ໜໍ່ໄມ້ຝຣັ່ງ ຫລື ແອສພາຣາກັສ (Asparagus) ເປັນພືດພື້ນເມືອງແຖວເອີຣົບ ແລະ ອາຟຣິກາ ມີທັງຊະນິດທີ່ເປັນໜໍ່ສີຂຽວ ແລະ ໜໍ່ສີຂາວ ເຊິ່ງນອກຈາກຈະກິນແຊບແລ້ວ ໜໍ່ໄມ້ຝຣັ່ງຍັງອຸດົມໄປ ດ້ວຍຄຸນຄ່າທາງສານອາຫານທີ່ມີປະໂຫຍດຕໍ່ຮ່າງກາຍຫລາຍ.


ສານອາຫານທີ່ພົບໃນໜໍ່ໄມ້ຝຣັ່ງມີທັງໂປຣຕິນ, ແຮ່ທາດຊະນິດຕ່າງໆ ເຊັ່ນ: ທາດສັງກະສີ, ທອງແດງ, ຟົສຟໍ, ໂປຕັສຊຽມ, ຊີລີນຽມ, ໂຟລາຊິນ ແລະ ກາກໄຍອາຫານຫລາຍ, ອຸດົມໄປດ້ວຍວິຕາມິນຫລາຍຊະນິດ, ວິຕາມິນຊີ, ວິຕາມິນບີ ທັງບີ1, ບີ2, ບີ3 ແລະ ບີ6, ວິຕາມິນເຄ, ວິຕາມິນເອ, ໂຟເລດ, ມີສານກລູຕາໄທໂອນ, ມີປະລິມານເກືອໜ້ອຍ ແລະ ບໍ່ມີໄຂມັນ ຫລື ຄໍເລສເຕໂຣນ.


ຄຸນປະໂຫຍດຂອງໜໍ່ໄມ້ຝຣັ່ງນັ້ນມີຫລວງຫລາຍ ຜູ້ທີ່ຕ້ອງການຫລຸດນ້ຳໜັກ ຫລື ຜູ້ທີ່ເປັນເບົາຫວານ ເໝາະສົມທີ່ຈະກິນໜໍ່ໄມ້ຝຣັ່ງ ເພາະມີປະລິມານຂອງຄາໂບໄຮເດຣດ, ກາລໍຣີ ແລະ ໄຂມັນໜ້ອຍ ແລ້ວຍັງຊ່ວຍໄລ່ນ້ຳຍ່ຽວ, ຫລຸດກົດໃນລຳໄສ້, ໃຫ້ພະລະກຳລັງ ແລະ ບຳລຸງຜິວໃຫ້ສົດໃສ.


ມີການສຶກສາໄວ້ວ່າ: ກົດອະມິໂນ ແລະ ແຮ່ທາດໃນສານສະກັດຈາກໜໍ່ໄມ້ຝຣັ່ງ ສາມາດຊ່ວຍແກ້ອາການເມົາຄ້າງ ແລະ ປ້ອງກັນແຊນຕັບຈາກພິດຂອງແອວກໍຮໍໄດ້ ແລະ ສຳລັບຜູ້ຊາຍທີ່ມີປັນຫາ ເລື່ອງເສື່ອມສະມັດຕະພາບທາງເພດ ແນະນຳໃຫ້ກິນໜໍ່ໄມ້ຝຣັ່ງ ເພາະໃນໜໍ່ໄມ້ຝຣັ່ງມີສານກລູຕາໄທໂອນ ເຊິ່ງສານນີ້ຈະເຮັດວຽກຮ່ວມກັບວິຕາມິນຊີ ຊ່ວຍໃນການກະຕຸ້ນໃຫ້ອະສຸຈິມີຄວາມຕື່ນໂຕ ຫລາຍຂຶ້ນ ແລະ ແຂງແຮງຫລາຍຂຶ້ນນຳອີກ.

ຂອບໃຈທີ່ມາ:www.thaisabuy.com

LEAVE A REPLY

Please enter your comment!
Please enter your name here