ມອບ – ຮັບ ຫນ້າທີເຈົ້າແຂວງບໍ່ແກ້ວລະຫວ່າງຜູ້ເກົ່າ ແລະ ຜູ້ໃໝ່

0
488

ບໍ່ແກ້ວ: ພິມີປະກາດແຕ່ງຕັ້ງ ແລະ ມອບ-ຮັບໜ້າທີ່ເລຂາພັກແຂວງຄົນເກົ່າ ແລະ ຄົນໃໝ່ ໄດ້ມີຂຶ້ນໃນວັນທີ 15 ສິງຫາ 2018 ນີ້ ລະຫວ່າງສະຫາຍປະລິນຍາເອກ ຄໍາພັນ ເຜີຍຍະວົງກໍາມະການສູນກາງພັກ ເລຂາພັກແຂວງໆບໍ່ແກ້ວ ກັບ ສະຫາຍ ບົວຄົງນາມມະວົງ ກຳມະການສຳຮອງສູນກາງພັກ ຮອງເລຂາພັກແຂວງ ຮອງເຈົ້າແຂວງຫຼວງພະບາງ ຂື້ນເປັນເລຂາພັກແຂວງ ເຈົ້າແຂວງໆບໍ່ແກ້ວຜູ້ໃຫມ່, ໂດຍການເຂົ້າຮ່ວມເປັນປະທານຂອງ ສະຫາຍ ຈັນສີ ໂພສີຄຳ ກຳມະການກົມການເມືອງສູນກາງພັກ, ຄະນະເລຂາທິການສູນກາງພັກ, ຫົວໜ້າຄະນະຈັດຕັ້ງສູນກາງພັກ, ມີການນຳສູນກາງ ແລະ ພະນັກງານຫຼັກແຫຼ່ງຕະຫຼອດຮອດພະນັກງານບຳນານ ນັກປະຕິວັດອາວຸໂສເຂົ້າຮ່ວມ.

ສະຫາຍ ວັນໄຊ ພອງສະຫວັນ ຮອງຫົວໜ້າຄະນະຈັດຕັ້ງສູນການພັກ ຂື້ນຜ່ານຄໍາສັ່ງຂອງກົມການເມືອງສູນກາງພັກ ເລກທີ 039/ກມສພ ລົງວັນທີ 02 ສິງຫາ 2018 ວ່າດ້ວຍການຍົກຍ້າຍສະຫາຍປອ ຄຳພັນ ເຜີຍຍະວົງ ກຳມະການເມືອງສູນກາງພັກ ເລຂາພັກແຂວງ ເຈົ້າແຂວງໆບໍ່ແກ້ວໄປຮັບໜ້າທີໃໝ່ ແລະ ມະຕິຕົກລົງສູນການພັກ ເລກທີ 042/ກມສພ ລົງວັນທີ 02 ສິງຫາ 2018ວ່າດ້ວຍການແຕ່ງຕັ້ງ ສະຫາຍ ບົວຄົງ ນາມມະວົງ ເປັນເລຂາພັກແຂວງ ເຈົ້າແຂວງໆບໍ່ແກ້ວຄົນໃໝ່.

ສະຫາຍ ຈັນສີ ໂພສີຄຳ ກຳມະການກົມການເມືອສູນການພັກ ຄະນະເລຂາທິການສູນກາງພັກ ຫົວໜ້າຄະນະຈັດຕັ້ງສູນການພັກ ໄດ້ໂອ້ລົມເນັ້ນໃຫ້ການນຳຂອງແຂວງທຸກຂັ້ນຕ້ອງສືບຕໍ່ປະຕິບັດຕາມແຜນກຳນົດ ແຜນຈັດວາງຊັບຊ້ອນພະນັກງານນຳພາຄຸ້ມຄອງ ແລະ ປັບປຸງການຈັດຕັ້ງໃຫ້ຖືກຕ້ອງຕາມໜ້າທີການເມືອງໃນໄລຍະໃໝ່, ພ້ອມນີ້ທ່ານຍັງໄດ້ເນັ້ນໃຫ້ຜູ້ທີ່ຖືກຍົກຍ້າຍແຕ່ງຕັ້ງໄປຮັບໜ້າທີ່ໃໝ່ໃນຄັ້ງນີ້ ຈົ່ງຕັ້ງໜ້າເອົາໃຈໃສ່ປະຕິບັດໜ້າທີວຽກງານທີ່ໄດ້ຮັບມອບໝາຍ ໃຫ້ປະສົບຜົນສຳເລັດ ແລະ ຍິ່ງໃຫຍ່ກວ່າເກົ່າສືບຕໍ່ປະຕິບັດໜ້າທີວຽກງານໃຫ້ປະສົບຜົນສຳເລັດ ໂດຍສະເພາະແມ່ນສືບຕໍ່ເອົາໃຈໃສ່ວຽກງານກໍ່ສ້າງພັກໃຫ້ມີຄວາມປອດໃສ ເຂັ້ມແຂງ ແລະ ໜັກແໜ້ນ, ໄປຄຽງຄູ່ກັບການປັບປຸງກໍ່ສ້າງພະນັກງານເອົາໃຈໃສ່ປະຕິບັດວຽກງານວິຊາສະເພາະໃຫ້ປະສົບຜົນສຳເລັດ., ວຽກງານປ້ອງກັບຊາດ ປ້ອງກັນຄວາມສະ, ຄຽງຄູ່ກັບການແກ້ໄຂບັນຫາການຄ້າຂ້າຍຢາ, ບັນຫາການຄ້າຂ້າຍຂ້ອງເຖືອນໃຫ້ລຸດໜ້ອຍຖອຍລົງໝົດໄປຈາກສັງຄົມກໍ່ຄືແຂວງບໍ່ແກ້ວເທືອລະກ້າວ.

( ແຂວງບໍ່ແກ້ວ ອອນລາຍ )

ຂ່າວ – ພາບ: ບຸນເພັດ ໄຊຍະວົງ