ເຊື່ອຫລືບໍ່ວ່າການບໍລິຫານສະໝອງນັ້ນສາມາດເຮັດໄດ້ຕະຫລອດເວລາ ດ້ວຍກິດຈະວັດທີ່ເຮົາເຮັດໃນຊີວິດປະຈຳວັນ ເຊິ່ງການບໍລິຫານສະໝອງຈະຊ່ວຍໃຫ້ເຮົາມີຄວາມຈື່ຈຳທີ່ດີຂຶ້ນ.

1.ຍິ້ມຫົວມື້ລະໜ້ອຍ: ວຽກງານວິໄຈຈາກມະຫາວິທະຍາໄລ ໂລມາລິນດາ ສະຫະລັດອາເມລິກາ ພົບວ່າ: ການຍິ້ມຫົວພຽງແຕ່ມື້ລະ 20 ນາທີ ສົ່ງຜົນໃຫ້ຄວາມຈື່ຈໍາໃນໄລຍະສັ້ນດີຂຶ້ນ, ລະດັບຮໍໂມນຄໍຕິໂຊນ (Cortisol) ຫລັ່ງໜ້ອຍລົງ ແລະ ຄວາມດັນເລືອດຫລຸດລົງນຳ, ທ່ານໃດມັກເບິ່ງຕະຫລົກ ຫລື ຫາຫຍັງຕະຫລົກໆມາອ່ານເພື່ອສ້າງສຽງຫົວ ນອກຈາກອາລົມດີແລ້ວຍັງຊ່ວຍໃນເລື່ອງຄວາມຈື່ຈຳນຳອີກ.

2.ນອນຫລັບໃຫ້ແຈບ: ນັກວິໄຈຈາກມະຫາວິທະຍາໄລ ນິວຢອກ ສະຫະລັດອາເມລິກາ ພົບວ່າ: ການນອນຫລັບຈະເຮັດໃຫ້ແຊນສະໝອງເກີດການເຊື່ອມຕໍ່ເຖິງກັນ ໂດຍສະເພາະໃນເວລາຫລັບເລິກຫລັບແຈບທີ່ແຊນສະໝອງຈະສາມາດຈື່ຈຳ ແລະ ເກັບຄວາມຊົງຈຳໄວ້ໄດ້.

3.ຂຽນດ້ວຍມືແທນການພິມ: ນັກຈິດຕະວິທະຍາຈາກມະຫາວິທະຍາໄລ ຄາລິຟໍເນຍແຫ່ງ ລອສ ແອງເຈີລິສ ສະຫະລັດອາເມລິກາ ພົບວ່າ: ກຸ່ມນັກສຶກສາທີ່ໃຊ້ບິກຈົດບັນທຶກມີຄວາມສາມາດໃນການຈື່ຈຳເນື້ອໃນໄດ້ຫລາຍກ່ວາກຸ່ມທີ່ບັນທຶກໂດຍການພິມໃນຄອມພິວເຕີແບບພົກພາ.

4.ການນັ່ງ ແລະ ຢືນ: ດຣ.ອິຣິກ ເປເປີ ມະຫາວິທະຍາໄລ ຊານຟຣານຊິສໂກ ສະຫະລັດອາເມລິກາ ກ່າວວ່າ: ການນັ່ງ ແລະ ຢືນດ້ວຍທ່າທາງທີ່ຖືກຕ້ອງນັ້ນ ຊ່ວຍໃຫ້ສະໝອງຈື່ຈຳເລື່ອງລາວຕ່າງໆໄດ້ດີ ຍ້ອນເລືອດສາມາດເອົາອົກຊີແຊນໄປລ້ຽງສະໝອງໄດ້ຫລາຍເຖິງ 40 ເປີນ້ອຍ.


ການໝັ່ນບໍລິຫານສະໝອງດ້ວຍ 4 ວິທີນີ້ເປັນປະຈຳ ຈະຊ່ວຍພັດທະນາສະໝອງ, ຊ່ວຍຄວາມຄວາມຈື່ຈຳດີຂຶ້ນ ແລະ ຍັງປ້ອງກັນພະຍາດອັລໄຊເມີ ຫລື ສະໝອງເສື່ອມໄດ້ນຳອີກ.


ຂອບໃຈທີ່ມາ:www.sanook.com

ອອກ​ຈາກ ບ່ອນໃຫ້ຄໍາເຫັນ

ກະລຸນາໃຫ້ຄໍາຄິດເຫັນ
ກະລຸນາໃສ່ຊື່