ກະຊວງປ້ອງກັນປະເທດ ມອບເງິນ 100 ລ້ານກີບ ຊ່ວຍຜູ້ທີ່ຖືກອຸທົກກະໄພ ທີ່ຊຽງຂວາງ

0
302

ທ່ານ ພົນຈັດຕະວາ ຄຳ ມ່ວນ ເລືອງວັນຫຼ້າ ຮອງຫົວ ໜ້າຫ້ອງວ່າການກະຊວງປ້ອງ ກັນປະເທດ ພ້ອມດ້ວຍຄະນະ ໄດ້ນຳເອົາເງິນຈຳນວນ 100 ລ້ານກີບ ໄປມອບໃຫ້ແຂວງ ຊຽງຂວາງ ໃນວັນທີ 8 ສິງ ຫາ ທີ່ຫ້ອງວ່າການແຂວງຊຽງ ຂວາງກ່າວຮັບໂດຍ ທ່ານ ບຸນ ຕົ້ນ ຈັນທະພອນ ຮັກສາການ ເລຂາພັກແຂວງ ເຈົ້າແຂວງໆ ຊຽງຂວາງ ພ້ອມດ້ວຍຄະນະ ເງິນຈຳນວນດັ່ງກ່າວແມ່ນນຳ ໄປຊ່ວຍເຫຼືອຟື້ນຟູແຂວງຊຽງ ຂວາງ.

ເນື່ອງຈາກໄດ້ຮັບຜົນ ກະທົບຈາກອຸທົກກະໄພໃນ ທ້າຍເດືອນກໍລະກົດທີ່ຜ່ານມາ ເພື່ອຟື້ນຟູຊີວິດການເປັນຢູ່ຂອງ ປະຊາຊົນຜູ້ໄດ້ຮັບຜົນກະທົບ, ສ້ອມແປງບູລະນະເຮືອນຊານ, ເສັ້ນທາງ, ເຄື່ອງອຸປະໂພກ-ບໍລິໂພກຕ່າງໆ, ເຮັດໃຫ້ຊີວິດ ການເປັນຢູ່ຜູ້ໄດ້ຮັບຜົນກະທົບ ກັບຄືນສູ່ປົກກະຕິ.

ທ່ານເຈົ້າແຂວງໆຊຽງຂວາງ ກໍໄດ້ກ່າວຄວາມຂອບໃຈອັນ ລົ້ນເຫຼືອມາຍັງອ້າຍນ້ອງພົນ ທະຫານທຸກທ່ານ ທີ່ໃຫ້ການ ຊ່ວຍເຫຼືອປະຊາຊົນລາວກໍຄື ປະຊາຊົນແຂວງຊຽງຂວາງ ທີ່ ໄດ້ຮັບຜົນກະທົບຈາກອຸທົກ ກະໄພທາງທຳມະຊາດໃນຄັ້ງນີ້.

ຂ່າວ-ພາບ: ບຸນມີ ແສງ ທຸມມີ