5 ເຄັດລັບ ຊ່ວຍເສີມສ້າງຄວາມຈໍາ

1 ຢ່າອົດອາຫານຕອນເຊົ້າ

ອາຫານເຊົ້າຖືໄດ້ວ່າເປັນຄາບອາຫານທີ່ສໍາຄັນຕໍ່ກັບຮ່າງກາຍ ອີກທັງຍັງຊ່ວຍເສີມພະລັງງານໃຫ້ກັບສະໝອງໄດ້ ໃຜທີ່ອົດອານຫານເຊົ້າເປັນປະຈໍາອາດເຮັດໃຫ້ມີຄວາມສ່ຽງຕໍ່ການທີ່ຈະເປັນເສັ້ນເລືອດໃນສະໝອງ ແລະ ຫົວໃຈອຸດຕັນໄດ້.

2 ຮັບປະທານອາຫານທີ່ມີປະໂຫຍດ

ຄວນເລືອກຮັບປະທານອາຫານທີ່ມີປະໂຫຍດໃຫ້ຄົບ 5 ໝູ່ບໍ່ວ່າຈະເປັນຜັກ, ໝາກໄມ້, ຄາຣ໌ໂບໄຮເດຣຕ ເຊັ່ນ: ເຂົ້າກ້ອງ (ເຂົ້າຮາງ), ເຂົ້າໜົມປັງໂຮລວິຕ ແລະ ອຶ່ນໆ ປະເພດໂປຣຕິນ ເຊັ່ນ: ຊີ້ນປາ, ຖົ່ວ, ນົມ ແລະ ໄຂມັນທີ່ດີເປັນຕົ້ນ ເພາະນອກຈາກຈະເຮັດໃຫ້ສຸຂະພາບດີແລ້ວ ຍັງເຮັດໃຫ້ສະໝອງດີອີກດ້ວຍ.

3 ໝັ່ນດື່ມນໍ້າເລື່ອຍໆ ໃຫ້ໄດ້ມື້ລະ 2-3 ລິດຕໍ່ວັນ

ຮ່າງກາຍຂອງມະນຸດເຮົາປະກອບໄປດ້ວຍນໍ້າເຖີງ 70 ເປີເຊັນ ເພາະນໍ້າມີສ່ວນສໍາຄັນຢ່າງຍິ່ງຕໍ່ລະບົບໃນຮ່າງກາຍ ຊຶ່ງຜູ້ຊາຍຄວນດື່ມວັນລະ 3 ລິດ ສ່ວນຜູ້ຍິງຄວນດື່ມວັນລະ 2.2 ລິດ ຫາກວ່າຮ່າງກາຍຂອງຄົນເຮົາໄດ້ຮັບນໍ້າໜ້ອຍຈົນເກີນໄປຈະເຮັດໃຫ້ສົ່ງຜົນເສຍຕໍ່ຮ່າງກາຍ ອີກທັງຍັງເຮັດໃຫ້ສະມອງຂອງທ່ານເຊື່ອມລົງໄດ້. ເນື່ອງມາຈາກເລືອດໄປລ້ຽງສະໝອງບໍ່ພຽງພໍ ເພາະສະໝອງມີອົງປະກອບທີ່ເປັນນໍ້າເຖີງ 85 ເປັນເຊັນ ເລີຍລະ.

4 ອອກກໍາລັງກາຍເປັນປະຈໍາ

ການອອກກໍາລັງກາຍເປັນປະຈໍາຢ່າງໜ້ອຍມື້ລະ 30 ນາທີ ຈະສົ່ງຜົນດີຕໍ່ລະບົບການເຮັດວຽກຂອງສະໝອງ ເພາະຈະຊ່ວຍກະຕຸ້ນອັອກຊີເຈນເພື່ອລໍາລຽງໄປຍັງສະໝອງ ເຮັດໃຫ້ສະໝອງຕຶ່ນໂຕ ແລະ ມີການພັດທະນາ ແລະ ຍັງຊ່ວຍໃຫ້ທ່ານສົດຊື່ນຕະຫຼອດມື້ດ້ວຍ.

5 ພັກຜ່ອນໃຫ້ພຽງພໍ

ຮູ້ບໍ່ວ່າການນອນພັກຜ່ອນບໍ່ພຽງພໍເປັນສິ່ງທີ່ບໍ່ດີຕໍ່ກັບສະໝອງ ເພາະການນອນລັບເປັນສ່ວນໜຶ່ງທີ່ສາມາດຊ່ວຍພັດທະນາຄວາມຈໍາໄດ້ດີອີກທາງໜຶ່ງ ຊຶ່ງຮ່າງກາຍຂອງຄົນເຮົາຄວນໄດ້ພັກຜ່ອນ 6-8 ຊົ່ວໂມງຕໍ່ມື້ ຊຶ່ງການນອນລັບຢ່າງພຽງພໍນັ້ນ ຈະສົ່ງຜົນດີຕໍ່ກັບສະໝອງ, ຊ່ວຍໃຫ້ສະໝອງປອດໂປ່ງມີສໍາມາທິ ແລະ ຄວາມຈື່ຈໍາດີຂຶ້ນນັ້ເອງ.

ທີ່ມາ: www.trueplookpanya.com

ອອກ​ຈາກ ບ່ອນໃຫ້ຄໍາເຫັນ

ກະລຸນາໃຫ້ຄໍາຄິດເຫັນ
ກະລຸນາໃສ່ຊື່