ສຸດຍອດສັບພະຄຸນທາງຢາທີ່ມາກັບຫມາກໄມ້ລົດສົ້ມ

1. ໝາກມ່ວງ: ຊ່ວຍແກ້ອາການປຸ້ນທ້ອງຮາກ, ແກ້ວິນຫົວ, ແກ້ຢາກນໍ້າ, ແກ້ທ້ອງອືດ, ໄລ່ແມ່ພະຍາດ, ແກ້ໄຂ້, ແກ້ອາການປວດເມື່ອຍລະຫວ່າງມີປະຈຳເດືອນ, ແກ້ລຳໄສ້ອັກເສບຊຳເຮື້ອ, ປິ່ນປົວທ້ອງບິດຖ່າຍເປັນເລືອດໄດ້ ແລະ ຊ່ວຍບຳລຸງອະໄວຍະວະໃນລະບົບຍ່ອຍອາຫານ.

2. ໝາກຂາມ: ມີສັບພະຄຸນຊ່ວຍຂັບເສມຫະ, ແກ້ໄອ, ຊ່ວຍຂັບລົມອອກຈາກລຳໄສ້, ແກ້ບິດ ກະຕຸ້ນການຂັບຖ່າຍໄດ້ດີ ຈຶ່ງໃຊ້ເປັນຢາລະບາຍທ້ອງໄດ້ ແລະ ຍັງຊ່ວຍແກ້ຢາກນໍ້າຜ່ອນຄາຍຮ້ອນໄດ້ນໍາອີກ.

3. ໝາກນາວ: ເປືອກໜ່ວຍທີ່ມີລົດຂົມນັ້ນມີສັບພະຄຸນໃນການຂັບລົມ ຜິວຂອງເປືອກໝາກນາວຈະມີນ້ຳມັນຫອມລະເຫຍ (Volatile oil) ເຊິ່ງມີລິດຊ່ວຍຂັບລົມ, ແກ້ທ້ອງອືດ, ວິຕາມິນຊີ, ກົດຈາກນ້ຳໝາກນາວຍັງກະຕຸ້ນການຂັບນ້ຳລາຍ ຈຶ່ງເຮັດໃຫ້ເກີດຄວາມຊຸ່ມຄໍ ຈຶ່ງຊ່ວຍຂັບເສມຫະ ແລະ ຫລຸດອາການໄອລົງໄດ້ນັ້ນເອງ.

4. ໝາກເຟືອງ: ຫມາກໄມ້ທີ່ໃຫ້ວິຕາມິນຊີສູງ ແລະ ຍັງເຕັມໄປດ້ວຍສານຕ້ານອານຸມູນອິດສະຫລະທີ່ມີປະສິດທິພາບ, ຊ່ວຍຫລຸດຜ່ອນການຜະລິດເມັດສີນ້ຳຕານ ຫລື ຝ້າ, ຝ້າໜາໆ ຫລື ຝ້າທີ່ມີການສະສົມມາເປັນເວລາຍາວນານ ຈຶ່ງຄ່ອຍໆເຈືອຈາງລົງໄດ້ ພ້ອມກັນນີ້ມັນຍັງຊ່ວຍຟື້ນຟູ ແລະ ຊ່ອມແຊມຜິວໃນໂຕໄດ້ດີນໍາອີກ.

5. ໝາກສີດາ: ເປັນຫມາກໄມ້ທີ່ໃຫ້ວິຕາມິນຊີບໍ່ໜ້ອຍເຊັ່ນກັນ ສັບພະຄຸນຂອງໝາກສີດາຈະຊ່ວຍຫລຸດສານພິດຈາກຮ່າງກາຍ, ຊ່ວຍຫລຸດລະດັບໄຂມັນໃນເລືອດ ຈຶ່ງເໝາະກັບຜູ້ປ່ວຍທີ່ມີບັນຫາເສັ້ນເລືອດອຸດຕັນ ນອກຈາກນີ້ຍັງຊ່ວຍປ້ອງກັນບໍ່ໃຫ້ໄຂມັນເກາະຝາຫລອດເລືອດ ສຳຫລັບຜູ້ປ່ວຍພະຍາດເລືອດຈາງບໍ່ແນະນຳໃຫ້ກິນ.

6. ໝາກກ້ຽງ: ຫມາກໄມ້ທີ່ເຕັມດ້ວຍເສັ້ນໃຍອາຫານສູງ, ໃຫ້ພະລັງງານຕ່ຳ ຈຶ່ງເໝາະສົມກັບສາວໆ ທີ່ຄວບຄຸມນ້ຳໜັກຢ່າງຫລວງຫລາຍ ນອກຈາກນີ້ ໝາກກ້ຽງຍັງມີວິຕາມິນເອ ທີ່ຈະຊ່ວຍບຳລຸງສາຍຕາໄດ້ຢ່າງມີປະສິດທິພາບ.

7. ໝາກນັດ: ມີແຄຊຽມ ແລະ ທາດຟອດຟໍລັດສູງ ໂດຍຈະຊ່ວຍບຳລຸງກະດູກ ແລະ ແຂ້ວໃຫ້ແຂງແຮງ, ຊ່ວຍຍ່ອຍອາຫານ, ຫລຸດອາການແໜ້ນສຽດທ້ອງ, ຫລຸດອາການອັກເສບບວມ ຊ່ວຍຂັບເສມຫະ.

8. ແອັບເປິ້ນ: ຊ່ວຍກວາດລ້າງສານພິດອອກຈາກລຳໄສ້, ກະຕຸ້ນການປັ້ນຂອງລຳໄສ້ ຈຶ່ງຊ່ວຍໃຫ້ການຂັບຖ່າຍເຮັດວຽກດີຂຶ້ນ ປິ່ນປົວອາການຖອກທ້ອງໄດ້ ທັງຍັງປັບສົມດຸນຂອງລະບົບການຍ່ອຍອາຫານ ເຮັດໃຫ້ການຍ່ອຍອາຫານດີຂຶ້ນ, ບຳລຸງກະເພາະຫລຸດກົດພາຍໃນກະເພາະ ແລະ ຊ່ວຍລະລາຍເສມຫະໄດ້ນໍາອີກ.

9. ໝາກເລັ່ນ: ບຳລຸງຮ່າງກາຍໃຫ້ມີຄວາມສົດຊື່ນ, ບຳລຸງຜິວໃຫ້ກະຈ່າງໃສ, ຊ່ວຍຟອກເລືອດ ແລະ ມີສານໄລໂຄປີນສູງທີ່ຈະຊ່ວຍປ້ອງກັນມະເຮັງ ນອກຈາກນີ້ຍັງຊ່ວຍໃຫ້ການຍ່ອຍອາຫານດີຂຶ້ນນໍາອີກ.

ຮູ້ກັນແບບນີ້ແລ້ວ ຢ່າລືມຊອກຫາຫມາກໄມ້ລົດສົ້ມເຫລົ່ານີ້ມາກິນເປັນອາຫານທາງຢາກັນແນ່ເດີ ຈະໄດ້ມີສຸຂະພາບແຂງແຮງ, ຫ່າງໄກຈາກອາການເຈັບໄຂ້ໄດ້ປ່ວຍຢ່າງປອດໄພ ຂາດຜົນຂ້າງຄຽງເມື່ອທຽບກັບການກິນຢາແພດແຜນປັດຈຸບັນ.

LEAVE A REPLY

Please enter your comment!
Please enter your name here