ້ຮັບຄັ້ງນີ້ ສູນກາງແນວລາວສ້າງຊາດ ຈະນຳໄປມອບ ເພື່ອຊ່ວຍເຫຼືອ ບັນເທົາທຸກປະຊາຊົນຢູ່ບັນ ດາແຂວງ ໃນຂອບເຂດທົ່ວປະ ເທດທີ່ໄດ້ຮັບຜົນກະທົບຈາກ ໄພພິບັດນ້ຳຖ້ວມ ໃນປີ 2018 ນີ້. (ຂ່າວ-ພາບ: ສນຊ)