ໂທລະໂຄ່ງ THOLAKHONG

ໂທລະໂຄ່ງ ແມ່ນເວທີຂອງທຸກຄົນ. ຂໍ້ມູນທຸກຢ່າງ ໃນເວບໄຊນີ້ ທ່ານສາມາດ ເອົາໄປນຳໃຊ້ໃນທາງທີ່ເປັນປະໂຫຍດ ແລະ ບໍ່ຜິດຕໍ່ກົດໝາຍບ້ານເມືອງ ໂດຍບໍ່ຈຳເປັນຕ້ອງຂໍອານຸຍາດ. ພຽງແຕ່ທ່ານແຈ້ງທີ່ມາຂອງເນື້ອຫາຕ່າງໆ. ໂດຍສະເພາະ ແມ່ນຄຳຂອບໃຈແກ່ ເຈົ້າຂອງຕົ້ນສະບັບຂໍ້ມູນ.

ສຳລັບທ່ານໃດ ທີ່ຕ້ອງການລົງຂ່າວສານບ້ານເມືອງ ສາມາດສົ່ງຂໍ້ມູນໄປທີ່ [email protected]

ປະຫວັດຄວາມເປັນມາ

ຄວາມເປັນມາແລະຈຸດປະສົງໂທລະໂຄ່ງ THOLAKHONG ໄດ້ຮັບການສ້າງຕັ້ງໃນວັນທີ 1 ກັນຍາ 2013 ໂດຍມີຜູ່ກໍ່ຕັ້ງສອງຄົນ ທີ່ມີນາມປາກກາວ່າ: ”ຮັກລາວ ໂທລະໂຄ່ງ ແລະ ໂທລະໂຄ່ງ ລາວ” ໂດຍມີເປົ້າໝາຍ ເປັນເວທີໃນການແບ່ງປັນຄວາມຮູ້ ແລະ ຂໍ້ມູນຂ່າວສານທີ່ເປັນປະໂຫຍດ ແກ່ຄົນລາວ ແລະ ສັງຄົມລາວ.

ໂທລະໂຄ່ງ THOLAKHONG ເຕີບໂຕ ໃນຈັ່ງຫວະ ທີ່ສັງຄົມລາວ ຍັງມີຂໍ້ຈໍາກັດ ໃນການເຂົ້າເຖິງຂໍ້ມູນຂ່າວສານທາງອ່ອນລາຍ ແລະ ອິນເຕີເນັດ. ຖືເປັນ ສື່ສັງຄົມອ່ອນລາວ ອັນທໍາອິດຂອງລາວ ທີ່ໄດ້ນໍາເອົາ ເລື່ອງລາວ ແລະ ຂ່າວຄາວອັນສໍາຄັນ ເພື່ອເຜີຍແຜ່ໃຫ້ ສັງຄົມໃຫ້ຮັບຮູ້ ໂດຍນໍາໃຊ້ ເຟສບຸກເພຈ ເປັນຕົວຂັບເຄື່ອນ.

ເຟສທາງການຂອງ ທີມງານ ໂທລະໂຄ່ງ THOLAKHONG ແມ່ນ www.facebook.com/tholakhong ແລະ ມີເວັບໄຊແມ່ນ http://tholakhong.com ສິ່ງພົ້ນເດັ່ນ ທີ່ ໂທລະໂຄ່ງ THOLAKHONG ໃນໄລຍະເລີ່ມຕົ້ນຄືການ ນໍາສະເໜີ ເຫດການຍົນຕົກ ທີ່ແຂວງຈໍາປາສັກ ທີ່ຮູ້ຈັກການໃນນາມ QV301 ທີ່ຍົນ ATR 72-600 ບິນຈາກ ນະຄອນຫຼວງວຽງຈັນ ໄປ ປາກເຊ ໃນວັນທີ 16 ຕຸລາ 2013 ແລ້ວເກີດອຸບັດຕິເຫດ ຕົກລົງແມ່ນໍ້າຂອງ ເຮັດໃຫ້ ຈຸບິນ ແລະ ລູກເຮືອ ທັງໝົດ 49 ຄົນເສຍຊີວິດ.

ຈາກເຫດການຄັ້ງນັ້ນ, ໂທລະໂຄ່ງ THOLAKHONG ກໍ່ໄດ້ຮັບຄວາມນິຍົມ ແລະ ໄດ້ກາຍເປັນ ເວທີ່ ເພື່ອສະທ້ອນບັນຫາສັງຄົມ, ເປັນເວທີ ເພື່ອນໍາສະເໜີຂ່າວຄາວ ເຫດການຈາກທົ່ວປະເທດ, ແລະ ທີ່ສໍາຄັນ ແມ່ນໄດ້ປະກອບສ່ວນ ເປັນສື່ກາງໃນວຽກງານການກຸສົນຕ່າງໆ ເຊັ່ນ: ການລະດົມທຶນ ເພື່ອຊ່ວຍຄົນເຈັບອານາຖາ, ການລະດົມທຶນ ຊ່ວຍດ້ານການສຶກສາ, ແລະ ຊ່ວຍເຫຼືອ ເຫດການໄພພິບັດຕ່າງໆ.

ນອກຈາກນີ້, ໂທລະໂຄ່ງ THOLAKHONG ຍັງປະກອບສ່ວນໃນວຽກງານ ສົ່ງເສີມການທ່ອງທ່ຽວ, ປະຊາສຳພັນ ໃຫ້ບັນດາຫົວໜ່ວຍທຸລະກິດ ຂະໜາດການຂະໜາດນ້ອຍ. ເຊິ່ງຖືໄດ້ວ່າ ຄົນລາວເກືອບທຸກຄົນ ແມ່ນຮູ້ຈັກດີສຳລັບ ເພຈ ໂທລະໂຄ່ງ THOLAKHONG

ຄວາມໝາຍຂອງຄໍາວ່າ ໂທລະໂຄ່ງ THOLAKHONG

ໂທລະໂຄ່ງ ຖ້າຈະຂຽນໃຫ້ຖືກຫຼັກໄວຍາກອນແທ້ໆ ແມ່ນຂຽນວ່າ ໂທລະໂຂ່ງ. ເນື່ອງຈາກວ່າ ຜູ່ກໍ່ຕັ້ງມີການສະກົດຄໍາຜິດ ຈິ່ງກາຍເປັນ ໂທລະໂຄ່ງ ແລະ ກໍ່ໄດ້ເປັນທີ່ຍອມຮັບເປັນຕົ້ນມາ. ໃນເມື່ອກ່ອນ ໂທລະໂຄ່ງ (ໂຂ່ງ) ຖືເປັນ ອຸປະກອນ ທີ່ໃຊ້ສື່ສານ ແລະ ປະຊາສຳພັນ ທີ່ສຳຄັນ ເພື່ອປ່າວຂ່າວ ຫຼື ໂຄສະນາ ຂໍ້ມູນໃຫ້ປະຊາຊົນຮັບຮູ້. ໃນປະຈຸບັນ ຫຼາຍໝູ່ບ້ານ ກໍ່ຍັງໃຊ້ ໂທລະໂຄ່ງ (ໂຂ່ງ) ເພື່ອ ເຮັດການໂຄສະນາ ປະຊາສຳພັນ ຂອງບ້ານ. ຄວາມໝາຍຂອງ ໂທລະໂຄ່ງ THOLAKHONG ຈິ່ງບໍ່ແຕກຕ່າງຫຍັງ ທີ່ຖືເປັນ ການປະຊາສຳພັນ ທາງອ່ອນລາຍ.