ເພາະການກິນເປັນອີກໜຶ່ງກິດຈະກຳທີ່ສ້າງຄວາມສຸກໃຫ້ແມ່ຍິງເຮົາໄດ້ຢູ່ສະເໝີ ຍິ່ງໄດ້ກິນອາຫານເມນູທີ່ມັກໂດຍທີ່ບໍ່ຕ້ອງຄຳນຶງວ່າ ນໍ້າໜັກຈະເພີ່ມແລ້ວ ເຊື່ອວ່າສາວໆ ຮ້ອຍທັງຮ້ອຍຈະຕ້ອງແລ່ນໃສ່ຮ້ານອາຫານທີ່ມັກເປັນປະຈຳແນ່ນອນ ແຕ່ການກິນອາຫານປະລິມານຫລາຍເກີນໄປຍ່ອມທຳລາຍຮູບຮ່າງຂອງເຮົາໄດ້ຢ່າງຊັດເຈນ.

ມື້ນີ້ເຮົາຈຶ່ງມາຊວນສາວໆ ກວດເຊັກພຶດຕິກຳການກິນຂອງຕົນເອງວ່າ ສັນຍານເຫລົ່ານີ້ນີ້ຄື ສັນຍານເຕືອນວ່າກຳລັງຈະຕຸ້ຍ ເມື່ອຮູ້ພຶດຕິກຳ ຈະໄດ້ມາລະວັງການກິນໂດຍຫລຸດປະລິມານໃຫ້ໜ້ອຍລົງ ແລະ ກິນຢ່າງພໍດີ ແຖມກິນແບບມີສະຕິ ອີກເທື່ອໜຶ່ງເພື່ອຄວບຄຸມບໍ່ໃຫ້ນ້ຳໜັກເກີນເກນມາດຕະຖານ.

1. ຢາກກິນທຸກຢ່າງທີ່ຂວາງໜ້າ

ເປັນເລື່ອງປົກກະຕິ ທີ່ເວລາເຮົາເຫັນເມນູອາຫານຈານມັກລໍ້ຕາລໍ້ໃຈຢູ່ທາງໜ້າ ກໍ່ຢາກກິນທຸກຄັ້ງ ນອກຈາກນີ້ ຍັງມີອາຫານອີກຫລາຍຊະນິດທີ່ເຖິງວ່າ ເຮົາຈະບໍ່ໄດ້ມັກເປັນເມນູທີ່ມັກທີ່ສຸດ ແຕ່ພໍເຫັນແລ້ວກໍ່ຢາກຈັບໃສ່ປາກໄປທຸກເທື່ອ ເອີ້ນວ່າ ຢາກກິນທຸກຢ່າງທີ່ຂວາງໜ້ານັ້ນເອງ ອາການແບບນີ້ນີ້ແຫລະຄື ສັນຍານສ່ຽງຕຸ້ຍຂອງສາວໆ.

2. ກິນແບບເພີດເພີນ ແລະ ແຊບຊ້ອຍທຸກຄຳທີ່ກິນ

ການກິນອາຫານໃດກໍ່ຕາມ ຖ້າຫາກສັງເກດພົບວ່າ ຕົນເອງກິນແບບແຊບຊ້ອຍເພີດເພີນທຸກຄຳ ນັ້ນກໍ່ບົ່ງບອກຄືກັນວ່າ ອາດຈະຫັກຫ້າມໃຈຢຸດກິນຕໍ່ໄປບໍ່ໄດ້ແລ້ວ ແລະ ແນ່ນອນວ່າ ຖ້າຫາກຍັງປ່ອຍໃຫ້ຕົນເອງກິນແບບບໍ່ມີສະຕິ ອາດຈະນັ່ງກິນແບບຍາວນານເປັນເວລາດົນໆ ແລະ ມັນກໍ່ເຮັດໃຫ້ຕຸ້ຍຂຶ້ນໄດ້ແບບບໍ່ຮູ້ໂຕແນ່ນອນ.

3. ກິນອິ່ມແລ້ວກໍ່ຍັງຢາກກິນຕໍ່

ເວລາທີ່ເຮົາກິນອາຫານອິ່ມແລ້ວ ເຮົາມັກຈະຢຸດກິນຢູ່ແລ້ວນັ້ນກໍ່ຖືວ່າເປັນເລື່ອງປົກກະຕິ ແຕ່ຖ້າເມື່ອໃດທີ່ກິນອິ່ມທ້ອງຈົນແໜ້ນກະເພາະສຸດໆ ແຕ່ອາການໂຫຍຫາອາຫານກໍ່ຍັງມີເກີດຂຶ້ນ ຄືຍັງມີຄວາມຮູ້ສຶກຢາກກິນອາຫານຕໍ່ອີກເລື່ອຍໆ ວ່າອາການຫິວແບບບໍ່ມີຢຸດແບບນີ້ກຳລັງສະກິດຕ່ອມຄວາມຫິວຢ່າງຮຸນແຮງຕໍ່ເນື່ອງ ແລະ ມັນເຮັດໃຫ້ເຜີປາກໄດ້ອີກເລື່ອຍໆ ແນ່ນອນ.

4. ຮູ້ສຶກອຶດອັດ ເຄື່ອງນຸ່ງຄັບຈົນເກືອບລຸກບໍ່ຂຶ້ນ

ຫລັງຈາກກິນອາຫານໄປຈົນແໜ້ນຄັບເຄື່ອງນຸ່ງແລ້ວ ທຸກຄົນຈະຍິ່ງຮູ້ສຶກອຶດອັດໄປທັງຮ່າງກາຍ ໂດຍສະເພາະທ້ອງທີ່ແໜ້ນ ແລະ ຈຸກຂຶ້ນມາເລື່ອຍໆ ເຮັດໃຫ້ເກືອບຈະບໍ່ຢາກລຸກຂຶ້ນໄປໃດ ບາງຄົນຍັງມີອາການເມື່ອຍຫລັງຈາກກິນສຳເລັດນໍາອີກ ເອີ້ນວ່າເກືອບຈະຢາກສະຫລົບຢູ່ບ່ອນນັ້ນໄປເລີຍກໍ່ມີ ອາການແບບນີ້ອັນຕະລາຍ ເພາະມັນຈະຍິ່ງສົ່ງຜົນໃຫ້ກາຍເປັນຄົນຫິວໂດຍບໍ່ຮູ້ໂຕ ແລະ ເຮັດໃຫ້ນ້ຳໜັກເພີ່ມຂຶ້ນງ່າຍໆ ນໍາອີກ.

ຮູ້ເຖິງພຶດຕິກຳທີ່ມາພ້ອມອາການສ່ຽງຄວາມຕຸ້ຍດັ່ງກ່າວແລ້ວ ລອງໄປຈັບສັນຍານຂອງຕົນເອງເບິ່ງ ແລ້ວນຳມາປັບປ່ຽນກັບການກິນອາຫານເທື່ອຕໍ່ໄປ ນອກຈາກຈະກາຍເປັນສາວຕຸ້ຍແລ້ວ ຍັງມີຄວາມສ່ຽງຕໍ່ການເກີດພະຍາດຕຸ້ຍໄດ້ນໍາອີກ.

LEAVE A REPLY

Please enter your comment!
Please enter your name here